السلام عليكم ورحمة الله وبركاته
انا حلمت يا ماما نجيه انى كنت قعده فى الصاله فى بيتنا وكنت لابسه بلوزه وشورت وبعدين لقيت احمد قريبى اللى انا فى الحقيقه عاوزه ارتبط بيه داخل عندنا هو وبنت خالتى وهى تبقى مرات اخوه وقعدوا فى الصاله فقمت انا دخلت اوضة النوم بتاعة ماما ولبست عبايه سمرا هى فى الحقيقه عندى وطرحه عشان مينفعش اقعد اودامهم كده بالشورت وبصيت للمرايه لقيت نفسى اموره اووووووى وبعدين خرجت من الاوضه وابتسمتلهم وهما فى الصاله ودخلت اوضة الصالون عشان اتكلم فى التليفون
ومشهد تانى كنت بنفض فى شقه اخويا اللى هو قاعد فيها لوحده (اخويا عازب) تحتنا فى نفس البيت وكنت بنفض التراب وكان كتير وبكنسله وفى اخر الحلم شفت ناس قعدين فى مكان مش عارفاه واودامهم تورته وبيتزا وكانوا مستنينى لما اروحلهم عشان اكل معاهم ورحتلهم وصحيت على كده
