تفسير احلام يوم الاثنين الموافق 11\11 باذن الله

حلمين لاختى
حلم 1
حلمت أنى فى بيت طليقى رأيته مولع نار وبعد كدا بقيت دخان كتير جدا وكانت بنتى الصغيره كريمه عند الدخان ورحت أخدت بنتى وقولت لها تعالى من الدخان ومشيت
حلم 2
حلمت أكلت نصف جوافه وباقى معى جوافتين ونصف هعطيهم لامى وابى
مطلقه

حلمت ان انا وصحبتي اسمها دينا رايحين نعمل عمره ووصلنا السعوديه بس مرضوش يدخلونا الحرم عشان وصلين من غير تصريح ودخول كاننا متهربين كنت انا ودينا ومامتي وحبه ناس معرفهوش وفضلو مقعدينا عشان هيشوفو هيرحلونا ولا ايه وفي الاخر ادولنا تصريح الدخول لينا انا وصحبتي وماما ورحلو الباقي
انا انسه
مش مرتبطه
٢٩ سنه
ملتزمه بالصلاه

السلام عليكم ماما نجية

حلمت انى في شقتى واخو جوزى ومراتة جايين عندنا أول ما دخلو وقعت ماعرفش لية فاتكسفت جدا وقلت لهم معلش رجلى جة فيها شد عضل فسلفتى جت من ورايا وبدات تحسس على بطنى وتضغط قلت لها رجلى اللى بتوجعنى مش بطنى وحسيت انها بس عايزة تعرف بطنى بقت اد اية عشان انا حامل. ..انا متجوزة وعندى ولدين وحامل وعلاقتى بسلفتى سطحية

الحلم لحماة أختى (ام زوجها )
حلمت أنها بتقول رايحه تزورنا هى وامراه نعرفها وجاؤا عندنا وكنا خبزين بسكويت واختى هى اللى بترص البسكويت فى الفرن واحنا عملنا ليهم شاى فى مجات شاى كبيره وأم زوج أختى قالت انا مش بشرب شاى حتى اسألوا زوجه ابنى اللى هى أختى وهى صح مش بتشرب شاى فى الحقيقه وقالت أن احنا عاملين البسكويت عشانى انا اتخطبت لشخص هما يعرفوه وقالت لزوجه ابنها (اختى ) ليه مقلتيش هما بيعملوا البسكويت عشان أختك اتخطبت لشخص دا
حماة أختى هى اللى حلمت الحلم/ انا عزباء /أختى متزوجه فى مكان غير منطقتنا

حلم لاختى
أختى حلمت أننا خبزين بسكويت وهى بترص البسكويت فى الفرن عندنا فى البيت
أختى متزوجه

السلام عليكم
حلمت إني في مكان مليان بنات وفي وآحده أعرفها قالتلي روحي الحقي اشتري فستان زي إللي أنا لابساه ده لإنه عجبني هي متجوزة ومسافره وعندها ولدين روحت اشتري لاقيت فساتين واحد عجبني وواحد لاء كانوا محطوطين تحت لوح زجاج ومحدش شايفهم روحت لراجل قاعد المفروض إنه في السعودية قولتله غلفهوملي راح حاططهونلي آلأتنين في شنطه حلوه جدا شنطه حريمي مكتوب عليها من ورا قل أعوذ برب الفلق وأنا مكناش متوقعة إنه هيغلفهوملي كده الشنطه لونها بيج وأنا كنت لابسه شوز لونه بيج وآحده قابلتني قالتلي دول حلوين آوي عليكي بس آنتي دفعتي للراجل كام قولتلها هو عطهوملي بمبلغ صغير قالتلي روحي اسأليه لو عايز فلوس تآني مش معقول سعرهم يكون كده روحت سألت الراجل قالي لا هو ده سعرهم بس أنا كنت عارفه في نفسي إني دفعاله أقل وصحيت من النوم
أنا انسه اتقدملي عريسين مسافرين ورفضهم بس في واحد تآني في دماغي وكان متقدملي قبل كده وحاليا مبنتكلمش وهو مسافر السعودية هل الشنطه دي معناها عريس تالت أنا في الحلم كنت فرحانه بيها آوي آكتر من الفساتين

حلمت ان احنا فى عربية و بنتى الكبيرة قاعدة قدام و فيه راجل هو اللى سايق العربية و ماشيين و انا كنت قاعدة ورا ..و المفروض الراجل ده عريس ل بنتى ..و اخته قاعدة جنبي ورا ...و بنتفق اننا هنتقابل و بنقول ممكن يوم الاتنين او التلات ..و بعدين فجاءة بنتى اتشقلبت على ورا و جت ورا عندنا ..بس و هى بتتشقلب رجلها خبطت فى اخت العريس .و هى أتضايقت و قالت لها ليه كده يا فلانة ...شكرا

حلمت حلمين يشبهوا بعض شوية ...حلمت انه فى أهل عريس عندنا بس انا واقفة فى الطرقة و مش شايفاهم و شفت تقريبا والدى والدتى الله يرحمهم داخلين عند أهل العريس و انا بقول انه الاتفاقات محتاجة اننا نتكلم معاهم لان كده فى حاجات مش عاجبانى ..و شفت بنتى قاعدة مع شاب و بيتكلموا و كانت مبتسمة و انا بقول المفروض تستنى لما نشوف هنعمل ايه فى الاتفاق و متوقعة انه يكون فيه خناقة ...بس لقيت انه مافيش خناق ولا حاجة و استغربت انهم الناس فى الصالون بيتفاهموا بهدوء خالص ..
الحلم التانى ...انه انا متضايقة و بتكلم مع ابنى و بقول له ازاى انه زوجى يوافق و يتفق مع العريس و هو مافيش عنده شقة و لا عنده حاجة ..و قلت لازم اروح اعاتب زوجى و مشيت فعلا و كنت متضايقة ..و قعدت مع زوجى و قلت له انا اصلا مش عارفة اقول للناس العريس ده بيشتغل ايه..و زى انا مش عاجبنى الشغل او المؤهل بتاعه ..زوجى قال لى انه مدير إدارة حاجة مش فاكراها بس انا رددت الكلام ورا منه و صحيت على كده ..

حلمت إني ماشيه في شارع لوحدي ومعايا موبيلي وفلوسي وخايفه عليهم ظهرلي رجاله شبه الحراميه رموا عليا زي بودره علشان ادوخ ويسرقوا حاجات بس أنا مشيت ومدوختش الحمد لله
بس كنت عايزه اهرب منهم روحت لاقيت شباك قولت هنط منه قعدت افتح فيه كتير طبقات كتير فوق بعض سلك وضلف كتير في الاخر فتحته ونطيت منه كان مش عالي آوي مسافه بينه وبين الارض قريبه وبعدين لاقيت شاب واقف وبيقولي بحبك ومامته واقفه في الشباك مامته دي جيالي علي هيئة مرات عمي إسمها ايمان وابنها أساسا متجوز في الحقيقه بس قولتله متقولش كده قدام مامتك علشان متاخديش بالها أنا انسه لسه سايبه شغلي بعد مشاكل كتير كنت مرتبطة بواحد تقريبا نفس مواصفات الشخص إللي شوفته مستنيني بس حاليا مش بنتكلم

السلام عليكم ماما نجية

حلمت انى عند حماتى وام سلفتى جت وجايبة هدية لحماتى كشافين كهربا وعلبة بسكوت وقعدت وبتقولى اية يااميرة الدم نزلت ليكى استغربت وقلت لها انا حامل ياطنط قامت بنتها قالت لها انا اللى البريود جت فالست استغربت وعيالى نزلو فهى بتقوم تخبي الحاجات قمت انا بسرعة وحطيت الحاجة في جنب عشان اولادى ماياخدوش منها وقلت لحماتى عايزة فلفل ألوان هاطلع اطبخ قالت ادخلى شوفي ف التلاجة دخلت لقيت أغلب الحاجات في التلاجة معفنة فطلعت شقتى. ..انا متجوزة وعندى ولدين وحامل

السلام عليكم ورحمه الله
رايت اني مررت بمحل و كنت اريد شراء شيء منه و حين دخلت وجدته محل خياطة و صاحبه رجل عجوز و قد خاط لي سروالا  اكبر حجما من سروال اخر مشابه له تماما و طلب مني قياسه فقمت بقياسه بعد ان رأيت السروال المشابه له.
 بعد القياس وجدته على مقاسي و فرحت به و كان لون السروال رمادي ثم تحول ذلك السروال الي اللون الازرق و به دوائر و به لمعة جميلة كأن نوع القماش قد تغير.
انسة موضفة 
ابحث عن شراكة عمل

الحلم لزوجه أخويا
حلمت أنها لابسه لبس جميل وذاهبه لفرح خالها اسمه عصام واحنا كلنا انا واختى وماما وبابا رايحين الفرح معاها
انا عزياء أختى مطلقه زوجه أخويا ليس معها اطفال وخالها خاطب

الحلم لامى
أمى حلمت أنها هتشترى بسكويت من اتنين صبيان (اسماءهم علاء وبهاء واحد عنده 10سنين والتانى13سنه وهم اولاد شخص اسمه عواد) فى الحلم كان معاهم كارتنتين بسكويت أمى دورت فى البسكويت اللى معاهم معجبهاش البسكويت وبعد كده جدتهم ام ابوهم اسمها كماله قالت لى انا هجيب ليكى بسكويت وجابت لى بسكويت واعطيتها الفلوس مرضيتش تاخد منى الفلوس واخدت البسكويت ومشيت
الناس دول جيرانا فى الحقيقه هم مش بيبعوا بسكويت

السلام عليكم ورحمه الله
رايت ان امامي عائلة (ام و ابناؤها) ،و احد ابنائها اراد قضاء حاجته و قضاها في نفس المكان و كان هناك بول كثير (اعزكم الله) اصابني منه القليل و لكن امسكت الطفل كي يقضي حاجته بعيد عني و بعد ان قضاها اتت أمه و طلبت منها ان يغتسل ابنها من بوله و ذهبت انا لازيل من يدي اثره ايضا.
انسة موضفة

حلم1
حلمت أن احنا فى العيد وانا معايا طقم بظبطه عند الخياطه
حلم2
حلمت فى شخص متقدملى انا ماعرفهوش بس شفت شكله فى الحلم وانا مكنتش موافقه عليه فى الحلم
عزباء

الحلم لزوجه اخويا
حلمت هى وامى فى السوق زوجه اخويا شافت عبايه جميله وقالت لامى تشتريها لى انا (بسمه حياه )وامى معجبتهاش وعجبتها عباية تانيه اشترتها واشترت عبايه حمراء مش عارفه لمين

السلام عليكم يا ماما

حلمت انى في امتحان أحياء وبحسب الامتحان ورقتين بس وفرحانة انى خلصت ببص لقيت باقي ورق كتير جدا عيطت لانى ضيعت وقت كبير وانا مش واخدة بالى عيطت للمراقب ووافق انى اغش بس حتى انا كنت مزاكرة جزء صغير وتعبت وانا بدور على الإجابات بس كنت بنقل على اد ماقدر بس الامتحان طلع طويل قول وانا ملبوخة فية ...متزوجة وعندى ولدين وحامل