السلام عليكم ورحمة الله وبركاته
ازيك يا ست الكل
انا حلمت انهارده انى فى مكان كان فى دماغى انه صالة السويدى بتاعة الجيم وكان فيه بنات كتير وبعدين كنت واقفه بصلى صلاة الجمعه ركعتين وبعدين لقيت بنت شدتنى كده خلتنى اطلع من الصلاه وقالتلى استنى هيقيموا الصلاه دلوقتى ونصلى جماعه احسن فانا ادايقت منها وقلتلها يا ستى انا تعبانه وكنت عاوزه اصلى دلوقتى ودخلت اوضه كده فيها سراير قعدت على السرير وانا مدايقه وحاطه ايدى على وشى وبعدين علطول لقيت اذان الاقامه وكلهم قاموا يصلوا وانا مقمتش معاهم قعدت مستنيه شويه قلت هلحقهم قبل ما يخلصوا الركعه الاولى وادخل فى الصلاه وقعدت مستنيه لحد ما سجدوا السجده التانيه فى الركعه الاولى وتقريبا دخلت معاهم فى الصلاه
وكان فيه مشهد تانى فى نفس الحلم كنت انا وماما فى بيتنا القديم وكان فيه على السرير شويه هدوم فماما طلعتلى منهم بنطلون ابيض اللى هو كله واسع ده بس كان جميل وعاجبنى اوووى وقالتلى خدى ده ولبسته وادتنى عليه جاكيت ازرق ولبستهم الاتنين وكانوا شيك اووووى ولبست عليهم حزام كده عريض وجميل وقلت هبقى اجيب تحت الجاكيت بدى وبعدين ماما قالتلى الهدوم دى بتاعة بت خالتك سحر كانت بتلبسهم زمان فأنا قلتلها طب انا مش هبقى البسهم اودام اخواتها عشان ميقولوش ان دى هدوم اختهم
بنت خالتى اللى ماما ادتنى هدومها دى متجوزه من زمان وولادها كبار
انا يا ماما بقالى اسبوع كده مقصره فى صلاة الضهر شويه وبصحى متأخر وبصليها قضاء
