تفسير احلام يوم الاثنين الموافق 9\16 باذن الله

رقم 1
حلمت انى دخلت غرفة النوم بتاعتى و مسكت بنطلون جينز لونه ازرق و لقيته واسع جدا من فوق و من الرجلين كمان..و بقيت مستغربة ازاى هو واسع و كبير كده مع ان وانا لابساه مقاسه كويس عليا ..و قلت ازاى الخياط عمله كده و قلت انا عايزة اروح له يعمل لى واحد تانى فى الشتاء..

حلمت انى فى العربية مع زوجى و فى طريق و وقف و شاور على مكان تقريبا ده القرية اللى احنا بنقعد فيها فى الساحل الشمالي..و زى فى حاجة مش عاجباه فيها بس انا اقنعته انها كويسة و خلاص ..لقيته لف العربية فى اتجاه للخلف و مشي شوية و دخل قرية مارينا (فى الحلم المفروض انها مارينا) و دخلنا ما حدش سألنا على كارنيهات ولا حاجة ..و لقينا محل اول ما دخلنا و كان قدامه حاجات زى كراسي صغيرة و زوجى كان عايز يركن العربية فى المكان ده و فعلا حد شال الكراسي و الحاجات ..و اول ما وقفنا نزلنا من العربية انا و بناتى الاتنين ..لقيت فستان مقاس بنتى الصغيرة لونه بمبي و عليه رسومات فراولة..و قلت ل بنتى الكبيرة روحى شوفى الفستان ده ل اختك ..و لقينا واحد كمان و مسكته انا و بنتى الكبيرة لقينا الخامة بتاعته مش حلوة ..و بعدين البنت فى المحل جابت الفستان البمبي اللى شفناه الاول و بنتى الصغيرة لبسته و شكله كان كويس بس حسيت مقاسه كان صغير شوية ..و بعدين اكتشفت ان انا واقفة حافية و لقيت ورايا الشبشب بتاعى بس كان مقلوب على وشه و رحت لبسته و انا تقريبا كنت لابسة عباية او فستان ..و بعدين لقيت بنت شابة و معاها شاب واقفين جنب زوجى و البنت قالت ل زوجى اسمها الثلاثى بس مش فاكرة كان ايه و انا بهزر مع البنت و قلت لها فين البطاقة بتاعتك علشان نتأكد من اسمك و سبتها تتكلم مع زوجى ..(بنتى الصغيرة طالبة فى المدرسة ) ..شكرا

السلام عليكم 
رايت في المنام  ان امي ترتدي فستان غاية في الروعة و الفخامة لونه ابيض مش طويل ومش قصير تقريبا الى الركبة او اسفلها شوي و من فوق كان مرصع باحجار اضنها لؤلؤ ابيض كانت تبدو جميلة و عاملة تسريحة حلوة تفاجئت من شكلها لانها احلى بكثييير من الواقع ثم رايتها تحمل في يدها عدة فساتين اخرى و و راحت توريهم لي كانت كلها جميلة و فاخرة و كل فستان ما بيشبه التاني رايت واحد من الحرير و شكله مثل النمر  و شفت واحد تاني لونه ابيض و قلت لامي ان هذا الفستان  هو نفسه فستان فيروز ( فيروز هي ممثلة تركية مشهورة وسبق لها ان ظهرت بنفس هذا الفستان ) 
فبقيت متعجبة من تلك الفساتين الفاخرة و فرحت لان امي تملكها 


انا عزباء لا اعمل 
امي عايشة الحمد لله بس تعاني مشاكل رهيييبة مع والدي الظالم الذي دمرها ودمر حياة اولاده  الله ينصرنا و ينصرها عليه 

السلام عليكم و رحمة الله
رايت امي رحمها الله و كانت متعبه كثيرا و مظطربة و تقول لي انها لم تصل في حياتها فقلت لها سأصلي عنكِ ما فاتك فقالت و صلاتك انتِ ؟ ثم قامت تحضنني و تقبلني.
آنسه لا اعمل امي متوفاه و لم تكن تصلي بسبب عملية قلب

حلم رقم ٧ 
ماما جوزي بيحلم ان هو علي طول ماشي في الشارع وهو مش لابس بنطلون وسعات مش لابس بوكسر... بيتكرر كتير اوي في اماكن مختلفه زحمه و فيها ناس

هو متوسط التدين عندنا ولدين

رقم ٨
الست اللى معايا فى الحلم دى ام زميلة بنتى الصغيرة فى المدرسة و اسمها غادة و علاقتى بيها متوسطة و هى عندها ولد و بنت فى المدرسة .....حلمت ان انا و هى فى النادى و انا ماسكة إيصالات و بقول لها انتى ختمتى الايصالات بعد ما دفعتى قالت لى ايوة ..انا لقيت نفسي ما ختمتش الإيصال و رحت لقيت كام راجل و ست قاعدين و قلت للست عايزة اختم ..قالت لى انه مافيش حد هنا و لو عايزة هتلاقى زحمة دلوقتى ..فقلت لها خلاص بكرة ابقى اختم و بعدين بقول لنفسي هى غادة هتدخل النادى ازاى و هى مش عضوة فيه ..قلت ل نفسي يمكن هتقول لهم انها مشتركة فى السباحة و يدخلوها (هى فعلا مش عضوة فى النادى بتاعى ) ..و بعدين نزلت سلم قصير كده و المفروض اننا هنمشي من النادى ...و انا ماشية لقيت نفسي بفكر فى واحدة انا فى الحقيقة بساعدها احيانا و ببعت لها ملابس لبنتها الصغيرة ..فى الحلم زى انا سامعاها بتقول ل حماتها ان انا ارسلت فستان حلو اوى لبنتها و شفت جزء من الفستان ..(انا فعلا ارسلت الفستان ده لها من اسبوع ) ....و بعدين لقيت نفسي داخلة شقتى و لقيت غادة دى سبقتنى و لقيتها فى غرفة النوم بتاعتى و قاعد و على السرير بتاعى و كاشفة شعرها و معاها طفل رضيع و هو على السرير و بيلعب فى مكعبات ملونة كده ..و بعدين لقيت غرفة ابنى نورها مفتوح و طفيته ..و بعدين دخلت عرفتى تانى لقيت الدولاب بتاعى الضلف العالية بتاعته مفتوحة و فى حاجات محطوطة على الضلف ..و فى حاجة من الهدوم وقعت علينا و غادة وضعتها جوة الدولاب فوق ..و لقيت جاكيت كمان (كان عندى زيه فى الحقيقة بس من سنين كتير و هو ملون الوان كتير ازرق و احمر و بمبي ) و بصيت عليه و غادة اخدته منى ووضعته فى الدولاب و قفلت الضلفة ..و لقيت ضلفة تانية عليها قميص مكوى....بعد كده طلعت الصالة لقيت بنتى الكبيرة و معاها صاحبتها ..واحدة منهم سلمت عليها و بوستها اسمها مريم و قالت لى انا جبت لك البسطرمة اهى يا طنط و لقيتها ماسكة كيس و بتوريهولى و قلت لها خلاص نتعشي مع بعض بيض بللبسطرمة و كنا مبسوطين و بنضحك كلنا و سلمت عليها و بوستها تانى..كان فى بنت تانية واقفة المفروض انها صاحبة بنتى كمان بس لما لقيتنى طولت فى السلام على مريم زعلت و مشيت من غير ما تسلم ... و بعدين زوجى جاء و انا قلت اقفل الباب بتاع الحجرة علشان صاحبتى مش لابسة الحجاب ..و لقيت زوجى بيقول لى انه عايز اعمل له ام على و قلت له ماشي و سالت غادة تشربي شاى ولا نسكافى ..قالت لى نسكافى و قلت لها انا كمان هشرب زيك ..و بعدين طلعت الصالة و انا بدون حجاب ..لقيت راجل ماسك ترابيزة خشب مدورة و يصلحها ..بسرعة مشيت من قدامه .. شكرا

رقم ٩
حلم ملخبط شوية ( من كام شهر بنتى كان جالها عريس اسمه محمد و قرينا الفاتحة و كنا هنعمل خطوبة و قلنا ل قرايبنا و بعدين اكتشفنا حاجات وحشة فى الموضوع و لغيناه و ما عملناش حفلة ولا حاجة ...حلمت ان انا زعلانة و فى شقتى و بقول يعنى الناس دلوقتى هيقولوا العريس راح فين دى كده تانى مرة يعنى بعد ما عملنا الحفلة و الناس جت و باركت نقولهم ايه دلوقتى ..و شفت بنت عمى زى طالعة البيت عندنا و معاها ورد ..يعنى زى هى كانت معزومة و كده ..و بقول طب اسال بنتى عن محمد ده ولا بلاش و اشوف اخباره ايه ..(فى الحلم زى ما يكون محمد ده موضوعه متعلق و ممكن يكمل بس طبعا احنا فى الحقيقة قفلنا و الموضوع إلى الأبد ان شاء الله لان اكتشفنا انه كداب و حاجات كتير ..و بعد كده شفت نفسي قاعدة على كرسي فى الصالة بس جنب باب الشقة على طول و فى قدامى كرسيين فاضيين و فى حد جه يقول لى انه عايز يقعد على الكراسي دى بس انا قلت لهم لا ده كرسي ابو العريس و اخت العريس و هم قاموا بس و راجعين و فعلا لقيت ست و راجل جايين بسرعة ناحية الكراسي علشان ماحدش ياخدها ..شكرا

رقم ١٠
حلم غريب و اعتقد انه زى الكابوس شوية
اللهم اجعله خير ..حلمت انى ماشية فى الشارع مع بنتى الصغيرة و فجاءة لقيت حبل متعلق فى رجلى من تحت ز مربوط فيه طفلة رضيعة ..انا قلت اكيد دول ناس حرامية و مجرمين و ربطوا البنت كده علشان انا اقف و افكها و ساعتها بيجوا يسرقونا ...طبعا انا خفت و قلت مش هقف.و كل شوية احس انه الحبل انفك و اخلع رجلى منه و بعدين فجاءة الاقيه ماسك فى رجلى تانى و هكذا اكتر من مرة و احنا ماشيين كتير ..فجاءة وقفنا و لقيت بنتى راحت مسكت الطفلة الرضيعة و قالت لى يا ماما دى عايشة مش ميتة و بدأت بنتى تعيط علشان زعلانة على البنت ..و طبعا انا خفت ان الناس يقولوا ان احنا موتناها ..و جت ست بتكلمنا انجليزى و انا كمان رديت عليها انجليزى ..و قلت لها انه البنت دى لقيتها فى الشارع و زى الست مش بترد عليا و انا كررت كلامى تانى ..بعد كده مشينا و لقيت اننا بنطلع سلالم و شوية بننزل سلالم و كان فى ناس ورانا و انا طبعا قلقانة .. و لقيت راجل معاه كرسي نازل قدامنا و حط الكرسي على جنب و انا سندت الكرسي علشان كان معووج بس فجاءة خلاص ما لقيتش حد ورانا و احنا ماشيين عادى ...شكرا

السلام عليكم ورحمه الله
ماما نجية انا ابحث هذه الايام عن عمل و اقوم بمقابلات بهذا الشأن. و وجدت عمل جيد يراتب قليل و انا مترددة حول قبوله فرأيت هذه الرؤيا.
رأيت ان لدي شيئين الاول الذهاب لمقابلة تانية للعمل و الثاني الذهاب الى المدرسة لحضور درس اللغة الفرنسية مدة ساعتين و عندما افقت من النوم وجد الساعة تجاوزت التاسعة و المقابلة على. الساعة التاسعة و النصف فقررت عدم الذهاب اليها و قلت اني سأذهب إلى درس الفرنسية و اسرعت في تجهيز نفسي و كنت ابحث عن كتاب الفرنسية لاخذه معي و سمعت حينها خبر صدور نتائج الانتخابات بالجامعة العربية و التي لم يكن احد مهتم بها ثم اتت فتاة تخبرني اني فزت بالانتخابات و انه يجب علي التواجد حالا في مقر الجامعة كي استلم منصبي فذهبت معها و التقيت رئيس الهيئة الذي هنأني بفوزي ثم طلب مني ان اتبعه الى داخل المقر فتبعته وشط حشد من الامن حوله و جلسنا جميعا مع العاملين في المقر في اجتماع بعد ان اعطاني نصائح في كيفية المشي و التصرف . رحب بي كل من كان هناك ثم تحول المكان الى قطار و رئيس الهيئة يلقي خطابا للحاضرين و انا انتبهت اني البس فستانا قصير و قد نزعت الحذاء من ساقي و كنت انصت لكل ما يقوله ثم وقفت قليلا و توقف القطار في محطة و سألتني احدى الفتيات عن محطة معينة كي تنزل فيها فقلت لها اني لا اعرف المكان ثم حين اردت العودة الى مقعدي سالني رئيس الهيئة عن رايي بشيء ذكر في خطابه فذكرته له فاعاد سؤاله عن الفتاة فاخبرته انها تسأل عن محطة معينة و جلست حينها في مكاني ووجدت حذائي قد تحول الى كرتين صغيرتين جدا اي لم يعد موجودا
ماما نجية ارجو تفسير مفصل للرؤيا لو سمحتي
انسة لا عمل بانتضار الفرج