تفسير احلام يوم الثلاثاء الموافق 11\4 ان شاء الله

الحلم رقم 1
انا ف الحقيقة كان عندى اصحاب اعرفهم ايام الثانوى وبعد كدة من ساعة الثانوى  علاقتى اتقطعت بيهم ومش اعرف عنهم حاجة  وفوجئت انى حلمت  بيهم  اساميهم ف الحقيقة دعاء رفعت وشيماء عبد المجيد والتالتة هاجر احمد


انا حلمت ان  كنا ف مكان وبندرس فية وكان معايا اللى كانت صحبتى اللى هى دعاء رفعت والمدرسة اللى بتدرسلنا كانت عطيانا احنا الاتنين امتحان ف اللغة العربية  ا فصحبتى حليت الامتحان كلة وانا حليتة المفروض بردوة كلة فشوفت المدرسة وهى بتصححلها الورقة وشوفت اخر سؤال ف الورقة لاقيتة كانت طالب اكتب مقال مش فاكرة عن اية   فلاقيت صحبتى  حليت المقال والمدرسة مبسوطة منها وقالتها شاطرة فانا قولت ف نفسى دعاء طول عمرها شاطرة وبتذاكر ومش بتقول لحد ولا بتبين انها بتذاكر  فانا لما بصيت ع ورقتها افتكرت انى حليت الامتحان كلة ونسيت اكتب  المقال اللى مطلوب ف اخر سؤال فقولت للمدرسة ادينى فرصة ا وادينى الورقة تانى احل السؤال الاخير اللى هو المقال فمش فاكرة المدرسة وافقت ولا لا وبعد كدة قعدت اتكلم مع صحبتى دعاء دى  وبقولها اخبار البنات اللى كانوا معانا اية قالتلى شيماء اتجوزت من 5 سنين وهاجر بردوة اتجوزت  والحلم انتهى

مع العلم ان  اصحابى اللى ف الحلم دول معرفش عنهم حاجة  بقالى اكتر من 10 سنين  ومعرفش اتجوزوا ولا لا وانا انسة وانا حاليا عندى كرب رهيب وحزينة من جوايا اوى  وربنا بس اللى عالم بجوايا  وحاسة انى مكسورة من جوايا اوى عشان  كل  حاجة حلوة بكون عاوزاها مش بتكمل بس ف الاخر بحمد ربنا طبعا  وقبل ما نام دعيت ربنا  ع شخص معين  اتقطعت اخبارة عنى مرة واحدة ومش قادرة اوصلة  اطمن علية ودعيت ربنا انة يطمنى علية وانة يكون بخير ويرجعلى الشخص دة تانى ونمت حلمت الحلم دة مع العلم ان وانا نايمة مكنتش بفكر ف اصحابى دول خالص
ولو ف اى دعاء ياماما ادعى بى لربنا عشان ربنا يستجيبلى ويطمنى علية فيدينى بى وجزاكى الله كل خير

5
حلمت ان شخص اتقدملي وكان جاي لوحده وقال انه عاوز ينزل يجيب الشبكة في نفس الوقت وبابا مكنش موجود فماما قالت مش مشكلة احنا ننزل نجيبها ولما بابا يجي نبقي نقوله وهو مش هيقول حاجة ونزلنا رحنا محل الجواهرجي واهل العريس جم معانا والعريس اختارلي اسورة بخاتمها والمحبس وبعدين الدبل الللي في المحل معجبتنيش فجابولي دبل من محل تاني ونقئيت واحدة والعريس صمم اني البس الشبكة في نفس الوقت بعدين طلعت البيت وماما قالتلي اقول للعريس يخلي اهله يطلعوا فطلعوا ودخلوا البيت وام العريس فضلت تفتح الاوض وتشوف الشقة وتشوف اذا كنا نضاف ولا لآ وبعدين العريس جابلي هدية وانا كنت مبسوطة اووي ورقصت سلو معاه وبعدين قالي انه عاوز يروح عند واحد صاحبه رحت معاه وكنت عاملة ميك اب جميل اووي ورحنا عند صاحبه واهله فضلوا يباركولي وشفت بنت خالي ولاقيتها بتقولي انتي اتخطبتي ولبستي الشبكة كمان قلتلها والله كل ده حصل من 10 دقايق والعريس اصر البس الشبكة في المحل وقلتلها اني هلبس بقيت الدهب في الفرح قالتلي كويس عشان محدش يحسدك بعدين سألت العريس اول مررة شافني امتي قالي كانت في شهر 7  وفي شهر8 قلت بيني وبين نفسي ازاي وانا عارفاك من سنين وبحبك وكان اسمه محمد ومحامي وكنا مبسوطين اووي مع بعض 
وخلص الحلم علي كدة مع العلم اني انسة 
ومعلش يا ماما هتعبك معايا هو حلم صغير اوووي 
حلمت اني متجوزة وجوزي زعلان مني وحضنته  ونسي كل حاجة وجوزي ده كان واحد من زمايلي في الجامعة 
وخلص الحلم علي كدة مع العلم انا اتخرجت السنة دي والشخص ده فعلا  كان معجب بيا وعاوز يخطبني وانا رفضت وهو مش في بالي اصلا

7
حلمت ان اعطيت اختى مانجتين واحدة تقشرهالى واﻻخرى تعينهالى وبعدين لقيت نفسى ماسكه كيس فيه مانجايه كييييييييرة اووووووووووى فخدت الشنطه وقلت هشيلها مع اللى قلت ﻻختى تشيلها خدتهم ومعاهم مانجايه حلوة محمرة كده ..وبابا كان فى الحمام يقضى حاجته عفوا.. وكنا زى ان دة شقه المصيف وبنلم حاجتنا وماشيين طلعت الشارع وكان فيه عربه بخيول ف السما ومنت بقول نفسى اركب زيها وكنت بقول بكرة يجى يوم وتبقى وسيله مواصﻻت زى العربيات وراحت واحدة رسمت بيدها طائرة على الجدار ....
جزء تانى كنت راكبه اتوبيس وفى واحدة كمان والسائق هو مديرى فى العمل يعنى عم الشاب وكنا على طريق سريع وممهد ببص ورايا لقيت الشاب راكب عجله وماشى ورانا بس كان سريع جدا لدرجه انى استغربت انه راكب عجله فضل ورانا واحيانا جنبنا لحد ما دخلنا ف زحمه وهو فضل واقف بره ع ااطريق وانا نزلت م اﻻتوبيس عشان استناه ومنتهش من بعض وكنت بوصفله مكانى بس ....
فى جزء تانى كنت ماشيه ف الشارع ونعى طفل وفى واحده ابتدت تﻻحقنى وتحدفنى بطوب وخاحات كده يس مكتش وﻻ حاحه بتصيبنى بالعكس اللى كانت بتحدفنى بيه كنت بحدفها بيه وكان بيصيبها لحد ما بعدت عنى ومشيت مع ابى وامى وجدتى وجدى
انا عندى مشاكل فى شغلى وفى ناس زمايلى حطينى ف دماغهم ومديرى كويس معايا بفضل الله ..انا الشاب فهو ﻻ يحب عملى ويغير كثيرا وطبعا اهلى مكروبين يسبب تاخر خطوبتى ... دى الحاله العامه لكل من بالمنام وطبعا نفسى اسافر بره

الحلم رقم ( 9 )
اولا انا معايا بنتين وولد وحامل في خمس شهور
الحلم ده قبل ما اعرف اني حامل حلمته
حلمت خير اللهم اجعله خيير اني شفت حد جايبلي شبكة عقد واسورة .. والعقد كان مفيش اعتراض عليه .. انما لما شفت الاسورة قلت لا انا مش عايزاها غيروها دى موضة قديمة .. المهم فجأة لقيت ضوء جه علي الاسورة كده ولقيت دهبها بيبرق اوى واحلوت في عيني وقلت خلاص خلاص سيبوها حلبسها .. بس كده

معلش يا ماما حلمت حلم تانى برده قبل ما اعرف اني حامل
حلمت اني سمعت صوت بيقولي الايه الكريمة اللي هيا (وقلت استغفرو ربكم انه كان غفارا يرسل السماء عليكم مدرارا ويرزقكم باموال وبنين) ووقف لحد هنا وانا اصلا مكونتش حافظة الاية دي .. بس كده .. تسلميلي يارب

الحلم رقم ( ١٠ )
طنط حلمت حلم بس مش عارفه اضغاث ولا ايه انا عندى البيريود .. و كنت بتفرج على شبكة صاحبتى كانت بعتالى صورتها عالنت اتفرجت عليها ونمت .. حلمت ان ( منى ) بنت خالى جابالى طقم شبكة عبارة عن غويشتين وسلسه وحلق وخاتم .. طقم كامل والغويشه كانت واحدة سادة وواحدة مموجه كده فيها شكل يعنى ... بنت خالى كانت بعتهالى بمناسبة انى لسه والدة وبتباركلى يعنى
طنط ده كده حلم ولا اضغاث

الحلم رقم ( ١٠ )
طنط حلمت حلم بس مش عارفه اضغاث ولا ايه انا عندى البيريود .. و كنت بتفرج على شبكة صاحبتى كانت بعتالى صورتها عالنت اتفرجت عليها ونمت .. حلمت ان ( منى ) بنت خالى جابالى طقم شبكة عبارة عن غويشتين وسلسه وحلق وخاتم .. طقم كامل والغويشه كانت واحدة سادة وواحدة مموجه كده فيها شكل يعنى ... بنت خالى كانت بعتهالى بمناسبة انى لسه والدة وبتباركلى يعنى
طنط ده كده حلم ولا اضغاث

10

السلام عليكم
حلمت خير اللهم اجعلو خير
إني فخطوبتي أنا وأختي وكأنها ففيلا فخمه ولابسين سواريهات وكنت عالباب بستقبل الناس وكان الجو العام حلو وفيه فرحه وانا بستقبل الناس جت زميلتي تباركلي اسمها أماني (دي صديقتي ايام ابتدائي ولسه بينا علاقه بس دلوقتي تليفونات كل فتره عشان كل واحد دخل كليه بس بعذها أوي )
فبصيت عليها كانت فرحانالي أوي وانا ماشفتهاش فالحقيقه من سنين ففالحلم كان وشها ماشاء الله بشوش ونضر أوي وفرحتها بيا باينه أوي وقالتلي جايبالك هديه لقيتها جيبالي دبله وتوينز ماس (ألماظ) انا انبهرت لأن كانو فيهم فصوص كتير مش خفيف وفرحت بيهم أوي وحضنتني جامد رحت لبستهم بس لبستهم فالسبابه والوسطي فالايد اليمين ع اعتبار اني دبله دهب فالصابع بتاع الدبله بس بعد مالبستهم فالصابعين دول اكتشفت ان الدبله اللي كنت لابسها ضاعت فقولت ايه ده دي ضاعت فالزحمه والناس جت تدور قولت بيني وبين نفسي مش مهم دي كانت دهب وخفيفه ومش حلوه وماتجيش حاجه جنب الدبله والتوينز الماس اللي أماني جابتهملي فالناس كانو بيبصو تحتهم يدورا انا قولتلهم مش مستاهله نضيع الوقت اننا ندور عليها يلا اتفضلو نحتفل ودخلنا البوابه بتاعه الفيلا عشان خطوبتي انا واختي يسرا.
يارب اجعلو خير
يسرا مخطوبه وفرحها بإذن الله كمان اسبوعين
أماني مش مخطوبه
أنا فاسخه خطوبه عن اقتناع معرفتش احبو ومرتاحه نفسيا الحمد لله .