انا صليت صلاة الاستخارة علشان اشوف انى اخد المادة اللى كنت شيلاها الترم ده ولا لا
حلمتانى كنت راحة الغيط بتاعنا وعدت منى اللى هو الشخص اللى بتمناه خاطبها بس انا معرفش الخطوبة تمت ولا لا
وكانت لابسه خمار لبنى وماكنتش امورة وكان ليها حسنة فى وشها فى الجزء اليمين زى صحبتى اسماء
وبعدين بقول لماما دى منى بقى مش حلوة وكانت ماشية مع واحد فانا قولت ده اكيد ابوها
وبعدين ببص لقيت نفسى راكبة حمار وراحة الغيط فمنى ونورا اصحاب اختى جهم بيقولوا انتى رايحة الغيط علشان نجى معاكى نروح حفظ القران عند الشخص اللى بتمناه هو فعلا بيديهم درس قران بس تقريبا شوفت مسجد وبعدين قالوا احنا مبنحبش ناخد فى البيت علشان هيام خلعت الشباك فانا تخيلت اللى هو شباك البلكونة الطويل بس انا لقيت نفسى حمشى من الطريق اللى عند البيت بس قولت حيشوفونى لابسة عباية البيت وكمان راكبة حمارة لا انا حروح
معلومات
انا لما روحت الكلية النهاردة قالوا ان المادة دى مش نازلة وفيه جدل فيها يعنى لوعاوزين تسجلوها سجلوها
وانا سجلت مادة غيرها وقولت حاخد المادة دى الترم اللى جاى بس حاسة انى محتارة.انا كل اما اجى اصلى استخارة الاقى منى ونورا
ومنى ونورا بيرحوا ياخدوا درس قران فى البيت
