السلام عليكم يا ماما
انا عندى رؤيتين
الرؤيا الاولى
انا كان متقدم لى ظابط جيش وكنت عارفه ان فى مشاكل بينه وبين مراته بس حاليا رجعوا لبعض وهى حامل كمان بس لسه فى مشاكل وعدم توافق بينهم هو كان طلب منى الجواز وانا بعدت عنه وسبت الموضوع لله عشان بيته ومراته وكمان اهلى مش هيوافقوا انى اكون زوجه تانيه بس امبارح استخرت ربنا بس مش فاكره الدعاء اللى قلته كان يا اما ان ربنا يبين لى مين هو جوزى او ان ربنا يبين هو من نصيبى ولا لاء
فحلمت حلم من تلات اجزاء
اول جزء حلمت ان فى شارع مش واسع اوى اللى هو عرضه 6 متر ومعمول فيه نهر ميه كدا بطول الشارع بس زى مية الترعه والناس بتمشى على جمبين النهر عادى وواحده ست مسيحيه ماشيه هى وابنها وبعدين الست دى فلت منها ابنها ونزل الميه ولقيناه على الجانب التانى من غير ما يتبل كانه مشى على الميه والست لقيتها هى كمان مشيت على الميه عشان تنقذ ابنها ولقيتها عامله شنطتها زى مركب لانها كانت بتطفو بس شنطتها كانت زى شنطتى بالظبط وبعدين هى مش عارفه راحت فين وسابت ابنها لوحده وانا مسكته عشان ما يقعش تانى فى الميه اتاريها جابت البلديه عشان يردموا نهر الميه دى لانها خطر على الناس تانى جزء انا وبابا فى بيت غير بيتنا بس بيتنا وكان فى قصادنا بركة ميه لونها ازرق زى ماء البحر وحواليها طيور لونها ابيض زى النورس او ابو قردان وكان اسمها الترعه الابراهيميه وبابا بيقول انه هيردمها وكنت انا وهو واقفين فى دور عالى تقريبا الخامس او الثالث الجزء التالث بقى هو ان مرات الظابط دا كان قصادها صنيه كبيييره الومنيوم من اللى بيتحط عليها اطباق اكل كتير وانا جيت وقعدت اكل من اكلها دا وكان عاجبنى جدا وكنت باكل منه بنهم كانى جعانه جداا كنت باكل من نفس الصنف اللى هى بتاكل منه
الرؤيا الثانيه
حلمت انى نقلت مدرسه تانى غير اللى بتشغل فيها اسمها الروضه على اسم البلد اللى فيها المدرسه وهى اصلا بلد امى وكان فى ناس كتييييييييييييييير جداااااااااااا وبعدين المدير جاب لى انا بس تورتايه بس الكريم شانتيه اللى على الوش اتفشكل منها وانا حطيت صباعى ودوقت حته منها كبيره من الكريم شانتيه دا وواحده فتنت عليا انى دوقت منها فاتكسفت وقلت ان بقى مر وكنت عاوزه حاجه محليه مع انى التورته كانت قصادى انا بس ومحدش اكل منها انا بس اللى دوقت منها الكريم شانتيه دا وخلص الحلم على كدا
انا انسه وعمرى 33 سنه وماما متوفيه وبابا مش متجوز بعد ماما واحنا تلات بنات انا الكبيره واخواتى الاتنين متجوزين انا مش مخطوبه ولا مرتبطه الرؤيتين كانوا قبل الفجر فى مواقيت مختلفه على فكره الظابط دا عنده ولد اسمه محمد
