تفسير احلام يوم الاثنين الموافق 7\11 ان شاء الله

حلم رقم 1
حلمت يا ماما اني كنت انا واخواتي ف وسط بحر كبير وكان عميق اوي فانا كنت خايفه انزل جداً فيه وكان شكله مش نضيف ولونه مش صافي كدا ف اخويا الكبير ضحكلي وشالني جامد ورفعني لفوق وعداني النحيه التانيه علي الرصيف

2
في شخص المفروض انه عايز يتقدملي
وانا حلمت ان الشخص ده كلمني وقالي انتي فين قولتله انا برة قالي طيب خليكي انا هاجي اخدك قولتله ازاي قالي معايا عربية صحبي هاجي اخدك واروحك معاكي حد قولتله اختي قالي هاخدكم انتوا الاتنين اروحكم وفعلا جه خدنا وكان معاه صاحبه راكب جمبه وهو اللي بيسوق وانا واختي ركبنا ورا وهو ساق بينا وانا كنت مبسوطة اوي والعربية كانت لونها ابيض وشكلها جميل فعو بيوصلنا مشي طرق غلط قولتله غلط مش ده الطريق لف ومشي حسب وصفي انا وكانت سواقته مجنونة بس ممتعة والعربية كانت طايرة بينا والسكة سهلة وانا عمالة اضحك انا واختي ومبسوطين وشايفين العربيات تحتينا واحنا فوق وحاجة ممتعة جدا وصلنا لحد باب عمارتي وبعد كده نزل عشان ينزلنا ويجيب حاجتنا من العربية ينزلها معانا فكان الشارع ضلمة اوي لقينا عربية سودة جاية بسرعة مجنونو وفيها مجموعة شباب وكانوا خيخبطوا العربية اللي كان بيسوقها فأتخانق معاهم وكان وهو بيتخانق معاهم بيفولي تعالي انتي كده بيبعدني عنهم عشان مش يلمسوني او يجوا جمبي فمنهم واحد حط ايده علي كتفي فلقيته بيدافع عني لدرجة انه اضرب بسببي ضرب كان المفروض يجي عليا انا بس جه عليه هو وهو يبصلي ويقولي بعنيه انا ساكت عشانك عشان متنبهدليش وانتهي الحلم

حلم رقم3
انا ف شخض هيكلم والدى وهيتقدملى بس الشخض دة مسافر السعودية ولو كدة هيبعت اهلة يربطوا كلام لحد ما ينزل وهو هينزل على السنة اللى جاية
انا حلمت بالشخص دة وهو معاة موبايلوا وبيفتحلى الفيديو وبيورينى جميع تحركاتة وهو رايح الشغل وهو سايق عربيتة كل حاجة وانا كنت مبسوطة انة بيورينى كل حاجة عنة عن طريق الفيديو وهو مبسوط انة ييورينى كل حاجة عنة وانا كنت بقول دة بيورينى كل حاجة وواضح ومش بيخبى عنى حاجة دة شخص صريح اوى لدرجة معايا

ف نفس الوقت الشخص دة حلم بيا ان هو نزل مصر وجة عندنا البيت واستءذن من بابا يخدنى انا وماما واخواتى البنات وننزل فنزلنا واكلنا وبعدين روحنا مول فانا كنت بختار طقم عشان اجيبوا وهو كان بيختار معايا واختى المتوسطة كانت واقفة وبتبصلوا فهو بيقولها اختارى انتى كمان طقم بدال ما تبصى كدة وكان وبيضحكلها وهو بيقولها كدة والحلم انتهى