تفسير احلام يوم الخميس الموافق 1\10 ان شاء الله

السلام عليكم ورحمه الله 
انا حلمت اني في محل عطور الي بتبيع رشتلي كذا بيرفيوم على ايدي و بعدين طلبت منها ٤ او ٥ اسماء اجربهم راجت جابت فوق الاربعين انا اتصدمت من العدد و كلهم كانوا غاليين اوي و بقول لنفسي معقول هجرب كل دول كده لازم اشتري اكتر من واحده 
انا انسه وموظفه وعندي ٣٠ سنه و مواظبه على سوره البقره 

بوسى 123 كتب:

رقم ١ ..حلمت انى فى بيت جدى القديم (البيت ده كان دورين و هو اصلا خلاص اتهد و مش موجود) حلمت ان انا نزلت من الدور اللى فوق انا و بنتى الصغيرة و لقيت زوجى فى الدور اللى تحت ..لقيت المكان طبعا قديم و مكركب و لقيت ماكينة خياطة قديمة محطوطة على زى ترابيزة خشب  و قلت ل زوجى لازم تشيلها من هنا  و تقريبا لقيت واحدة تانية كمان جنبها بس شكلها اجدد ..قلت ل زوجى الحاجات كلها نحطها فى حجرة المخزن او المطبخ ..و زوجى زق الترابيزة الخشب و دخلنا حجرة المفروض دى المخزن و فيها كراكيب و فجاءة لقيت طقم انتريه لونه زى ابيض و فيه نقشة ..و قلت ل زوجى هو ده الطقم اللى اخوك و مراته اشتروه ؟؟ قال لى ايوة بس طلع القماش بتاعه بيعمل وبر ..و حط ايده عليه يعنى بيفرجنى القماش بيعمل وبر ..و انا قلت خسارة كده الطقم ممكن يتبهدل ...و بعدين اخدت كيس صغير و بدأت الم كراكيب لقيت فرش اسنان بتاعتنا قديمة و زجاجات كولونيا قديمة و رميتها فى الكيس بس زوجى اخد واحدة و قال ممكن يملاها ..و بعدين الكيس كان شفاف و قلت اشوف كيس كبير ..دخلت المطبخ لقيت اكياس زبالة سوداء كتير و اكياس عادية ...واخدت واحد كبير بس لقيته شفاف هو كمان..و بعدين لقيت فوط مطبخ متعلقين و شبه بعض ..و لقيت رفوف حلوة عليهم زجاجات شامبو و كريمات و كده ..و انا قلت دى سلفتى هى اللى عملت الرفوف و عجبنى شكلهم ..و فى نفسي بقول هو انا ليه أنظف المكان اصلا هو حد هييجى لى هنا و قلت انه المكان مبهدل   .(الغريب فى الحلم انه البيت بقى فيه حاجات  اخو زوجى و مراته مع انهم ما فيش اى علاقة بينهم و بين البيت و يمكن عمرهم ما دخلوه...هم مسافرين برة مصر و عندهم بنت وولد بيشتغلوا و غير مرتبطين) ...شكرا

kokoadam كتب:

السلام عليكم ماما نجية

انا حلمت انى عند اختى وكان الجو وحش جدا ومليان تراب ودخلنا نقف ف البلكونة وببص جوة الشقة لقيت الارض اتملت تراب فبقول لاختى ان الشقة مليانة تراب قالت لا نضيفة قلت لها دا رجلينا معلمة ف الأرض اهية وسبتها وطلعت عند امى ..اختى ساكنة تحت امى. ...لقيت اخويا الله يرحمة بيحلق وابن عمتى اصلا حلاق هو اللى بيحلق لة فببص على راسة لقيت شعرة شبة المكرونة استغربت فقالى تسريحة جديدة مع أنها غريبة ..متزوجة وعندى ولدين


وحلمت برضة انى قاعدة تحت عند حماتى وسلفتى قاعدة معاها واختى الكبيرة جت تزورنى وكلنا قاعدين فجأة جت إم سلفتى وبتقولها خدى الدوا عشان الجنين استغربت أنها حامل ومخبية عليا شديتها باركت لها وقلت لها ممكن اعرف انتى مخبية لية ماردتش فبصيت لحماتى قلت لها طب انتى مخبية عليا لية قالت ماتزعليش ماعرفتش اقول اختك قاعدة فأختى ضحكت وانا زعلت وسبتهم وطلعت شقتى. ..سلفتى عروسة جديدة وانا عندى ولدين

بوسى 123 كتب:

رقم ٣
.حلمت انى فى شقة والدى القديمة و فيه حجرتين النوم زى الحقيقة جنب بعض ..و بعدين انا معايا مية و حطيت على عتبة الحجرة اللى كانت بتاعت امى الله يرحمها و بدأت امسح بحاجة زى شرشوبة مثلا و المية كانت زيادة و دخلت على الخشب ..فى الحلم كان فى عتبة زى رخام عريضة شوية مع ان فى الحقيقة ما كانش فيه كده ...و بنتى الكبيرة فى الحجرة التانية و نايمة على سرير و قلت لها انتى نمتى؟.قالت نامت شوية بس و قامت و لقيتها ماسكة الموبايل و عايزة تكلم العريس القديم و انا رافضة و قالت لى بس هتقول له على حاجة (مش فاكرة الحاجة دى بس يمكن عن محاضرة او مؤتمر ) و كانت مبتسمة و قالت له ازيك يا .......و هو قال لها ازيك يا ..... و انا زعقت لها و قلت لها كده غلط ..بعد كده لقيت نفسي مع بنتى فى العربية فى شارع معروف عندنا فى الحقيقة و وصلنا  آخر الشارع و لقيت مكان تركن و قلت لها تركن بس خفت يكون ممنوع و هى مشيت شوية و راحت الناحية التانية و وقفت و لقيت اننا ماشيين و هى بتحكى لى عن فستان عايزة تشتريه بس غالى مش فاكرة قالت انه ب 12000 او 19000 و انا رفضت و قلت لها ده هتلبسيه و أصحابك يشوفوه و ما تعرفيش تلبسيه تانى ...قالت لى طب ما هو قريبتنا ليلي عملت فستان ب 550 (ليلي متزوجة من كام شهر)...بعد كده لقيت اننا فى مكان شعبي شوية و فى محل واقفين قدامه و فى عربية نص نقل بتركن ورايا و انا واقفة و احتكت ب ظهرى شوية لكن بالراحة وانا وسعت لها ...و المفروض ان بنتى عايزة تصلح حاجة فى فستان معاها (الفستان ده اصلا عندها فى الحقيقة و لونه سكرى اشترته من سنتين و حضرت فرح بيه) و بعدين لقيت اننا وصلنا بيت جدى القديم  و بنتى شايلة الفستان و احنا داخلين البيت لقيت راجل لابس جلابية و داخل كمان و قلت له اتفضل و دخل قبلنا ..و بعدين دخلنا الصالون و انا قمت اقفل الشبابيك علشان بنتى تقلع و تقيس الفستان ..قفلت شباك كبير و رحت على التانى كمان اقفله...و انا بقول انه انا جيت فى عربية قديمة و مكحكحة ..
قبل يومين حلمت انه انا و بنتى قاعدين فى مطعم و لقيت الجرسون هو العريس القديم و وضع حاجة على الترابيزة قدامنا ...و بعدين بنتى بتقول (هو هيفضل كده يبص عليا انا هغير مكانى و زى هتقوم من على الكرسي )
احنا قفلنا الموضوع و نسيناه مش عارفة الاحلام دى حديث نفس ولا ايه          

بوسى 123 كتب:

رقم ٤
رقم ٤
حلمت انى واقفة قدام مكتب موظف و رايحة استلم بطاقتي الشخصية..و فى واحد قاعد على جنب قال لى روحى للموظف التانى ..و انا قلت له لا انا اصلا عملت كل حاجة و جاية استلم بس و امشي ..و لقيت نفسي ماسكة البطاقة الشخصية الجديدة و لقيت التاريخ مكتوب عليها يوم ٩ يناير( يعنى نفس تاريخ النهاردة) و قلت كويس انى لحقت اجددها لان البطاقة القديمة تاريخها كان هيخلص النهاردة ..و طلعت المحفظة بتاعتى و طلعت البطاقة القديمة و حطيت البطاقة الجديدة مكانها ..و بصيت على تاريخ البطاقة القديمة لقيته مش يوم ٩ و لكن يوم ١٢ و قلت يعنى كان فاضل يومين على معادها انها تخلص و شفت الصورة بتاعتى و لقيت الصورة واضحة اكتر فى البطاقة القديمة يعنى الصورة فى الجديدة كانت فاتحة و اقل وضوح  ..اعتقد ابنى كان واقف معايا ..شكرا

fatma007 كتب:

السلام عليكم

شفت اني دخلت قسم جديد في معهد و جلست في احد المقاعد و كانت قاعة الدرس شبه فارغة رغم وجود الاستاذه على مكتبها.

آنسة موظفة اتممت دراستي من سنين

fatma007 كتب:

شفت اني أكنس مكان و ازيل الاتربة و الغبار ثم سكبت ماء لتنظيف الارض و المياه جذبت كل الاوساخ المختبئة بالداخل و ضهرت بالخارج
آنسة موضفة

sa_ra كتب:

حلم رقم ٧ 
ماما انا حلمت ان انا موجوده في بيت جديتي القديم وجديتي و ماما قعدين علي سرير و انا واخويا علي سرير و كل شويه يطلع سمكه قرش من بين السراير او في الاوضه كده وانا اقتله واخويا يحاول يكتفها كان معايه زي سكينه كده والمفروض لما نقف علي ارض الاوضه تبقي سرميك عادي لكن كل شويه يطلع سمكه تهجم علينا واحنا نايمين او صحين كده و كانوا احجام مختلفه و كمان في وحده عضت اخويا و مكان سنتها محفور في ايده بس كده .. 

انا متجوزه متوسطه التدين عندي ولد وحامل في الشهر التالت 
اخويا متوسط التدين عازب 
جديتي متوفيه من سنتين

بوسى 123 كتب:

رقم ٨
الليلة دى حلمت حاجات كتير جدا
انا راكبة طيارة و بعدين فجاءة سمعنا صوت او لخبطة و كان ده بسبب طيارة تانية جنبنا حصل فيها عطل ..و لقيت الطيارة بتاعتنا لفت و كأننا هنرجع ..و انا قلت وانا متضايقة انه الطيارة بتاعتنا سليمة ليه نرجع زى الطيارة العطلانة..و انا كنت واقفة فى الطيارة و فى ولد صغير بص من شباك مفتوح و انا قلت له حاسب تقع .....بعد كده مش عارفة ده حلم تانى ولا ايه..انا فى عربية ووصلت مكان و فى راجل جاى يشيل الشنط و أعطانى 200 جنيه ..و المفروض انه دى فلوس زوجى اعطاها للشيال علشان هو مش معاه فكة و انا اخدت الفلوس و قلت انا معايا فكة فى شنطتى و شفت زوجى واقف ورا العربية بشوية...لقيت نفسي داخلة الأسانسير و معايا اختى و الشنط محطوطة فى عربية زى بتاعت المحلات اللى بيزقوها دى ..و طلعنا و لقيت اختى طلعت برة الأسانسير و معاها حد و تركوا الشنط وانا سحبت عربية الشنط من الأسانسير قبل ما يقفل ..كنت ابحث عن الشقة و لقيت واحدة عليها رقم 201 ..و لقيت الطرقة الموصلة الشقة مليانة حاجات ع الارض زى لعب اطفال و حبال غسيل منتشر عليها و لقيت حبل عليه جزمة رجالى و نزلتها من عليه فردة ورا فردة و كنا متضايقين من الكركبة دى ..و سمعت صوت امى الله يرحمها من الشقة اللى جنبنا بتتكلم مع الجيران بخصوص الكركبة دى و بتقول انه فى باب بين الشقتين و هم قفلوه او فتحوه  ..و لقيت نفسي جوة حجرة نوم فيها سريرين و قعدت على سرير و قلت لازم اغير اكياس المخدات و  طلعت اكياس مخدات واحد طويل (كان عندى نفسه زمان) و كيس تانى قصير عندى زيه فى الحقيقة و قلت ل اختى خدى الكيس الطويل قالت لا هى عندها ...و انا قلت خلاص استعمل انا الكيسين.. و بعدين ما لقيتش اختى و قلت اكيد نزلت تحت هى و ماما  و انا كمان انزل بس قلت فين المفتاح علشان اقفل الشقة ...شكرا      

بوسى 123 كتب:

رقم ٨
حلمت انى مع بناتى و بعدين افتكرت انى نسيت شنطة التمرين بتاعت بنتى الصغيرة فى النادى و قلت اروح اجيبها ..و مشيت فى حاجة زى النادى فيه نجيلة و كنب خشب ...لقيت الشنطة على كنبة و اخدتها و فجاءة لقيت قريبتى نانى قاعدة على الكنبة و رحت سلمت عليها و فجاءة  المكان اتغير و لقيت اننا فى عيادة دكتور و فى ست قاعدة على جنب ...سالت قريبتى هى بنتك منال ولدت ولا لسه ..هى ما ردتش ..الست اللى على جنب قالت لى اساليها تانى و فعلا سألتها و قالت لى  ايوة ولدت بس لسه تعبانة ..و قريبتى  دخلت جوة معرفش فين(قريبتى دى زوجها دكتور  و ابنها دكتور و متزوج  و عندها بنت فعلا كانت متأخرة فى الإنجاب بس من كام سنة و معرفش عنها حاجة ) ..و انا بتكلم مع الست التانية و بقول لها العيادة دى حلوة جدا خسارة الشقة الجميلة دى تبقى عيادة ...الشقة فى الحلم من العمارات القديمة و كان فى لون اخضر فاتح فيها تقريبا لون الحوائط ..و بعدين الممرضة بتقول لى ان زوجى اتصل بي ..و فعلا شفتها ماسكة تليفون ..و نزلت بسرعة لقيت نفسي فى شارع معروف عندنا و قعدت احاول اتصل ب زوجى بس الموبايل مش بيطلع اسم زوجى خالص و قعدت كتير احاول ..و بحاول افتكر العربية مركونة فين و المفروض هو و اولادى كانوا بيشتروا حاجة و بحاول افتكر المحل اللى كنت فيه ..
جزء تانى مش عارفة ده باقى الحلم ولا ايه ...دخلت حجرة واسعة و معايا صديقتى دينا و لقيت راجل عجوز دقنه بيضاء طويلة و اعتقد لابس جلابية بيضاء و غطاء رأسه ابيض ..دخلت و زى الراجل ده بيفسر احلام و انا بقول له فى جزء فى الحلم نسيت اكتبه و هو انه فيه فلوس بتلف ورا بعض على الأرض و هو قال لى ده تفسيره انه الراجل ده مش كويس ..(.معرفش يقصد مين )  انا كنت بحاول اقول له عن الحلم من غير دينا ما تعرف بقول ايه و بعد كده دينا كانت عايزة تمشي و انا قلت لها استنى هنخلص بسرعة ..و لقيت الراجل بيقول لى سورة الضحى ..و جنبي كتاب كبير المفروض ابحث فيه عن السورة و انا لسه كنت هبحث عنها  ..و لقيته هو جه و فتح الصفحة ..و بعدين قال اسم او ارقام سور تانية بس مش فاكراها...اللهم اجعله خير (دينا متزوجة و عندها ولدين فى الجامعة)  

نهر الحياه كتب:

ماما نجية حلمت حلم طويل بس اللى متذكره منه انى ماشيه في الشارع لابسه غويشتين 2  غوايش وسلسله ذهب وكنت خايفه فخبتهم تحت الملابس السلسلة خبتها تحت الملابس والغوايش تحت الكم وارتديت شنطه كرس  ومشيت انسه

soli كتب:

اختى حلمت ان فى اتنين رجالة بيترصدوا لجوزها وعايزين يأذوه ومتربصين بيه وجم وراه لحد البيت واختى وابنها كانوا واقفين قدام الباب وابنها خارج يشترى حاجات فالناس دى جت ورفعت مسدس فى وش ابنها واختى فضلت تبكى كتير خايفه على ابنها وهما فضلوا واقفين كدا شوية بالحالة دى وبعد كدا نزلوا المسدس عنه وسابوه يمشى وصحيت من النوم 

هى بتصلى الحمد لله ومتزوجة وعندها ولد ومش بتشتغل 

بوسى 123 كتب:

حلمت انى صحيت من النوم و لقيت واحد اسمه حمدى موجود معايا فى البيت بس تقريبا ده شكل شقتى القديمة وانا لوحدى معاه  ..(حمدى ده نقاش كان بيعمل لنا حاجات فى الشقة من كام سنة )و لقيته ركب مشمع ارضيات فى حجرة النوم و كان فاضل بس يشيل شوية زيادات من الجوانب علشان يكون خلص تركيب ..المشمع ده فى الحقيقة متركب فى حجرة النوم فى شقتى القديمة ..و بعدين بصيت على اكرة الباب و قلت له انا كنت عايزة اغير الاكر بتوع الابواب و انا من الاول كانوا مش عاجبنى ..(بس انا فى الحلم شايفة لون الاكرة  دهبي و شكلها كويس مافيهاش اى عيوب علشان تتغير  ) و حمدى قال لى انه فى واحدة قريبتى اشترت اكر من حد جنبنا ..و انا قلت ايوة فى حد قال لى عن المحل ده قبل كده (من جوايا انا مش عايزة اقول له ان النجار بتاعنا  هو اللى قال لى على مكان المحل )  ...شكرا  

kokoadam كتب:

السلام عليكم يا ماما

حلمت بأن قرايب جوزى عندى وبيساعدونى ف تنضيف الشقة وبعد مامشيو ببص على أوضة الانترية هى دايما مقفولة سايبين قدامها جردل مية والمية كلها اتسربت جوة الأوضة اتضايقت وقلت لجوزى الأوضة غرقت هادخل امسحها فتحتها لقيتها واسعة كأنها شقة وهى اصلا ضيقة ولقيت في جنب في الأوضة مليان زرع طويل شديتة لقيت حفرة كبيرة مليانة مية وزرع حاولت أشد الزرع منها لكن لقيت حد راشش على سطح المية قمح فقلت خلاص هاسيبها يمكن الزرع جواها يزيد وعلى جنب الحفرة لقيت مخدتين كبار غرقو مية حاولت اقلبهم على الوش التانى وبدأت اكنس باقي الأوضة وكان فيها براز حيوان بس شكلة غريب جوزى قالى أنا طالع على السطح تعالى معايا قلت لة أما انضف القرف دا كلة ....متزوجة وعندى ولدين وعلاقتى بقرايب جوزى كويسة

صوت روح كتب:

السلام عليكم 
رايت اني ركبت حافلة و جلست في احد المقاعد على اليمين ثم صعد ناس و نزلت ناس و فرغت شوية الحافلة. ثم مشت بينا الحافلة في طريق مختلف و اجت امرأة تسأل ليه تغيير المسار و شفت نفسي واقفة و اجا الفنان محمود عبد العزيز الله يرحمو وقف بجانبي و كان شاب فمسكت ايدو و قال انو مش عاوز يتركني اذهب و كان متمسك بيا. فرحت معاه و  جلسنا بجانب بعض في غرفة و كأن في علاقة مابينا و كنت فرحانة انو موجود
انسة موضفة

صوت روح كتب:

السلام عليكم
كنت في المنزل مع اختي و امي الله يرحمها و كان في مناسبة خطوبة او زواج إحدى الاقارب... اجت اختي قبلتني على خدي ثم ذهبت إلى امي الي كانت جالسة تعمل طلاء الاضافر على اصابعها بلون الاحمر و سألتها اذا كانت ستحضر المناسبة فقالت نعم ثم انتبهت انها متوفاة فذهبت اليها و سألتها عن حالها فقالت انها بخير و كانت مرتاحة و بتضحك فحسيت بارتياح. خصوصا لانها كانت تلبس طرحة علي رأسها. 
انسة موضفة مهمومة
اختي انسة و بينا مشاكل
امي متوفاة من سنين

Ghada كتب:

السلام عليكم ورحمه الله 
انا حلمت اني في محل عطور الي بتبيع رشتلي كذا بيرفيوم على ايدي و بعدين طلبت منها ٤ او ٥ اسماء اجربهم راجت جابت فوق الاربعين انا اتصدمت من العدد و كلهم كانوا غاليين اوي و بقول لنفسي معقول هجرب كل دول كده لازم اشتري اكتر من واحده 
انا انسه وموظفه وعندي ٣٠ سنه و مواظبه على سوره البقره