السلام عليكم
انا كنت كتبتلك حلم قبل كدا يا ماما نجيه في فتكات اللي هوه دا
انا حلمت اني طالعه سيكل مع الشركه (دورة تدريبيه في مدينه تانيه غير اللي انا مقيمه فيها) و كنا قاعدين في فندق هناك
المهم انا كنت في الفندق تحت و كان فيه واحد زميلنا بيكلمني
انا مش فاكره الكلام بس بعدها كنا المفروض هنروح مشوار فلقيته مسك ايدي و مشي ايدي في ايده و بعدين تقريبا موبيله رن
فمرضاش انه يسيب ايده من ايدي و طلع الموبيل بايده التانيه و حط ايدي انججيه و مشينا و انا كنت مبسوطه اوي و حاسه بيها كأنها في الحقيقه
المهم بعد مارجعنا طلعت اوضتي لقيت بابا في الاوضه وكان هوه متدايق وانا مدايقه كمان انه جه معرفش ليه بس نزلت علي طول لان كان فيه صلاه جمعه في ساحه الفندق اللي تحت ولاني كنت عاوزه اشوف احمد
وماكنش فيه مكان مخصوص للبنات زي في الحرم كدا
كان صفوف الناس في الصلاه اصلا زي الحرم كمان حوالين الكعبه
فقعدت ادور علي زمايلي و لقيتهم كان فيهم زميلي الاولاني دا اسمه احمد و محمد و واحده زميلتنا اسمها ميرفت و جه معاهم واحد زميلنا مسيحي فقلتلهم ايه اللي جابه دا معانا
فمحدش رد عليا بس احمد بصلي وقالي علي فكره انا جبت هديه للضيف اللي معانا ( قصده علي بابا ) فقلتله ضيف مين
فمردش عليا اللي هوه انتي عارفه مين يعني بس ابتسملي وقمنا بعدها عشان نصلي
انا اسنه 24 سنه
الحلم دا حلمته بعد صلاه الفجر والشروق
علاقتي بربنا مش اوي يعني بس الحمد لله
بس انا في الحقيقه انا معجبه باحمد دا
وحضرتك فسرتيه ان زميلي هيتقدملي بس هتحصل مشكله صغيره و ان انا وهوه هنرتبط برابطه ابديه لان يوم الجمعه يعني جمع
طيب دلوقتي هوه اتقدم و بابا رفض الموضوع و هوه حس بكدا في مقبلاته مع بابا فكلم بابا و قاله ان بيعفيه من الاحراج و الموضوع خلص
ياتري ربنا هيجمعني بيه تاني ولا ايه انا محتاره اوي ياريت تفيديني بالله عليكي
