تفسير احلام يوم الثلاثاء الموافق 5\9 ان شاء الله

حلم 1

الاول شفت كدا ان اخويا اللي مسافر برا جابلي عربيه و ادهاني وكانت حلوه جدا ولونها اسود وبتلمع وشكلها غالي جدا وفظيعه يعني بس انا مش بعرف اسوق اساسا ف اتحركت بيها ومكنتش عارفه اعمل حاجه وفضلت ماشيه ف الشارع كدا وقعدت اقول ياريت اقابل فلانه وفلانه دي اساسا بالنسبالي معرفه مش صحبتي يعني ولا بشوفها بس هيا معاها عربيه في الحقيقه جت ركبت جمبي بس كانت لابسه حاجه قصيره جدا وبطنها عريانه كلها
الحاجه التانيه يا ماما حلمت اني كنت راكبه ميكروباص وكان معايا ناس كتيره واللي كان بيسوق كان واحد قريب مني واعرفه كويس

حلم رقم ٢

حلمت خير اللهم اجعله خير اني في فرح بس الفرح ده مش لينا ده فرح ناس واحنا فيه واخدوا مننا اتنين استشوار واحد موجود عندنا والتاني اول مرة اشوفه بس بابا الله يرحمه جابه لينا المهم انا اخدته وخبيته في شنطه كبيرة وحطيت هدومي عليه عشان محدش يخده لان كان فيه ظابط بياخد كل حاجه وفتش الشنطه وقلت ليه مفيش حاجه وقفلت الشنطه وكان معايا اخواتي البنات بس الظابط ده قالي خالي بالك في ظابط تاني ظالم وظلمه وحش وقدامي اخد بنتين وعذبهم وشنقهم وانا مشيت و اخواتي البنات معايا بس قلت ليهم استنوا ماما جوه في القاعه اللي كنا قعدين فيها لاقيت امي بتبكي اوي ونايمه وهي بتعيط وصحتها تعالى يا ماما وفضلت اتحايل عليها لحد ما قامت وروحنا لبيت صغير جميل جدا وحوليه خضرة وكان البيحط محاط بسور وكانت في بردوا بحيرة صغيرة وفيها سمك وماما قعدت في الخضرة وانا واخواتي البنات بقينا نلعب ونجري ورا بعض وماما بتبص علينا وبتمسح دموعها وقمت على كده بس البيت ده بابا اشتراه لينا في الحلم مش في الحقيقه وديه تاني مرة اشوف نفس البيت الصغير الجميل ده

حلم 3
انا حلمت انى واقفه قدام 4بنات وكلهم كأنهم مليكان او موديلز لابسة فساتين لونها روز لابسين عقد الماظ وانا بختار واحد منه اخترت ارق واحد لأنهم كلهم كانوا كبار وقولت انا هاخد العقد الالماظ دا لأنه رقيق
انا انسه ومخلصة كلية ومتلازمة في الصلاة