السلام عليكم ورحمة الله وبركاته
فى البدايه عاوزه اقولك حاجه عشان تخص الحلم
انا من اسبوع كنت بشترى حاجات مع ماما وقابلنا راجل كبير فى المحل وكان بيكلمنى وبيضحك معايا بعدين لقيته بيقولى افتحى كفة ايدك كده ولقيته قعد يقولى انتى كذا وكذا وبتحسى بألم فى ضهرك ورجلك وشعرك بيسقط ومواضيعك دايما مش بتكمل وقعد يقول حاجات كتير اووووى معظمها صح كل ده وانا متنحه ومش فاهمه حاجه وبعدين لقيته بيقولى انتى مخطيه على حاجه ومعمولك عمل ومحسوده من وانتى فى بطن امك ههههههههه مش عارفه ازاي بس المهم انه قعد يقنعنى انى لازم اتعالج يا اما هيجى عليا يوم واقع ومقدرش اتحرك من ضهرى وقالى انه بيعالج المهم قلتله انا بقرأ قرآن وبستعين بربنا لكن انا مش هروح لحد وربنا قادر انه يشفينى والراجل ده مش مقتنع باللى بقوله وانا كنت متغاظه اووووى منه لان معنى كلامه ان عبد اللى هيشفينى ورب العباد مش هيشفينى وهو اصلا شكله مش مريح وشكله دجال وصاحب المحل قالنا انه بيعمل اعمال وحاجات من دى
نيجى بقى للحلم حلمت انهارده خير ان شاء الله انى فى الشارع اللى كان فيه بيتنا القديم وبعدين لقيت واحده ست جارتنا زمان وكأن الراجل ده متجسد فيها وبيقولى برده مش هتروحى انتى حره هتفضلى طول عمرك كده مش هتخفى وقامت الست خرجت فى اول الشارع ودخلت بيت فانا قلتلها وننزل من القرآن ما هو شفاء ورحمة للمؤمنين وما يزيد الظالمين الا خسارا ودخلت البيت وبعد شويه لقيتها دخلالى الشارع تانى وعينها مغمضه وكأن حاجه لابساها وانا كنت انا وبنت عمتى تقريبا وكنت خايفه اووووى وهى بتقدم وانا برجع وخايفه وبعدين قلت لنفسى خلاص خوفى مش هيعملى حاجه وقعدت اقول اية الكرسى بصوت عالى وعذب وترتيل جميل وكنت كلى يقين ان ربنا هينجينى من اذاها واول ما خلصت الايه هى وصلت عندى ولقيتها فتحت كأنها كانت مش فى وعيها وفاقت ومعملتليش اى حاجه وبعدين اخدتها ورحت قعدت اودام بيت عمتى بره ع السلم ولقيت الست بقت بنوته صغيره قريبتى اسمها هنا اخدتها على رجلى ونيمتها وقعدت اقولها فى ودنها قرآن كنت بقول اول البقره بس كنت بتلخبط فيها وارجع اعيد واتلخبط رحت بدأت اقرئلها اية الكرسى وقامت البنت من على رجلى وراحت على رجل قريبتى اللى كانت جمبى وبعدين لقتنى قعده على سلم البيت اللى اودام عمتى والبنت نايمه على رجلى ولقيت ابوها بيقول انتوا عملتوا ايه دى كانت قعده تعيط فى البيت قلناله قرأنالها قرآن فقالنا طيب ماشى وكل ما ابدأ قراءه الاقيها ترتعش شويه وتبتدى تعيط وبعد كده تسكت
وبعدين مشهد تانى فى نفس الحلم كنت ماشيه فى الشارع ولقيت بنتين من زمايلى زمان واحده اسمها سالى والتانيه سعديه سلمت عليهم وبوستهم وقلتله انتوا مش معاكوا نمرتى فسعديه قالتلى انا رنيت عليكى امبارح ومرديتيش قلتلها ازاى انا غيرت اصلا الرقم اللى معاكى ومعايا رقم جديد فكانت عوزاه بس مكنش معاها حاجه تاخد فيها الرقم ولا حتى الموبايل فقمت رايحه معاها بيت المفروض انه بيتها فى الحلم بس هو مش فى الحقيقه بيتها ودخلت البيت ورحت خارجه تانى استنيتها بره وبعدين خرجتلى واديتها الرقم وصحيت على كده
انا يا ماما بقالى مده كبيره كام شهر بقرأ البقره والرقيه بس كنت ساعات لما احس انى اتحسنت اكسل شويه بس انا دلوقتى مواظبه الحمد لله
