[b]الحلم ده خاص بحماتى
هى حلمت انها رايحه العمره والموضوع ده جه فجأه وعماله تقول لابنها احسن اكون بحلم يا مصطفى هو فعلا بجد انا رايحه العمره وبعدين لقت اصحاب زوجها جاين يزروها هى قالت لهم انا مش تعبانه انا رايحه العمره حتى شوفوا وبينت لهم العبايه البيضاء الى لبسها تحت العبايه السمراء وبعدين راحت تدور على خيار وليمون علشان تاخدوا معاها ملقتش ولقت سلفها جايب لها حاجه كبيره مليانه ليمون اخضر واصفر هى قالت له ليه تعبت نفسك واخدته وبعدين لقت نفسها فى الشارع عند بيت سلفها ده وفى نور فى الشارع وزى مايكون بيطبخوا عنده قالت لهم هو انتم عندكم فرح قالوا لها ماانت عارفه قالت لهم والله ما اعرف حاجه ولقت بنتهم نجلاء لبسه حلق هى قالت لها او عايزه تقولها خدى بالك منه لحسن يقع وبعدين لقت عمر وهو حفيدها طالع على السلم وكان عايز ياكل قالت له استنى شويه هم هينزلولنا الاكل دلوقتى(حماتى زوجها متوفى ومزوجه ولادها كلهم وراحت العمره والحج كتييييير اوى وسلفها ده عنده شويه مشاكل عند ولاده البنات من ضمنهم نجلاء دى كانت مابنها وبين زوجها مشاكل بس الحمد لله اتحلت وحماتى دائما بتحاول تحل معاهم مشاكلهم)
الحلم التانى لحماتى برده
هى حلمت انها وانا معاها انا ماسكه بنتى الكبيره مريم وهى ماسكه منه الصغيره او محمد وواقفين على المحطه علشان انا قلت لها ان فى طريق مختصر هروح منه لماما وهى كانت جيه معايا وبعدين الاتوبيس جه كبير اوى وعالى اوى عليها مش عارفه تطلعه وقعدت تنادى عليه وتقول يا مريم واحنا تهنا منها مش عارفه احنا فين ولا احنا ركبنا الاتوبيس قبلها ولاايه وانتهى الحلم على انها ماركبتش ومش شايفانه
