تفسير احلام يوم الثلاثاء الموافق 23 \9 ان شاء الله

1

الحلم ده كنت هحطه امبارح بس النور قطع للاسف 
حلمت منام غريب خير اللهم اجعله خير يارب انى ماشية مع بابا وماما فلقينا معرض بيبيع انتيكات وخشب مدهب معمول اشكال حلوة من اللى بيتعمل بيه الصالونات ده ولقينا هناك سجاد كان شكله حلو اوى فراحت ماما هى وبابا رايحين يشترولى سجادة كانت حرير فى قطيفة وكان لونها دهبى كده وكانت ناعمة جداااااا ومرسوم عليها قلوب كده وكان حلوة اوى وغاية فى الشياكة على اساس يشتروهالى ويعينوها ليها ف وانا واقفة فى المحل وببص فى مرايا من مراياته لقيت انعكاس صورتى مش شكلى لقيت شكل شاب اعرفه ( الشاب ده كان شافنى فى مناسبة من فترة ومحصلش بينا كلام بس كنت ملاحظة انه كان واخد باله منى وبعدها محصلش حاجة ونسيت خالص ) المهم لقيت شكلى فى المرايا هو الشاب ده وكان له لحية وشارب محفوف كده واللحية زى ما السنة بتقول مهذبها كده وبعدين استغربت جداااااا وقلت لا مستحيل ده يكون شكلى فى المرايا واتحرك يمين واتحرك شمال والاقى ده فعلا شكلى اللى بيتحرك معايا هو وش وشكل الشاب ده وخلص المنام على كده وانا قاعدة ابص لشكلى ده فى المرايا اللى هو مش انعكاس وشى وانعكاس الشاب ده !!! 

حلم  رقم 2

حلمت ياماما نجية كاني فى محطة قطار وركبت القطار  وعلطول باحلم بمطة القطار انا واخوتي مع العلم اني متدينة

3
حلمت انى فى كيس شفاف بﻻستيك محشور بين سنانى وانا عماله اخرجه من سنانى ..لحد ما خرجته كله
وفى حاجه كده مش متذكراها اوى بس تقريبا كان فى لمعه فضيه على سنانى وانا مش فكرة بمسحها واﻻ ايه

الحلم رقم 5

في حلم لواحدة صاحبتي

حلمت ان كل قرايبها متجمعين في بيت كبير وليه شبابيك كتيرة ومفتحة وكلها شمس وبيحتفلو يوم حنتها ومفروض انها فكرت ان الفستان بتاع فرحها ممكن يكون وسع عليها عشان هي خست من الشغل والمشاوير بتاعت التجهيزات فقالت هروح اقيسه فمامتها قالتلها لا روحي بصي عليه من برة عشان ده فال وحش ...وبكرة كدة كدة هتلبسيه المهم راحت وشافته وبعدين عدت على محل جزم واشترت جزمة جديدة .....الشارع اللي كان فيه البيت كان عبارة عن 3 عمارات اول عمارة اللي فيها البيت وتاني عمارة اللي فيها محل الجزم اللي عدت عليه وهي راجعة من الاتيليه وتالت عمارة كانت اللي فيها الاتيليه بتاع الفساتين

صاحبتي دي انسة وباباها متوفي  

الحلم رقم 8
حلمت خير انى كنت فى مكان كانه شغل بس هو بيت جدتى الله يرحمها ونزلت انا وجرتى فى شغل اسمها شيماء ونزلنا علشان نشترى حجات وبعد كده زى رحت مول وكنت بلف فيه وانا خارجه لقيت زحمه وناس بتاخد شكولاته رحت اخدت 3وحدات راح صاحب حاجه قالى رايحه فين قولتله مش شكولاته دى هديه على حجات دى رحت اخدت 3شكولات ومشيت :) بس