هوه لما الواحد يكون متخوف من حاجة وتجيله فى المنام هل دى تعتبر رؤية ولا حديث نفس لان فيه شاب انا بتمناه امبارح حلمت ان واحدة ست جاية تقولى ده مفيش نصيب فانا قلتلها ايه لانى زى ما يكون مكنتش مركزة فقالتلى لالالا خلاص ده انا اقصد حاجة تانية خاااالص مش اقصد اللى قولته ده .......وبعدين كنت نايمة اخر النهار شوية لقيت واحدة بتقول دى سارة ومحمد (دول اتنين زمايلى فى الكلية لسه مخطوبين لبعض من يومين ) مش حصل بينهم نصيب وسابوا بعض وزى ما يكون انا فهمت فى الحلم ان ان سارة دى ترمز ليا ومحمد ده يرمز للشخص ده وبرده مش هيحصل نصيب على الرغم انه محصلش حاجة اصلا بينا وعلى الرغم انى فسرت احلام كتتتتتتتير عنه كانت رؤى حلوة وكويسه وكان تفسيرها خير عنه ومعرفش ايه التخبط ده لدرجة انى بقوم من النوم متضايقة من التضارب ده وفعلا انا متعقدة وخايفة لا الموضوع ده مش يفلح لان كان ليا موضوع قبل كده ومش حصل فيه نصيب وعندى مخاوف رهيييييييبة واكتئاب بسسب الموضوع ده ...طب اعمل ايه بس والله والله يا ماما نجية كمان فسرتيلى احلام عن الشخص ده لانى كنت بدعى ربنا كتييييييير ان ربنا ينورنى بس المخاوف اللى جوايا دى بتجيلى فى الاحلام وانا احلامى من النوع اللى بتتحقق ودماغى هتنفجر لان معظمها بتححقق ومش عارفة اطلع منها حديث النفس وافرق بينها وبين الرؤى ..انا حاسه ان الشيطان بيلعب بدماغى ومش عارفة دى رؤى ولا من الشيطان بس اللى بيضايقنى ان ربنا فى نفس الوقت بيبشرنى بحاجات جميلة من ناحية الشخص ده يعنى مثلا هقولك منام عشان اوضحلك الفرق بس فكنت شوفت خير[size=25]انى قاعدة فى بيتنا على الكنبة جنب امى وبعد شفت الشخص ده وهوه فى بيتنا فلقيت امى مسكته من ايده (من معصمه كده)فهو ابتسم وراح اتوضى وصلى فى بيتنا وبعدين امى سابتنى وقامت وبقيت قاعدة لوحدى فى الصالة لقيت جه كده وزى بيهزر فخبطنى على مناخيرى فانا شنقت وقعدت اكح لقيته جاب مياه بين كفيه عشان يسقينى (كفين ايديه) وروحت شاربة المياه اللى كانت بين كفيه (وعلى فكرة انا كنت بشرب مياه شكلها مش نضيف بس هوه المياه اللى كانت فى ايده نضيفه وكان جايبها من زجاجاة مكانش فاضل فيها غير حبة ميه صغيرين وكان جنبها واحدة تانية فاضية فراح جايب شوية المياه دول وراح سقينى) وراح ماسح وشى بمنديل مندى كده وقعد جنبى وكان عايز يحط راسى على رجله وانا كنت محرجة لان كان فى ايدى ورجلى شعر زائد فى الحلم بس هوه مكانش شايفة انا اللى كنت شايفاه وبعدين فجاة دخل اخويا فراح الشخص ده اتكسف وخرج فورا اول ما اخويا جه فاخويا بيسال بابا "طلب ايناس للزواج" بابا قاله لا لسه راح اخويا قايله وكان شكله زى ما يكون فرحان ومبسوط طب هات نمرت تليفونه انا هجيبه .... انا اسفة طبعا على الاطاله بس حبيت اوضح الصورة كلها عشان تبقى كل واضحة معاكى
