عربيات كتيرة فى الحلم يا مامة نحية

السلام عليكم ورحمة الله وبركاته

ازيك يا ماما اخبارك ايه معلش عملالك ازعاج باحلامي العجيبة بس بجد مش فاهمة حاجة منها ، بصي يا ماما انا حلمت ان خير اللهم اجعله خير حلم طويل وغريب مش فاكرة منه الا اخر جزء صحيت عليه ، ان انا زي ما اكون في مكان انتظار سيارات وفي عربيات كتير حواليا وانا راكبة عربية بس واقفة ، وببص من شباك العربية لقيت زجاجة شفافة فيها مادة بيضاء ، اللي جالي ساعتها انها زي المخدرات او منوم حاجة زي كده ، فمديت ايدي خدت الزجاجة ومصممة اسلمها للشرطة تحقق فيها ، بس خفت جدا لحسن يتهموني فيها ، فببص في العربية اللي جانبي لقيت 4 رجالة فقلتلهم انتم شاهدين انها مش بتاعتي صح ، حد منكم يجي يشهد معايا ، قالولي طيب الرجالة دي كانت لابسة زي البدو او الخلايجة ، نزلت من العربية وعربيتهم نزل منها اتنين ستات مخمرات واحدة لابسة فستان وخمار اخضر فاتح حلو اووووووي والتانية لابسة خمار وفستان لونهم على بصلي كده (درجة من درجات الاحمر مع الاصفر) ونزلوا معايا رايحين يشهدوا معايا ، بس ونزلت اروح القسم ابلغ وانا ماشية للقسم كنت ماسكة شنطة ورق المفروض ان فيها ورقي كله ، وانا داخلة القسم العساكر والضبط اللي على الباب بيبصولي باستغراب شديد ، سبتهم ودخلت وخرجت وانا خارجة وقفوني وسالوني كنت بعمل ايه ، فتحت شنطة الورق زطلعت منها ورقة جرنال فيها اعلان شغل ، الورقة لونها لبني فاتح جدا والكتابة عليها بالاحمر والاسود ، فخدوا مني الورقة وبصوا فيها وقالي انتي كنتي بتقدمي في الشغل ده قلتله اه ، ضحكوا وبيهزورا معايا ومش عايزين يدوني الورقة تاني ، فانا اتنرفزت وقلتلهم حاجة عجيبة جدا ، محدش هيذلني ابدا انا عبد حر انا عبد لله فقط محدش هيزلني ، وسبتهم ومشيت وهما مذهولين .

وانا خارجة من المكان ده لقيت واحدة وواحد مش مصريين لهجتهم مش مصرية سورية او لبنانية بتقولي استني خليكي معانا سبتها وجريت وطلعت شقة كانت بتاعة العيلة من زمان في العجمي في اسكندرية ولقيت في الشقة ماما وخالاتي وماما بتقولي احنا هننزل مصر يالا ، خلال ساعة جهزي نفسك راحت الست السورية طلعت البيت خبطت عليا وبتقولي لا استني خدي رقمي وخليه معاكي وملتني رقم عبارة عن 00966 دا مفتاح السعودية على فكرة وسجلت الرقم ده عندي وقمت من النوم على كده .

دا ايه دا يا ماما ، انا حالتي التفسية زفت يا ماما مضايقة جدا ، الحلم ده قمت منه الساعة 6 الصبح ومخن ساعتها منمتش يا ماما ، انا انسة 32 سنة مش متجوزة طبعا وحالتي النفسية زفت ومقدمة في شغل ومجاليش منهم رد وهتجنن ، انا مستنياه بفارغ الصبر وقبل ما انام كنت بستغفر ، دا خير ولا شر . ودا ليه علاقة بايه يا ماما طمنيني الله يرضى عليكي انا تعبانة جدا والدنيا سودا في وشي .

الله يسعدك يا عسل
دة قانون شوفية كى يفسر حلمك
[ندعوك للتسجيل في المنتدى أو التعريف بنفسك لمعاينة هذا الرابط]

يا حبيبتى انت تبحثى عن عمل ولكن مازال لالان غير واضح تعينك فى شغل وفيه مشكلة هتقابلك ولكن هتترتب امورك ان شاء الله وفيه خير كبير لك وربنا هيسهل لك فى سفر لبلد عربى وندعو الله ان يكون مع زوج لك وعليك بكثرة الدعاء فى هذه الايام المباركة والله يوفقك

يا ماما عندك حق كلامك حقيقي ودا اتفسر فعلا بس سؤالي هوصل للشغل ده ولا لأ رجاء ردي عليا

ماما نجية كتب:: يا حبيبتى انت تبحثى عن عمل ولكن مازال لالان غير واضح تعينك فى شغل وفيه مشكلة هتقابلك ولكن هتترتب امورك ان شاء الله وفيه خير كبير لك وربنا هيسهل لك فى سفر لبلد عربى وندعو الله ان يكون مع زوج لك وعليك بكثرة الدعاء فى هذه الايام المباركة والله يوفقك

هوصل للشغل ده ولا لأ يعني هتعين فيه ولا مش هوصله رجاء ردي عليا ، لان جزء من الحلم اتفسر فعلا وتفسيرك صحيح

يا حبيبتى الامل فى الله كبير صلى قضاء حاجة وادعى الله كثيرا هذه الايام وربنا هيوضح لك الامر وارسلى الرسالة وباذن الله يتضح الخير

ربنا يكرمك يارب يا ماما فعلا الشغل اللي مقدمة فيه في مشاكل حصلت بس انا بحاول بكل السبل اني مستسلمش وبدعي كتير ربنا يكرمك ويخليكي يارب يا ماما

» المسجد فى الحلم يا مامة نجية
» العوم فى الحلم يا مامة نجية
» اربع سلاحف فى الحلم يا مامة نجية
» جالسة فى بيت خالتى فى الحلم يا مامة نجية
» صباع محشى فى الحلم يا مامة نجية