تفسير احلام يوم الاثنين الموافق 3\28 ان شاء الله

حلم رقم 1 
انا حلمت اني داخله مسجد انا ومرات اخويا ودخلنا بالجزم ومكناش عارفين ان دا باب المسجد غير لما دخلنا والناس استغربت اننا دخلنا بالجزم وكدا وبعدين استغفرت ربنا وقلعت الجزمه ونديت علي بنت اختي تحطها امام الباب برا ودخلن الحمام ف المسجد اتوضي

رقم 2 ...حضرتك نسيتى حلمى امبارح ...حلمت ان امى الله يرحمها قاعدة تحشي محشي تقريبا كان فلفل اخضر و قلتلها لسه ماخلصتيش قالتلى ما انا لسه عاملة لك مكرونة من نص ساعة و بعدين لقيت اختى واقفة معانا و بتقول اننا هنروح فرح النهاردة قى العجمى ..انا اتفاجئت و قلتلها انا مش هلحق اجهز و بصيت زى لقيت اننا المغرب يعنى مافيش وقت و قلت انا مش معايا غير الفستان البصلى و زى ما اكون انا كنت جاية من سفر و مش ﻻحقة ....حلم تانى انى كنت فى مكان و طلعت تلشارع و قاعدة ادور على جوزى وهو المفروض فى العربية و مش ﻻقياه و مش فاكرة المكان اللى فيه العربية و مشيت لقيت حصان بنى بيجرى ورا ناس و بعدين انا مشيت و دخلت شارع و بصيت ورايا لقيت الحصان دخل ورايا الشارع و بكلم جوزى ع التليفون باحكيله عن الحصان و بعدين لقيت الحصان زى وقع او قعد ع اﻻرض ...شكرا

3
حلمت اني شايله بنت عندها يومين وتقريبا كانت في المنام بنتي كانت بيضه وشعرها اسود وتقيل وكنت راحه اشتري لها سلسله زينه. صاحب المحل اداني سلسله شبه السبحه بظبط بس مخدتهاش لانها شكلها سبحه مش سلسله .واخدت سلسله لونها ذهبي وفيها لؤلؤ كتير لونه نبيتي ولبستهلها ..بس صاحبه المحل راحت مكان ومرجعتش وانا كان ورايا سفر وخايفه اتاخر ركبت مركب وكنت ع طرفه وخفت اقع كان ورايا رجل عجوز قلتله امسكنا ومسكني انا وبنوتتي كانت صغيره وراسها ع كتفي وكشطت حاجه بسيطه وكان اسمها في المنام رقيه لحد موصلنا هو اصلا كان زي معديه ودخلت المكان ولقيت صاحب المحل وقلتله اشتريت منكم سلسله وعوزه ادفع تمنها وهو كان بيدور ع الكمبيوتر ع السعر وصحيت .... بس كده

ظروفي مخطوبه وبمر بضيق معين وبدعي بالفرج

حلم 4
رايت خيرا اللهم اجعله خير ّ
ان انا رحت بيت بس معرفهوش جديد عليا ولقيته قاعد في الصالون ومامته موجودة وكنت جبت معايا لبن راحت قالت لي لا احنا عنزنا لبن احلي تقريبا فلاحة اللي جايباه وانا مكنتش عايزة اروح علشان مينفعش ان انا الللي اروح بس مامته قعدت تلح لحد ما روحت
اللبن ده المفروض هاشرب منه
ده كان واحد متقدم من شهرين تقريبا بس محصلش نصيب

5
انا حلمت اني واسرتي كنا في مكان عام وبعدين لقينا بيقدمو عروض تقريبا..المهم انا كنت قاعده ادام ببص لقيتهم مطلعين تمساح كبير وبؤه مفتوح بس مكنش له سنان ظاهره..اول مو شفته خفت واتصلبت في مكاني لانه كان باصصلي انا
طلعت جريت زي الصاروخ والناس كلها طلعت تجري واهلي وكله..بعد ما وصلنا بره افتكرت اني نسيت موبيلي فرجعت جري ولقيته راجل عجوز هو الي حافظلي عليه شكرته كتير ومشيت ...بعدها شفت اني واسرتي كنا في العربيه وبابا شاري لنا ايس كريم وهو المفضل عندي وبعدين اختي عضتها قطه في بطنها وكانت تبكي من الالم وبعدها قطه عضت اختي التانيه من بطنها ..انا طبعا خفت علي نفسي لاني انا الباقيه قفلت باب العربيه وضميت جسمي ع بعضه لحد بابا وماما جم وبابا ضغط ع بطن اختي وطلع منها حاجه في حجم رصاصه معرفش ده ايه ؟؟ وفضل بابا ع الكنبه جنبنا ورا وامي هي السايقه واختي الصغيره ادام ...طبعا احنا ورا مزنوقين ففتحت بابي حبه صغيره والعربيه ماشيه بينا وانا باكل الابس كريم ..وصلنا محل مفروشات ولبس ووقع مني علبه الايس كريم بس كانت سليمه ومندلقش منها حاجه اخدتها واستغربت ازاي مليانه ع الاخر وانا باكل فبها بقالي كتير .صاحب المحل فتحلي فريزر مليان ايس كريم كل الانواع .فماما اخدت اكبر واحد بالشوكولاته وقالت هشيله وبصتلي اني مخدش تاني انا لسه واكله ...طفسه انا ههههههه
اختي ايمان ومها عضتهم القطه والاتنين طلبه
حالتنا ان البيت عندنا كله محسود ..ده كلام الشيخ لما رقانا
دينيا ملتزمين ... انا ليا عداوه في الشغل مع ناس هما حقودين عليا معرفش ليه.بس انا بعيده عنهم
خير طمنيني

انا بقالي فتره مش بعرف انام ابدا من الكوابيس حد يمسك جسمي او يقتلني ...بشغل سوره اابقره دايما وقران ف البيت كل يوم وبصلي وبقرا الاذكار وبرضه لا يمكن اعرف انام ف سريري مع اني بنفض 3 مرات واسمي بسم الله
وبقالي كذا يوم احب اقعد ف ضلمه جامد مع اني كنت بخاف منها بس بقيت احب الضلمه ومحبش اقعد مع الناس
وممكن كمان اقعد اعيط بانهيار ف الضلمه معرفش ليه
كمان انا كل ماجي اتصل ع خطيبي الاقيني سخنت ومش طايقه نفسي واتخانق معاه بدون سبب مع اني قبل مكلمه ببقي بضحك وهو كمان بيقولي مش عارف مالي مش طايق نتكلم او يجي بيتي ... هو الكلام ده بقاله اسبوعين من وقت ما حضرنا فرح والناس كانو بيبصو علينا جامد وامي مرضت بالصفرا من بوم الفرح دون سبب واختي خطبتها باظت دون سبب ....وانا خايفه عليا انا وخطيبي. بالله عليكس قوليلي نعمل اي ؟؟؟؟؟؟؟؟ انا جبت شيخ وقال مش جن ولا مس وقال انه حسد جامد ونظره وحشه وحد بينكلم علينا كتير ..انصحيني الله يباركلك ....... دينيا الحمد لله ملتزمين

الحلم 8

ازيك ماما نجية
انا حلمت حلم طويل مش فاكرة منة الاقليل
وهو باني قاعدة مع اخويا المتوفي ومتعرف علي بنت وجابت لنا اكل وعيش وفجأة لقيت اسراب من النمل جاية علينا ومشت عليا وقرصتني قرص مؤلم جدا وبعد شوية قلعت هدومي لقيت جسمي كلة مليان حبوب حمرا خاصث فوق الاكتاف ولقيت اختي الكبيرة دخلت هي وجوزها وقالت ماعدش حد ياكل من العيش دا وانا لابسة قصير وبستخبي من جوز اختي لحد ماوصلت اوضة بنت اختي واخدت منها هدوم البسها وقعدت اهزر معاها واتريق عليها واقولها هاتقضي العيد لوحدك ولا مع صاحبتك وتقعدو تعيطو جنب بعض عشان لسة ماتخطبوش وهي تضحك وتهزر معايا

رقم 10 ...انا فى الحقيقة عندى عمال بيشتغلو فى الشقة و حلمت انى دخلت الشقة و انا ﻻبسة قميص نوم بمبي بنص كم و ماكانش فيه حد فى الشقة و قلت لو العمال جم انا اصﻻ ﻻبسة بادى بكم تحت قميص النوم و ابقى اشد الكم ايدى تتغطى و كنت ماسكة مكنسة او مقشة و باكنس و لقيت كومة تراب جنب عمود و بدات اكنسها و بقول هو التراب ده انا اللى حطيته كده و لقيت شبشب شكله قديم و بقول لنفسي مين جاب ده هنا و قلت يمكن انا اللى جبته ...شكرا