السلام عليكم يا احلى ماما نجيه الصراحه انا بدأت اتفائل بيكى و بتفسيراتك
بابا جالى فى الحلم تانى
و كان نايم على كنبه عندنا فى البيت و لابس زى فانله بيضاء تشبه فساتين البيبيهات بتاعة السبوع و فيها ستان ابيض و فوقيها تونيك ابيض بردوه و قماشه على راسه بيضاء و لكن لابس بنطلون بنى غامق او اسود فسالته ايه اللى انت لابسه ده يا بابا
قالى مش عارف هم اللى ملابسنهولى
و بعدين قام قعد و لاقيت بطنى كبيره شويه عن ما هى فى الحقيقه بس مش ضخمه فسالنى و قالى انت حامل و لا ايه قلتله لا انا مش حامل ام مسك بطنى بايده الشمال وحط ايده اليمين فى ودنه قال يعنى بيسمع اللى فى بطنى و بعدين قعد يضحك
مع العلم انى لسه والده من 5 شهور و هو شاف ابنى و عندى ابن تانى عنده 4 سنين و لا افكر فى الحمل
ارجو توضيح لماذا بنطلون ابى ليس ابيض و توضيح موضوع بطنى
-------------------------------------------------
حلم اخر
حلمت خير اللهم اجعله خير
انى انا و زوجى بنشترى شقه جديده غير اللى احنا فيها و دائما بتكون اكبر و افضل من شقتنا و الحلم ده تكرر مرتين
علما بان الشقه اللى انا قاعده فيها ديه جديده اصلا و لسه مشترينها من سنه تقريبا
و جزاكى الله خيرا و بارك لك
