تفسير احلام يوم الاثنين الموافق 2\9 باذن الله

السلام عليكم يا ماما نجية

حلمت إنى في البلد ودخلت بيت جوز اختى القديم وكان ابوة وأمة عايشين دخلتة لقيتة مكسر ومبهدل من جوة وسمعت صوت امة الله يرحمها وسالتها عن جوزها الله يرحمة وبنتة ربنا يديها الصحة قالت في مشوار فمشيت ووصلت شقة اختى لقيت جوزها قاعد مدينى ضهرة ومش مهتم بيا خالص وشوية وابنة شايل منظفات للشقة فقالة هات أما ننضف وساعتها بس كلمنى وقالى انتى شاطرة في النظافة تعالى امسحى التراب قمت مع انى حامل ومسحت كان في كمية تراب رهيبة في الشقة اختى كانت فرحانة بالنضافة فيها وقالت لى باتى عندى بقي ....متزوجة وعندى ولدين وحامل واختى عندها اولاد كبار وبقي في دايما مشاكل مع جوزها

حلمت انى قاعدة و جاءت واحدة صديقتى اسمها إيمان و معاها واحدة تانية معرفش مين...إيمان كان معاها طفلة رضيعة و سابتهالى و قالت لى انها هتسيبها معايا علشان هى مسافرة القاهرة..و البنت كانت فى عربية بيبي او كرسي ..و كانت نايمة ..و انا سالت صديقتى و اللى معاها قلت لهم انا اعمل ايه للبنت لو محتاجة ترضع ؟؟ ..قالوا لى ان الساعة دلوقتى ٧ و البنت هتنام لحد الساعة ١١ ..و مشيوا و سابونى..انا لقيت البنت فتحت عينيها شوية بس كانت ساكنة..و انا كنت محتارة اعمل ايه معاها (صديقتى متزوجة و عندها ولد و بنت فى الثانوى و اهلها من القاهرة اصلا و بقالى فترة ما شفتهاش )..شكرا

حلمت انى شفت ٢ من زميلاتى من زمان فى الجامعة داليا و غادة (داليا متزوجة فى السعودية و أولادها فى الجامعة و من مدة طويلة معرفش اخبارها ...غادة متزوجة و معرفش عنها حاجة)....حلمت انى شفتهم و بعدين لقيت نفسي بتمشي مع داليا انا و بنتى الكبيرة ..انا كنت فى النص و بنتى ع اليمين و صاحبتى ع الشمال و ماسكين ايدين بعض
...داليا قالت لى هاتى بنتك تمشي جنبي علشان اتكلم معاها ...و فعلا بدلنا مكاننا و بقيت داليا فى النص و انا ع اليمين و بنتى ع الشمال و كانوا بيتكلموا مع بعض ...شكرا

حلمت انى واقفة فى شارع و معايا زوجى و بنتى الكبيرة و معانا ست (اعتقد كانت مامت عريس ) و احنا محتارين نقعد فين ..انا بقول ل بنتى ممكن نروح نقعد فى اى حتة فى كارفور بس بنتى قالت لا مش هينفع ..و الست قالت ممكن المكان اللى قدام كارفور بس انا قلت لها لا ده كده بعيد و انا لازم بعد شوية اجيب اختها الصغيرة من الدرس ..لقيت بعد كده اننا بنركب العربية بتاعت بنتى و انا قعدت فى كرسي السواق بس المكان كان ضيق و انا قاعدة مش مرتاحة .. بنتى و زوجى و الست قعدوا فى الكنبة ورا ..و انا بحاول اسوق العربية و انا مش مرتاحة لسه ..و لقيت بنتى فى الكرسي اللى جنبي ..و الشارع كانت السواقة فيه صعبة جدا كل شوية احس انى هخبط حد من الناس اللى ماشيين بس ما خبطتش حد ..و كمان مرتين الاقى نفسي هخبط حمار و فى راجل بيكون راكب عليه ...بس ما خبطتش ولا حاجة..بس كنت سايقة بصعوبة و الطريق زحمة و عمالة الف الدركسيون كل شوية علشان احاول امشي و كنت بقول هو ليه انا اللى خلونى اسوق مع انهم بيعرفوا يسوقوا احسن منى ..شكرا

السلام عليكم ورحمة الله وبركاته 
رأيت اني ساسافر انا و اختي و فتاة أخرى حضرنا حقائبنا  حاولت إيقاظ فتاة ثانية كانت معنا لكنها لم تستيقظ رأيت أن اختي و الفتاة الأولى خرجتا من المنزل قبل مني ووجدتا وسيلة نقل كي توصلهما للمطار لكن انا حين خرجت للشارع كانت لدي مال قليل فوجدت امرأة معها نسوة طلبت منها أن توصلني للمطار فقبلت أن توصلني لكن كانت تسير ببطء ثم ذهبت بنا لمكان عبارة عن آثار قديمة فقلت لها ساتاخر لا داعي أن توصليني سابحث عمن يوصلني لكي لاتأخر عن الطائرة وطول الحلم وانا على اعصابي و حزينة و انتهى الحلم وانا على هذا الحال
انا  انسة متدينة لا اعمل 
اختي انسة متدينة موظفة

السلام عليكم 
رايت في المنام ان رجل جاء فجاة و تزوجني ما لحقت حتى اجهز نفسي  و هذا الرجل رايته بثلاث شخصيات في نفس الرؤيا حيث في البداية كان كانه زوج صديقتي اسمه عبد النور وهو مغترب في اروبا حيث اخذني من بيت اهلي و انا مستغربة كيف تزوجت به و هو زوج صديقتي المقربة ثم رايته بهيئة احد الممثلين اللبنانيين اسمه يوسف حداد وهو ممثل لبناني معروف وفي كلا الشخصيتين رايته طويييل القامة واحسست انه شخصية مهمة جدا واحسست بالامان معه 
المهم اخذني هذا الرجل و قال لي اننا رايحين الى فرنسا و انا طول الطريق مستغربة كيف حدث هذا الزواج بسرعة البرق ثم وصلنا لمكان موجود في بلدي وهو منطقة سياحية كنت متعجبة من جمال المكان كان فيه مروج خضراء و طبيعة ساااحرة مثل الجنة ثم قال لي الرجل سوف نستريح هنا لبعض الوقت قبل ان نكمل طريقنا الى فرنسا 
ثم رايت هناك بيت كبير جدا مثل القصر اقتربنا منه قليلا و تبين انه مسجد ثم قال لي ذلك الرجل سندخل لنقرا شيء من القران فقلت له انا لا احب قراءة القران فنظر اليا متعجبا لكنه لم ينزعج 
المهم اقتربنا من ذلك القصر الذي هو مسجد ووجدنا بداخله الكثير من البنات كن جميلات ومفعمات بالحيوية  وقع في قلبي انهن عاملات في ذلك المكان 
المهم دخلنا الى احدى الغرف كانت فااخرة جدا و رايت ارضيتها كلها مفروشة بفوطات مسح الوجه  وقالو لنا ان هذه الفوط يتم مسح الارجل بها بعد الغسل او الوضوء و استغربت في نفسي و قلت كيف يمسح الارجل بفوط الوجه يعني قلت في نفسي اكيد عندهم اموال طائلة لذلك يخصصونها لذلك 
قعدت انا و الرجل وكان مهتم بيا كثيرا و مدلعني عالاخر وقال لي ساذهب لاشتري لكي ملابس و امور خاصة بكي لاني ذهبت معه بملابسي و ما لحقت اجهز نفسي وانا قلت له بعدين  
 كنت سعيييدة جدا و فرحانة بهذ الزوج الكريم و الغني الذي عمل كل شيء لاجلي 
بعد شوي رايت هذا الرجل يلبس عباءة فضية اللون و رايته وقف ليقيم الصلاة  هنا رايته كانه رجل اخر في الشكل حيث كان يشبه الطبيب الذي اتعالج عنده في الواقع اسمه حميد  حيث كان طويل القامة و بطنه بارزة يعني كرشه كبيرة شوي فقلت في نفسي هذا الرجل شبعان كتير 
بعد لحظات خرجت من تلك الغرفة وكنت في غرفة اخرى مجاورة  فيه اكسسورات و جواهر كانه محل بيع ثم اخذت خاتما من الذهب فيه فص من العقيق او الياقوت المهم انه حجر كريم باهض الثمن كان لونه عسلي مائل للاحمر و لبسته في اصبعي و سعدت به كثيرا لانه جميل و فاخر ثم عدت الى الغرفة التي كنت فيها مع زوجي 


انا عزباء لا اعمل لا ارقي حلم عادي اعاني من بعض المشاكل 

حلمت انى فى محل و معايا بنتى الكبيرة و لقيت هدوم متعلقة و سالت الست اللى فى المحل قالت لى هنا العبايات ووراهم الناحية التانية الفساتين ..انا بصيت لقيت الفساتين زى ما تكون فى جزء تانى من المحل و حواليه زجاج و مافيش غير فتحة ضيقة فى الخلف صعب الواحد يعدى منها و الفساتين كانت غامقة و كلها طويلة ...فى عباية سوداء مطرزة ما كانش شكلها عاجبنى للدرجة بس مش فاكرة بنتى لبستها ولا لا و انا قلت ل بنتى تعالى شوفى العبايات علشان هتحتاجيها و فى بالى ان بنتى حامل و وتحتاج هدوم واسعة ..بعد كده لقيت بنتى لابسة جزمة و قلت لها خلاص دى كويسة قالتلى لا صباعى مزنوق ..و قلعت الجزمة و انا قلت دى مقاس ٣٧ ..ممكن نسال عن مقاس ٣٨ ..بس رجعت فكرت انه الجزمة دى مقاساتها بتاعت اطفال و مافيش أكبر..و بصيت على الجزمة لقيتها مقاسها صغير جدا و استغربت احنا ليه بصينا على حاجة كده ..و بعدين قلت ل بنتى هاتى اختك اللى انتى شايلاها علشان تعرفى تقيسى ..و اخدت منها طفلة رضيعة و كانت نايمة (طبعا اختها فى الحقيقة اكبر من كده بكتير ) و لقيت بنطلون بتاعى ابيض زى بنتى كانت ركنته على جنب و انا اخدته معايا و قلت علشان ماحدش ياخد الفلوس اللى فى الجيب بتاع البنطلون ..و قعدت على كنبة و معايا الطفلة الرضيعة و طلعت محفظة بتاعتى من البنطلون ووضعتها فى شنطتى ..
فى جزء مش عارفة ده بقية الحلم ولا ايه لقيت ابنى بيقول فين الموز اللى اشتريتوه و قال ان بنتى شكلها اخدت من الموز ..و لقيته ماسك سباطة موز بس كان لونه مخضر ..و انا قلت له انه كلها يوم و يستوى الموز ... شكرا