تفسير احلام يوم الاحد الموافق 12\25 ان شاء الله

انا حلمت ان واحده صاحبتي بتتجوز و لابسه فستان فرح و كانت جميله جدا وكانت بتحط مكياج وهي الي حطته و حطت اسود على دقنها و استغربت منها و بعدين كملت مكياج و راح السواد ده و شفت بابا و انا سبته و رحت مع البنت دي و كان معانا بنات تانيه مع العلم اني معرفش لا العربيه و لا البنات الي كانوا  معانا انا أنسه 

ايناس كتب:

حلمت اني كنت واقفه علي شط البحر بليل مع ماما وبتقولي ان البحر ده بحر رمال وانا مش مصدقه فبتقولي ده بحر رمال ..ببص لقيته بحر رمال يعني بدل المايه رمل وفيه امواج زي البحر وكل حاجه بس رمل وانا بجري بعيد ع الشاط وببص لقيت ادامي امواج رماليه ..والدنيا ليل سبت امي
ولقيتني بعيط باخلاص اوي مع ربنا وعماله ابص ف السما لا اله الا انت سبحانك اني كنت من الظالمين 3 مرات
انسه وبمر بكرب وكل الابواب متقفله ف وشي
وفي شخص بتمناه وبدعي ربنا بيه
في تصرف عملته ف حق ناس وزعلو مني وخاصميني
دي حالتي قبل النوم صليت الفجر ودعيت ونمت حلمت كده

الأمل فى الله كتب:

حلم رقم 2

السلام عليكم  ازيك يا امى الغالية  انا حلمت النهردة انى طالعة العمارة اللى احنا ساكنين فيها وكنت كل ما اطلع دور حد من الجيران يدينى حاجة  منهم واحد جارتنا (تقريبا هبة او لمياء مش متذكرة بالظبط مين فيهم) ادتلى حتى كيكة على شكل مثلث كده زى ماتكون محشية مربة فراولة وعلى وشها كريم شانتيه ابيض وبعد شوية طلعت المفروض بيتنا لقييتنى عند واحد تانى الراجل كان هببقى حمايا لكن اختلفنا والخطوبة مكملتش وانا قاعدة عنده مع بنته وجابلي طبق فيه حاجة بيضا اكلها فانا استغربت اوى وقلت لنفسي الراجل ده مش بيحبنى بيضايفنى ازااى ويجيب لي تحية كمان طمنينى يا حبيبتى  عندى حلم تانى  حلمت من يوم انى جبت لاختى مانجه ومكسرات (فسدق) عشان ناكلها سواء واحنا مسافرين معاها نوصلها المطار بلكن في الحلم هى خدتهم ومروحتش معاها  طمنينى يا حبيبتى  وشكرا ليكى على تعبك معانا انا انسة لسه مش متجوزة بس عديت 30 وانا قاعدة في البيت واختى متجوزة ومعاها بنت وهى مدرسة

Aya Ahmed كتب:

حلم رقم ٣ 

انا حلمت ان واحده صاحبتي بتتجوز و لابسه فستان فرح و كانت جميله جدا وكانت بتحط مكياج وهي الي حطته و حطت اسود على دقنها و استغربت منها و بعدين كملت مكياج و راح السواد ده و شفت بابا و انا سبته و رحت مع البنت دي و كان معانا بنات تانيه مع العلم اني معرفش لا العربيه و لا البنات الي كانوا  معانا انا أنسه 

شكرًا جزيلا

نوني كتب:

حلم رقم 4
حلمت اني بفتح صفحه الفيس بوك بتاعت واحد كان متقدملي لاقيت اسمي مكتوب جنب اسمه اننا مخطوبين لبعض ولا هو يعرف ولا انا. كنت اعرف اتفاجئت انه مكتوب كده
انسه الشخص ده والده كلم بابا تلت مرات انه يخطبني وكل مره مش بيجي ويقعد فتره علشان يفتح الموضوع تاني وبعدين يسكت انا مشوفتهوش غير صور ومعرفهوش شخصيا وابوه كلم بابا تاني من فتره وسكت كالعاده

ايناس كتب:

حلمت ان ماما غيرت ترتيب اوضتها هي وبابا وحطت كنبه وكراسي وتربيزه وسرير ...وانا بقي بقترح عليها اوضاع مختلفه للشقه كلها

بوسى 123 كتب:

رقم 6...حلمت انى واقفة فى حمام و معايا بنتى الكبيرة وواحدة ست كبيرة شوية بتنظف أ كان معاها مشايات سجاد صغيرة ب تغسلهم  و بعدين لقيت أننا فى أوضة فيها سفرة و عليها أطباق بيضاء و كل طابقين فوق بعض طبق غويط و تحته طبق مسطح ..و مترتبين فوق السفرة قدام كل كرسي الأطباق بتاعته ...الأطباق كانت فاضية بس فى الحلم المفروض أننا خلاص أكلنا و كان معانا ضيوف ....ولقيت شباك فى الأوضة مفتوح و قلت ل بنتى اقفلى الشباك ...و كنت مش عايزة الست اللى بتنضف دى تعرف أن كان عندنا ضيوف ....شكرا