حلمت امبارح خير انى راكبه ميكروباص مع واحد وتقريبا مسافرين دمياط او راس البر (مع العلم انى كتير جدا بحلم انى فى دمياط نفسها او راس البر) المهم كنا ماشيين وبعدين طالعين كوبرى فأول ما طلعنا الكوبرى العربيه جت على حافة الكوبرى وكانت هتتقلب لتحت فى الطريق وبعدين ربنا ستر واتعدلت العربيه ومشينا فقعدت اقول اللهم لك الحمد والشكر واقول لا اله الا انت سبحانك انى كنت من الظالمين وبعدين وصلنا ولما وصلنا لقيت تقريبا واحده قريبتى وكنا بناكل انا وهى عيش وحلاوه طحينيه فجت ست بتقولنا انتوا حوامل فقلتلها لاء هى اللى حامل انا لسه متجوزه قريب مع انى فى الحلم كنت مخطوبه بس انا اللى قلتلها كده طالما هى مفكره انى متجوزه وبعدين مشهد تانى لقيت نفسى فى بيت بنات عمتى وقعده مع واحده منهم وبتكلمنى على واحد كنت اعرفه زمان بس محصلش نصيب وهو متجوز حاليا كانت بتكلمنى على انه هو خطيبى فى الحلم وبتقولى انتوا مستنين ايه ما تتجوزوا بقى اتأخرتوا كده ليه قلتلها هعملوا ايه يعنى انا اللى هقوله يعنى وبعدين خرجت من الاوضه ورحت اوضه تانيه فلقيت فى الصاله بنوته تقريبا 4 او 5 سنين قمر وكانت اختى فى الحلم ولقيت واحد زميل اخويا فى الشغل قاعد يلاعبها وفى نفس الوقت قاعد يبص عليا
انا انسه بتمنى ارتبط بواحد قريبى وزي ما قلتلك قبل كده يا ماما انه بيقول ان فيه حاجه بتمنعه ومش قادر ياخد خطوه وانا بصراحه تعبت بجد
اما زميل اخويا مفيش اي حاجه بينا ولا بفكر فيه
وفى عريس حاليا جاى عن طريق ناس معرفه بس لسه مشفتوش
