تفسير احلام يوم الخميس الموافق 2\23 ان شاء الله

حلم رقم ١
اخويا حلم ان صاحب الشغل اخد منه الموبايل وكان بيهزر معاه وبعدين اخد موبايل اخويا وساب لاخويا الخط وكارت الذاكرة بس
اخويا اعزب وكان بيفكر فى واحدة معاه فى الشغل بس لسه مش مقرر يرتبط بيها او لا

حلم 2
السلام عليكم جارتي حلمت ان فيه ثعبان الكوبرا كبيرة نايمة مكان أمها وعلي سريرها وحاولت جارتي تهشها وتضربها فطلعت علي الدولاب ورجعت جارتي تضرب فيها فهربت الكوبرا علي الصاله وجارتي لاحظت ان الكوبرا مركزه عينيها علي بنت جارتي وجارتي وامها

رقم 3...حلمت انى فى محل و معايا صديقتى اسمها إيناس و انا جبت طرحة لونها سكرى ووضعتها جنب جاكيت لونه سكرى كمان ..و قعدت ابص عليهم و اشوف لايقين على بعض ولا لا ..و قلت هو اللون بليق بس الطرحة دى قماشها ستان و انا عايزة اشوف خامة تانية أقرب للخامة بتاعت الجاكيت...و رحت عند مجموعة طرح متعلقة و قعدت ادور فيهم ...بس زى مالقيتش حاجة احسن من الطرحة الأولى...صاحبتى إيناس المفروض انه الجاكيت ده بتاعها و انا باساعدها تجيب له طرحة و هى بتقول انه انا احسن واحدة اعرف تساعدها فى اختيار الطرحة و عجبتها الطرحة .....ايناس متزوجة و بتشتغل و عندها أطفال صغيرين .
حلم تانى
فيه راجل بشوفه عند مدرسة بنتى و هو جاى ياخد بنته من المدرسة و عنده ابن صغير اسمه مصطفى .الراجل تقريبا اسمه محمد....حلمت انى قاعدة فى عربية الراجل ده على الكنبة ورا و الراجل نزل من العربية و رايح عند المدرسة يجيب بنته و ترك ابنه فى العربية و بعدين الولد نزل ورا باباه و انا نزلت مسكت الولد من ايده علشان ما يروحش وراه ..و كنت عايزة أشغله فى اى حاجة لحد ابوه ما يرجع و لقيت حصان بنى ماشي فى الشارع و قلت له بص شايف الحصان؟ ؟و شاورت عليه
و بعدين لقيت بنتى الصغيرة و قلت لها هاتى حاجاتك من عربية الراجل علشان نمشي ...و مشينا فى حاجة زى ممر كده و بنتى سالتنى هو ده الممر ولا لا .قلت لها أيوة هو ده و فى آخر الممر طلعنا سلم تقريبا 3 ادوار و الدور الاخير كان شيك و حلو و دخلنا حجرة بس كانت محتاجة ترتيب شوية ....شكرا

حلم رقم 6 اليوم
حلمت قبل 4 ايام فجرا بأنني اتجه نحو درج وارى احتفال ضخم مكتوب عليه بالأنوار أمل وعرش بلقيس علما بان اسمي الحقيقي أمل وكنت أرتدي عباءة وشيلة سوداء جديدة وكعب اسود طويل بعدها كن الفتيات يهنئنني لتخرجي من الجامعة وحصولي على الدرجة الكاملة 100 وعرش بلقيس والفتاة التي زفت لي الخبر تدعى ميرة وكنت سعيدة جدا .

البيانات
أنثى
31 سنة
عزباء
موظفة
ملتزمة
انا لست طالبة جامعية ومؤهلي الحالي دبلوم .

حلم رقم ٧
حلمت ان واحدة صاحبتى كانت بتتكلم مع شخص والشخص ده كان بيتكلم بلغة الاشارة
صاحبتى كانت معايا فى الاعدادى ومش متواصلة معاها حاليا والشخص اللى فى الحلم مجهول
انا انسة وحالتى الدينية متوسطة

رقم 8 ..حلمت انى راكبة عربية و معايا جوزة و بنتى الصغيرة و كانت زى الدنيا بتمطر تلج و لقيت قطع ثلج على الارض جنب العربية و بعدين لقيت نفسي فى شارع و فيه تلج و الجو معين و انا خايفة و سامعة بنتى الصغيرة زى بتعيط و تنادى عليا علشان مش شايفانى ..بصيت ورايا شفت بنتى و هى شافتنى و سكتت و انا قلت الحمد لله رب العالمين ....
حلم التى انى فى شقتى شقة و لقيت ماما الله يرحمها جابت واحدة ست و زى هى دى الشغالة القديمة إللى كانت بتيجى عندها زمان ... و هى جاية تنضف البيت عندى و كنت قاعدة و لقيت الشغالة جاية و ماسكة طبق فيه بسطرمة و اخدت منه حلو كتير و بتقول لى انها هتاخدها علشان بنتها تعمل بيها ملوخية و بسطرمة ...و انا أتضايقت جدا و رحت قلت لها المفروض انك تستأذنى قبل ما تاخدى حاجة و بعدين سمعتها بتكلم زوجى فى الصالة و رحت عندها بقول انه انا زعلانة و انها قبل كده اخدت من علبة الكنافة و البقلاوة كمان..
و قلت يا ترى هى زعلت و هتمشي ولا ايه بس لقيتها خلاص سكتت و مش متضايقة
و قلت على كده بقى الشغالة إللى عندى أرحم منها بكتير ....فى الحقيقة انا متضايقة شوية من الشغالة إللى عندى لان اوقات بحس انها بتطمع

حلم ٩
حلمت خير اللهم اجعله خير
ان واحد قريبنا من بعيد اسمه عم محمود بيدينى انا واخويا ظرف فيه فلوس زى نقطه او حاجه وان بن خالتى اسمه ميدو ا بيشتغل وبيقبض فلوس وبيدى واحد كان بيساعده 500 جنيه وانا بقوله اه اديله
انا متجوزة ومعايا ابنى وبشتغل
اخويا لسه عازب وبيشتغل
بن خالتى متجوز ومعاه بنتين تؤام ومهندس فى السوعديه

السلام عليكم
حلم ١٠
حلمت انى كنت فى محل دهب انا وجوزى وجابلى سلسله دهب هديه الدلايه بتاعتها فيها قلبين صغيرين وفصوص بيضا والراجل بتاع الدهب فضل يقولى فى الوان تانيه كان فى وردى وبرتقالى بس انا اخترت العاديه ولبستها
انا عندى بنوته ومغتربه

انا عندي حلمين واحد بتاعي والتاني بتاع صاحبتي 
بتاعي انا 
فى واحد صارحني انه بيحبني وعايز يتجوزني وانا قلت له نسيب الموضوع لربنا وبعدها حسيته اتغير شويه
انا حلمت انه كان سايق عجله ومقعد وحده قصاده هي كانت اطول منه وكان بيوريني صورتهم سوا وفى خبر مكتوب تحت الصوره عنها انها يعني راكبه عجله وكدا وعرفت من الخبر انها ممثله مشهوره بس انا ماعرفهاش اصلا وكانت لابسه بنطلون وبلوزه ولونهم ابيض هو كان عاوز يوريني الخبر وكنت حاسه انه عاوز يوريني انه مرغوب 
في الحقيقه هو عنده عربيه وبيشتغل في مهنه مرموقه انا انسه وهو غير متزوج
حلم صاحبتي 
هي كانت مرتبطه بواحد لفتره وحاليا منفصلين وماتعرفش عنه حاجه قطعت علاقتها بيه اصلا في اثناء ماكانت معاه 
حلمت انها والشخص دا متجوزين وفى شهر العسل وماسكين ايد بعض وكان في قصر كبييير من القصور القديمه بابه بيتفتح وبيدخلوا سوا وناس كانوا جايبين لها ضيافه سمك كبير جدااا ومتقطع ومحطوط في حوض مستطيل وفى ميه جاهز علي الشطف والقلي ونضيف جدااا وفى سمك صغير خالص فى حوض مدور ودا كان حي فهي قالت دا سمك كتيييير واحنا اتنين بس انا هوديه للايتام عشان هم اولى بيه وفى وحده ست لابسه اسود جت هي وابنها مراهق كدا عشان تبارك لهم فلقت سمك كتير فطلعت كيس بلاستيك لونه اخضر من صدرها وبدات تعبي من السمك الكبير وصاحبتي قالت لها بلاش تاخدي من الكبير خدي من الصغير والست شغاله تعبي فهي قالت لها يا ست دا للايتام وبدات تنادي علي جوزها واسمه وليد وهو كان فى اوضه خشب مدوره ومعاه رجاله وخلص الحلم وهي بتنادي عليه عشاان يجي للست دي 
هى انسه وماتعرفش عنه حاجه حاليا والرؤيا قبل الفجر هى رؤيا قديمه بس هي لو تسمحي عايزه تعرف تفسيرها

رقم 12...حلمت انى واقفة فى الشارع و لقيت 3 عربيات تاكسي ماشيين جنب بعض و زى واحد منهم ضايق التاكسي التانى و زعق معاه و بعدين سكت و مشيوا شوية و بعدين تانى تاكسي ضايق االتاكسي إللى جنبه ووقفوا و اتخانقوا و بعدين لقيت حصان بيجر عربية و حصان تانى بيجر عربية و السواق بتاع الحصان التانى نزل يشوف الخناقة راح الحصان مشي لقدام بسرعة علشان زى هو عايز يقف جنب الحصان إللى قدام قبل صاحبه ما ييجى و زى ما يكون الحصان ده ذكر و عايز يروح جنب الحصان التاانى إللى هو انثى...بس وهو بيطلع قدام لقيته مش حصان واحد لقيتهم حصانين مع بعض بيجروا العربية و طلعو جنب او قدام الحصان إللى كان واقف إللى هو المفروض انه أنثى .. شكرا لتعب حضرتك معانا و ربنا يجازيكى خير