تفسير احلام يوم الخميس الموافق 9\7 ان شاء الله

رقم 2 ..حلمت انى ماشية مع بنتى الكبيرة ..و لقيت طقم ملاية سرير موجود داخل فترينة..و بنتى بصت عليه بسرعة بطرف عينها و قالت انه مش عاجبها و مشيت و انا قلت دى مالحقتش تشوفه خالص علشان تقول حلو ولا وحش ...و بعدين كان فيه طقم ملاية تانى فى فترينة تانية و بنتى راحت تبص عليه و حد فينا مسك القماشة بتاعت الملاية...و فيه ست واقفة قالت لنا الخامة بتاعت القماش ده شبه الخامة اللى شفتوهاا امبارح ..و انا قلت لنفسي احنا ما جيناش امبارح احنا جينا من شهرين ...شكرا

رقم 4 حلمت انى بتخانق مع بنتى الكبيرة علشان اتأخرت برة البيت و بعدين هى دخلت السرير و نامت و لقيتها متغطية كلها بالغطاء..و بعدين لقيت سرير تانى فى الحجرة و بصيت لقيت عليه بكرة خيط لونها بمبي و فيها إبرة مشبوكة فيها و لقيت بكرة خيط تانية لونها فوشيا و فيه إبرة مشبوكة فيها..و قلت انا كنت استعملت الخيط و الإبر من اسبوع او اسبوعين و قلت السرير ده كانت نايمة عليه بنتى الكبيرة و ازاى ما حستش انه عليه الإبر دى ..و بعدين لقيت بنتى الكبيرة واقفة و قلت لها انتى ازاى ما حستيش انه فيه إبرتين على السرير...و كنت ماسكة الابرتين فى ايدى علشان اوريها الابرتين ...شكرا

رقم 5 ..حلمت انى قاعدة مع بنتى الصغيرة..و بعدين تقريبا حطيت مشط فى شعرى لقيت قملة نزلت من شعرى ..و قلت دى نزلت بسرعة و بسهولة كده ليه و مسكتها علشان اموتها ...و بعدين يادوب لسه هحط المشط تانى لقيت قملة تانية نزلت ..شكرا

حلمت اني عند بيت خالتي وفي عزومه كبيره وواحد قريبي ضابط كان موجود طلعت اسلم عليه لاقيت حسني مبارك الرئيس السابق جاي يسلم عليا ومعاه ولد حفيده اسمه محمود في الحلم صغير قد ست سنين وقاله ادخل سلم الولد دخل سلم عليا وبوسته وقعد علي رجلي شويه لانه صغير عنده خمس او ست سنين وبعدين سلمنا علينا ومشيوا
انسه وكان في عريس من فتره متقدملي اسمه محمود

الحلم (٨)
حلمت خير اللهم اجعله خير انى ولدت بنت وولد توأم بس معرفش انا في الحلم ولدت فجأة من غير ما اكون حامل ... وجبت يا ماما نجيه بنت زي القمر وعسولة كلبوظة كده وبرضعها وهى عشان لسه مولودة مش عارفه ترضع وانا فضلت اظبط صدرى في بوقها لحد ما عرفت تمسك صدرى ورضعت لبن وشبعت من حبه قليلين ... والولد بقي هو ولد بس شكل بنت وشعر بنت وانا مقتنعه في الحلم انها بنت .. ولما ولدت مكنتش مجهزة لبسهم ولا البامبرز ولا حاجه وقعدت اقول لجوزى قوم هات بامبرز وطلبات البيبيهات وهو مخنوق لان كانت الفلوس مقصرة معاه واتخنق انى جبت توأم هو حاسس انه مش قادر على مصاريفهم .. بس 

انا معايا ولد وبنت ومش حامل

السلام عليكم ورحمه الله وبركاته 
انا حلمت خير اللهم اجعله خير فى تفصيل فى الحلم صغيرة مش فكرها 
حلمت انى فى محل ملابس اعرفه فى الحقيقه بس شكل المحل مختلف عن واقعه وانا وماما بنشترى منه طلبات وكان فيه زى ما يكون برواز عجبنى وماما مش راضيه بيه او شايفه مش هينفع ولاحلو وانا كنت مقتنعة بيه وعارفة بيتعلق ازى وبيتعمل بى ايه وصاحب المحل كان برضو فاهم وبنحاول نقنع ماما بس مشتريناش المهم بعدين مشين وانا بطلع من المحل لقيت جزم وانا كنت عايزة اشترى لى بنتى (وفعلا فى الحقيقة انا كنت عايزة اجبلها صندل) وفضلت اتفرج وعجبنى واحد وجيت اندة لى صاحب المحل علشان اشترى كان مشغول بيحمل بضاعه وبعدين بقيت بنت اخويه اللى معايه فى الحلم وهى اللى عايزة اجبلها جزمه وصاحب المحل مش فاضى يشوف طلباتنا وقلنا تعالو فى وقت تانى مش هفتح حاجه دلوقت وانا قولتلو مش هنقدر نيجى تانى هنستناك واستنينا كتييير وبعدين زى ما يكون انا نايمه على رجل ست كبيرة من عائله ماما وجزاء كبيير من جسمى مكشوف وبنت اخويه نايمه جمبى وحاطة ايديها وصوابعها فى عورتى وبتحرك صوابعها (انا اسفه يعنى للكلام دة اللى بقولو بس دة الحلم انا صحيت مشمئزة من الحلم ) وبعدين انا بينى وبين نفسى قولت مينفعش ابق كشفه نفسى كدة والست اللى موجودة تقول عليه ايه وتغطيت بس مش فاكرة غطيت جزاء كبير من جسمى ولا جسمى كلة 
انا متزوجه وعندى ولدين وبنت ابنت اخى صغيرة فى السن يعنى انسه لسه فى اعدادى

حلمت بنفس العريس اللي كان متقدملي
انه جاي معزوم عندنا في البيت وانا كنت لابسه كلاسيك جاكت بدله وبنطلون وشيميز واول ما جه قلعة جاكت البدلة وطلعت الايميل بره البنطلون ودخلت احط الاكل وحطيتله طبق شوربه وبعدين اللي قاعدين معانا سابوا ومشيوا وبعدها هو قعد يسالني علي حاجات وراح حاطط دماغه في حضني وفضل فتره طويله وبعدين لاقيت نفسي قاعده مع خالتي وماما وبيقولوا انه مشي ومعجبتهوش بس وهو واقف في اخر الحلم شفته بيقول اني قد رزقت حبها وهو يقصدني وكنت مستغربه ازاي مشي وازاي هو بيقول كده عليا
انا انسه العريس ده اتقدم من فتره بس مقعدناش مع بعض