تفسير احلام الثلاثاء الموافق 30\9 ان شاء الله

بناتى حبيباتى تفسير احلام يوم الثلاثاء الموافق الثلاثون من سبتمبر اتفضولوا اكتبوا احلامكم ان شاء الله ولا تنسوا اختنا اسماء المريضة محتاجة مساعدة مادية لاجراء عملية ولا تنسوا المنتدى الجديد والرابط هو mama nagya dreams

مساء الفل ريا ماما نجية انا واحدة صاحبتي حلمت لي حلم انها جات عندنا البيت و لاقيتني امورة اوي و خاسة انا في الحقيقة كلبوظة و قالت لي يابنتي انتي خسيتي امتى على اساس اني خسيت و ماقولتش لحد قفولتلها و لا حاجة كنت باكل خس و جرجير و سلطة و كان لبسي عيارة عن فستان و حتحيه بنطلون لونها ابيض في رصاصي مقلم بس قالت لي كنتي في غاية الجمال في هذا الحلم و انا انسة و هي انسة

الحلم رقم 2
انا ياماما عندى بنت خالى من وهى ضغيره بتعمل على نفسها حمام لحد انهم عملوا لها سرير لوحدها هى حاليا فى كليه بس مش عارفه لسه عندها الموضوع دا ولاولاء بس هى اتعالجت منه
المهم يا ماما انا حلمت انى عندهم وكنت نايمه على السريروقمت لقيت نفسى مبلوله زى العرق بس عرفت انى عملت حمام على نفسى بس مكنش باين على الملايه وبعدين لقيت الهدوم الللى على السرير مبلوله بس مش قوى وانا كنت بدارى على نفسى وكنت بقول انها هى اللى عملت لانها فعلا كانت عامله حمام ساعتها على نفسها ولما رفعت المرتبه لقيناها مبلوله وفيها جزء محروق فمرات ابن خالتى بتقول انى دى اثار حمام وشاورت على الحرق قلت لها الحرق دا قديم ولما شفت الدايره اتاكدت ان انا عملت حمام وقلت لهم عادى يعنى محدش يعرف ايه اللى ممكن يخلى حد يعمل حمام على نفسه ( انا بلتمس عذر لكل الناس اللى بتعمل حمام فى الرؤيا وفى الواقع برضه )
ملحوظه انا ماعنديش الحاله اللى عندها
خلصت الرؤيا بنت خالى دى بقى معروفه بلسانها الطويل ومحدش بيحبها فى العيله انا علاقتى بيها عادى وانا انسه وعمرى 31 سنه الحلم كان بعد المغرب وقمت بالليل

الحلم رقم 3

السلام عليكم ماما نجية .. اخويا حلم انه والدي وبنت اختي الرضيعة ماتو وانه قعد طول الحلم يبكي عليهم اوووووووووووي

انا من وقتها قلقانة الله يكرمك فسرهولي

4
رايت انى كنت ف مكان وروحت عشان اقعد ملقتش مكان فاضى هما كانو فرشين فرشه ع الارض وقاعدين فمشيت حد منهم نادى عليا بصيا لقيتهم اقارب امى روحت اسلم عليهم كانو 4منهم 3 نسوة ورجل كبير جد امى المتوفى سلمت ع المراة وقبلتها وسلمت على جدى بيدى فجيت اقبله قالى خلينى للاهر فسلمت على المراتين من بعده هو كان راقد على جتبه الشمال وانا داخله بعد كده رجعتله كان راقد على جنبه اليمين وراسه على المخده وانا جلست على المخدة جنب راسه..ماما صحتنى هو اسمه جدة فتحى متوفى مكنش مبسوط وﻻ حزين .....
منام اخر ..ماما رات انها فى محل جزارة والجزار هو ابو الشاب وماما كانت متضايقه منه وهو كمان وكانو متعنفين شويه فهى بكت من ضيقتها منه فى المنام ..بكاء الضيق بدون نحيب يعنى.. وكان مع والدتى اختى نورهان وكان مناسبه عيد فاعطى اختى عيديه 50 جنيه واختى اخدتها ومشيو .... ايو الشاب اصلا طبيب وامى فى الحقيقه مضايقه منه وشايله فى قلبها يعنى ... جزاكى الله كل خير

الحلم رقم 5....حلمت ان بنتى الكبيرة رايحه تشترى ليمون وانا لقيت الليمون شكله مش حلو وكانه مش طازة وشويه معوج وفيه حتت مش سليمه وقلت لها ده مش حلو وكان فيه كمان بصل ماعجبنيش ..والراجل البياع بيحاول يقنعنا بس خدتها ومشينا ولقيتنى ماسكه بصلتين كبار كل بصله فى ايد وباقول لها شايفه البصل ده حلو ازاى وباشاور ناحيه البياع وباقول لها الخضار هنا مش حلو ..البياعين اللى جوه هما اللى خضارهم حلو وواحنا ماشيين عدينا على محل كان فيه ولد سمعنى باتكلم وبيقول لى جوه فين ولقيتى بادوس على سجاده هو فارشها فى المحل وبعدين دخلنا محل تانى لقيت جوزى بيقول لى هاتى عشرين جنيه وقلت له انت حاسبت على التورته قال لى لا ..وجاب ورقه فيها حساب وقعد يقرا الحساب بالتفصيل وقال الحساب 155 جنيه ...حلم تانى صغير ان جوزى بيقول ان ابن بنت خالتى اتوفى بس قال اسمه غلط وانا قلت له اسمه محمد وقلت طب اتاكد ازاى اكلم بنت خالتى ولا ايه ...هو فعلا ابنها محمد شاب فى العشرينات ...خير يارب

الحلم رقم (6)

حلمت ان اخواتى البنات كانوا قاعدين فى الصالة وانا دخلت الاوضة وبعدين لقيت اختى جات ورايا

ودخلت عندى فى الاوضة وقالت لى شايفة السبحة الخضراء دى شاورت لى عليها كانت محطوطة على ترابيزة تقريبا فأنا بصيت عليها ولاحظت ان الحبات بتاعت السبحة كبيرة وقلت لها مالها قالت لى اوعى تمسكيها

لاننا هنديها للراجل الشيخ اللى هيساعدنا فأنا اتضايقت وقلت لاختى ايه رأيك مش هديله السبحة دى وقلت عليه ان اسمه متولى لكن فى الحقيقة هو مش اسمه متولى

فى الحقيقة الشيخ ده قال انه هيساعدنا فى حل مشكلة لكن انا مش متطمنة له

معلش معايا حلم تانى حلمت اخويا كان ماسك هدهد واختى كانت قاعدة معاه فأنا دخلت عليهم كانوا قاعدين فى الصالة وسألتهم ازاى مسكته الهدهد فقالوا انهم هيتفرجوا فيه شوية وبعدين هيسيبوه

انا آنسة وحالتى الدينية متوسطة

واختى آنسة

واخويا عازب ومش بيشتغل وحالته الدينية متوسطة

الحلم رقم (7)
الحلم ده ابن عمتى الى حلمان بيه وحكتبه لحضرتك زى ما هو كاتبه .... " حلمت اني كنت رايح اشوف ماتش في مكان كده الناس كلها بتسمع الماتش فيه فبعدين اتفجأت بناس كتير من العيله قعدين هناك الشباب يعني قعدت ففي واحد بيقولي بص كده مين هناك فببص لقيت أحمد الله يرحمه جريت عليه وحضنته وقعد يعيط وانا اعيط وبعدين انتي ( قصده انا ) دخلتي فوقفتى قدامنا وقعدتى تعيطى

الحلم رقم 8
حلمت اللهم اجعله خير ان الدبله بتاعتى اتعوجت وقلت انا هقول ازاى لسامح (ده اسم خطيبى فى الحقيقه) ان الدبله اتعوجت وكنت زعلانه انها اتعوجت والمشهد ده من ضمن حلم كبير بس فى مشاهد تانيه بس مش متذكرها
انا مخطوبه وحالتى الدينيه متوسطه

حلم رقم 9

حلمت يا ماما نجية كاني فوق مكان عالي وكان هناك طفل صغير كان بيشجعني وكان لازم اني انزل من هذا المكان وكنت خايفة جدا ولكن الحمدالله استطاعت النزول وكان هناك حبل يربط بين عمارتين والحمدالله استطاعت المشي عليه رغم اني كنت خايفة وانا الحمدالله متدينة

bent misr كتب:: مساء الفل ريا ماما نجية انا واحدة صاحبتي حلمت لي حلم انها جات عندنا البيت و لاقيتني امورة اوي و خاسة انا في الحقيقة كلبوظة و قالت لي يابنتي انتي خسيتي امتى على اساس اني خسيت و ماقولتش لحد قفولتلها و لا حاجة كنت باكل خس و جرجير و سلطة و كان لبسي عيارة عن فستان و حتحيه بنطلون لونها ابيض في رصاصي مقلم بس قالت لي كنتي في غاية الجمال في هذا الحلم و انا انسة و هي انسة

حبيبتى ان شاء الله ربنا هيرزقك بعريس وهتكونى عروسة زى القمر ان شاء الله

Loudy كتب:: الحلم رقم 2
انا ياماما عندى بنت خالى من وهى ضغيره بتعمل على نفسها حمام لحد انهم عملوا لها سرير لوحدها هى حاليا فى كليه بس مش عارفه لسه عندها الموضوع دا ولاولاء بس هى اتعالجت منه
المهم يا ماما انا حلمت انى عندهم وكنت نايمه على السريروقمت لقيت نفسى مبلوله زى العرق بس عرفت انى عملت حمام على نفسى بس مكنش باين على الملايه وبعدين لقيت الهدوم الللى على السرير مبلوله بس مش قوى وانا كنت بدارى على نفسى وكنت بقول انها هى اللى عملت لانها فعلا كانت عامله حمام ساعتها على نفسها ولما رفعت المرتبه لقيناها مبلوله وفيها جزء محروق فمرات ابن خالتى بتقول انى دى اثار حمام وشاورت على الحرق قلت لها الحرق دا قديم ولما شفت الدايره اتاكدت ان انا عملت حمام وقلت لهم عادى يعنى محدش يعرف ايه اللى ممكن يخلى حد يعمل حمام على نفسه ( انا بلتمس عذر لكل الناس اللى بتعمل حمام فى الرؤيا وفى الواقع برضه )
ملحوظه انا ماعنديش الحاله اللى عندها
خلصت الرؤيا بنت خالى دى بقى معروفه بلسانها الطويل ومحدش بيحبها فى العيله انا علاقتى بيها عادى وانا انسه وعمرى 31 سنه الحلم كان بعد المغرب وقمت بالليل

حبيبتى انت هتتعبى شوية وهتصرفى تصرف خاطئ من غير قصد مثل تصرفات بنت خالك وهتحاولى تلصقى التهمة لها لكن هتتاكدى ان هو تصرفك انت وهيحدث حبة كلام وهتحاولى التماس العزر لنفسك حازرى والله معك

m.n.m كتب:: الحلم رقم 3
السلام عليكم ماما نجية .. اخويا حلم انه والدي وبنت اختي الرضيعة ماتو وانه قعد طول الحلم يبكي عليهم اوووووووووووي
انا من وقتها قلقانة الله يكرمك فسرهولي

حبيبتى والدك وبنت اختك عمرهم طويل ان شاء الله وفيه فرج لك ان شاء الله

ايناس كتب:: 4
رايت انى كنت ف مكان وروحت عشان اقعد ملقتش مكان فاضى هما كانو فرشين فرشه ع الارض وقاعدين فمشيت حد منهم نادى عليا بصيا لقيتهم اقارب امى روحت اسلم عليهم كانو 4منهم 3 نسوة ورجل كبير جد امى المتوفى سلمت ع المراة وقبلتها وسلمت على جدى بيدى فجيت اقبله قالى خلينى للاهر فسلمت على المراتين من بعده هو كان راقد على جتبه الشمال وانا داخله بعد كده رجعتله كان راقد على جنبه اليمين وراسه على المخده وانا جلست على المخدة جنب راسه..ماما صحتنى هو اسمه جدة فتحى متوفى مكنش مبسوط وﻻ حزين .....
منام اخر ..ماما رات انها فى محل جزارة والجزار هو ابو الشاب وماما كانت متضايقه منه وهو كمان وكانو متعنفين شويه فهى بكت من ضيقتها منه فى المنام ..بكاء الضيق بدون نحيب يعنى.. وكان مع والدتى اختى نورهان وكان مناسبه عيد فاعطى اختى عيديه 50 جنيه واختى اخدتها ومشيو .... ايو الشاب اصلا طبيب وامى فى الحقيقه مضايقه منه وشايله فى قلبها يعنى ... جزاكى الله كل خير

حبيبتى انت بتبحثى عن عمل ومش هتلاقى فى الاول ولكن ربنا هيفتح لك باب خير بان الله اما التانى ان شاء الله فيه فرحة قريبة لك وفرج قريب ان شاء الله

بوسى 123 كتب:: الحلم رقم 5....حلمت ان بنتى الكبيرة رايحه تشترى ليمون وانا لقيت الليمون شكله مش حلو وكانه مش طازة وشويه معوج وفيه حتت مش سليمه وقلت لها ده مش حلو وكان فيه كمان بصل ماعجبنيش ..والراجل البياع بيحاول يقنعنا بس خدتها ومشينا ولقيتنى ماسكه بصلتين كبار كل بصله فى ايد وباقول لها شايفه البصل ده حلو ازاى وباشاور ناحيه البياع وباقول لها الخضار هنا مش حلو ..البياعين اللى جوه هما اللى خضارهم حلو وواحنا ماشيين عدينا على محل كان فيه ولد سمعنى باتكلم وبيقول لى جوه فين ولقيتى بادوس على سجاده هو فارشها فى المحل وبعدين دخلنا محل تانى لقيت جوزى بيقول لى هاتى عشرين جنيه وقلت له انت حاسبت على التورته قال لى لا ..وجاب ورقه فيها حساب وقعد يقرا الحساب بالتفصيل وقال الحساب 155 جنيه ...حلم تانى صغير ان جوزى بيقول ان ابن بنت خالتى اتوفى بس قال اسمه غلط وانا قلت له اسمه محمد وقلت طب اتاكد ازاى اكلم بنت خالتى ولا ايه ...هو فعلا ابنها محمد شاب فى العشرينات ...خير يارب

حبيبتى الاول استعيذى بالله من الشيطان الرجيم واحسن بلاش تفسيره لانه فيه شر اما التانى ابن بنت خالتك عمره طويل ورزقه كبير ان شاء الله

totoيه كتب:: الحلم رقم (6)
حلمت ان اخواتى البنات كانوا قاعدين فى الصالة وانا دخلت الاوضة وبعدين لقيت اختى جات ورايا
ودخلت عندى فى الاوضة وقالت لى شايفة السبحة الخضراء دى شاورت لى عليها كانت محطوطة على ترابيزة تقريبا فأنا بصيت عليها ولاحظت ان الحبات بتاعت السبحة كبيرة وقلت لها مالها قالت لى اوعى تمسكيها
لاننا هنديها للراجل الشيخ اللى هيساعدنا فأنا اتضايقت وقلت لاختى ايه رأيك مش هديله السبحة دى وقلت عليه ان اسمه متولى لكن فى الحقيقة هو مش اسمه متولى
فى الحقيقة الشيخ ده قال انه هيساعدنا فى حل مشكلة لكن انا مش متطمنة له
معلش معايا حلم تانى حلمت اخويا كان ماسك هدهد واختى كانت قاعدة معاه فأنا دخلت عليهم كانوا قاعدين فى الصالة وسألتهم ازاى مسكته الهدهد فقالوا انهم هيتفرجوا فيه شوية وبعدين هيسيبوه
انا آنسة وحالتى الدينية متوسطة
واختى آنسة
واخويا عازب ومش بيشتغل وحالته الدينية متوسطة

حبيبتى الاول حديث نفس اما التانى فيه اخبار سوف تاتى لاخيك والله يجعلها خيرا

ام حسام كتب:: الحلم رقم (7)
الحلم ده ابن عمتى الى حلمان بيه وحكتبه لحضرتك زى ما هو كاتبه .... " حلمت اني كنت رايح اشوف ماتش في مكان كده الناس كلها بتسمع الماتش فيه فبعدين اتفجأت بناس كتير من العيله قعدين هناك الشباب يعني قعدت ففي واحد بيقولي بص كده مين هناك فببص لقيت أحمد الله يرحمه جريت عليه وحضنته وقعد يعيط وانا اعيط وبعدين انتي ( قصده انا ) دخلتي فوقفتى قدامنا وقعدتى تعيطى

حبيبتى فيه حق لابن عمتك سوف يعود له وربنا هييسر امره اما انت ففيه فرج قريب لك ان شاء الله

اليقن بالله كتب:: الحلم رقم 8
حلمت اللهم اجعله خير ان الدبله بتاعتى اتعوجت وقلت انا هقول ازاى لسامح (ده اسم خطيبى فى الحقيقه) ان الدبله اتعوجت وكنت زعلانه انها اتعوجت والمشهد ده من ضمن حلم كبير بس فى مشاهد تانيه بس مش متذكرها
انا مخطوبه وحالتى الدينيه متوسطه

حبيبتى حبة سوء تفاهم مع سامح بس هتعدى على خير بان الله

نوجا كتب:: حلم رقم 9

حلمت يا ماما نجية كاني فوق مكان عالي وكان هناك طفل صغير كان بيشجعني وكان لازم اني انزل من هذا المكان وكنت خايفة جدا ولكن الحمدالله استطاعت النزول وكان هناك حبل يربط بين عمارتين والحمدالله استطاعت المشي عليه رغم اني كنت خايفة وانا الحمدالله متدينة

حبيبتى مشكلة وهتتمسكى بكتاب الله وهتعدى على خير بان الله

» تفسير احلام يوم الثلاثاء الموافق 8\2 ان شاء الله
» تفسير احلام الثلاثاء الموافق 10\18 ان شاء الله
» تفسير احلام يوم الثلاثاء الموافق 4\18 ان شاء الله
» تفسير احلام يوم الثلاثاء الموافق \818 ان شاء الله
» تفسير احلام يوم الثلاثاء الموافق 11\ا 24ن شاء الله