تفسير احلام يوم الاثنين الموافق 7\31 ان شاء الله

1
السلام عليكم. امبارح العصر حلمت انا ماما الله يرحمها كانت نايمه على سرير المفروض انه في الحلم سريري..السرير ده كان معدن مش خشب وليه ظهر عالي شويه...المهم هي كانت نايمه وصوابع ايدها اليمين مربوطين بحاجه بيضاء. وكان متعلق وراها على عمود السرير كيس بلاستك فيه ميه..حطت ايدها اللي مربوطه دي وكأنها فيها جرح او اصابه وقعدت تبلبط وتقلب في الميه شويه وبعدين اخدت حبه وشربتهم ورجعت تاني نامت. وشويه وراحت تافاهم وبقيت المايه نازله من بقها وهيها نايمه على المخده ..مايه كتير من بقها وهو مقفول..وانا كنت مضايقه لان في الحلم ده كان سريري ..لسه هاكلمها او انبهها ليه بتعمل كده...ببص عليها لقيت حوالين فمها داير مايدور اسود..وتذكرت في الحلم انها محروقه بطرطشه زيت فتراجعت عن الكلام معاها  وسكت عن العتاب...وخلص الحلم ع كده. 


ومن كام يوم شوفت ماما بس كانت زعلانه بس مش عارفه من ايه..بس كانت رفيعه قوي وهي في الحقيقه كانت تخينه...في الحلم ده مره واحده لقيتها خدت وضعيه وكانها قطه او كلب..يعني شكل حيوان ع اربع رجول..وراحت عامله حمام براز. وشفت البراز وهو بينزل منها كتله ع بعضها...

انا انسه غير مرتبطه..الفترة دي بعاني من بعض المشاكل الصحيه..ودايما قلقانه وحزينه وتعبانه

حلمت بابنت اختي الصغيره طالعه للسطوح والباب كان مقفل واستغربت كيف دخلت والباب مقفل فقلت يمكن الخادمه فتحت لها الباب ومشيت وراها وراحت لغرفه الخادمة واخذت بنت اختي ونزلت تحت للبيت وحكيت لامي القصه فقالت لي ان هذه البيت فيه ( بلا ) وقالت انا راح انقل من البيت دا وفي نفس الحلم اقول لامي اني تحلمت في مقابر قلت لها ما معناه قالت المقابر تخلي الشياطين يجتهدون في اعمالهم انتهى
الخادمة التي بالحلم لم تعد موجوده بالمنزل

ثاني حلم اشوف انا واختي الكبيره نأكل رز ولحم

انا طالبه بالمرحله الثانويه اختي الكبيره متزوجة ولديها اطفال وعندي اخت ثانيه مطلقه ليس لديها اطفال انتهى .

الحلم 3

السلام عليكم ورحمة الله انا من يومين بعد الفجر حلمت اني ماشية في مكان وآخره طريقين ولقيت واحدة مسكتني من ايدى وقالتلي تعالي من هنا المكان ده كان منور وكان في آخره قرصين كبار شبه الشمس والقمر والمكان ده واسع وطويل وبتطلعي فيه علي سلالم وطول ما انا طالعة في اكل زى سندوتشات وباخد منها وظهرلي واحد متقدملي حاليا في المكان ده ومامته موجودة وباباه ووالدتي وخالتي كمان وكان بيبصلي ويقولي اني آكل وكنت باكل فعلا وظهرلي من بعيد في اول الطريق أطفال كتير اوى دخلوا عند اول المكان وللعلم انا مطلقة وعندى ولدين وكان ولد منهم معايا في الحلم وبياكل معايا

الحلم رقم 5
احنا عندنا في ضهر البيت جنينه خلفيه بس مش مزروعه. حلمت انى واقفه عندها ولقيت اكتر من هدهد واقفين ع الارض وبينقروا في حاجه زي قشره شمامه ناشفه كان باين قوي رسمه التجاعيد اللي بتبق في القشره او شبهها يعني..قشره بس من غير لحم. وكانوا اكتر من هدهد بس مش عارفه عددهم وكلهم قدامهم نفس شكل القطعه بياكلوا او بينقروا فيها وحتي لما مشيت وسطهم ما اتحركوش رفعوا راسهم ورجعوا كملوا اكل تاني. بس ارض الجنينه كان فيها نجيله مكنتش فاضيه زي الحقيقه.
انا انسه

رقم 6 ..حلمت انى بتكلم مع واحدة بس مش عارفة مين و بقولها ليه مش عايزة تروحى تباركى لها ..مش عارفة كنت اقصد مين إللى المفروض نبارك لها...و لقيت قدامى مشابك غسيل خشب زى محطوطة فوق قماشة و انا مسكت القماش علشان اشيل المشابك بيها ..و لقيت المشابك تقيلة و لقيت مشبك كبير فى وسط المشابك ل و قلت هو ده إللى عامل تقل و احسن اشيله علشان الوزن يخف ...مش فاكرة شيلته ولا لا ..و اعتقد كان فيه مشبك او أكتر حجمهم كبير كمان زيه و بقية المشابك حجمهم اصغر ...شكرا

حلم 7

انا حلمت اني كنت انا واختي وجوزها عايمين ف النيل ومكناش عارفين نطلع بس الميه كانت هاديه وكنا بليل وكنا لفوق مع ان النيل عميق يعني المفروض اننا ننزل لتحت بس لا احنا الميه كانت مخليانا فوق كأننا علي شط بحر مثلا هما كانو هاديين شويه ومش خايفين اوي لانه ف الحقيقه هما مش بيخافو من الميه بس انا كنت خايفه جدا عشان ف الحقيقه عندي فوبيا من مية البحر او النيل وكنا بندور علي رقم حد نتصل بيه يطلعنا معرفش ازاي لقينا واحده ست معديه خدنا منها رقم حد وكنت انا اللي بكتب الرقم ف الورقه وغالبا اسمو احمد حاجه

حلم 8
حلمت اني في مستشفى وبابا تعبان وزي ما يكون في العمليات او في الرعاية. يعني في مكان غير اللي انا والناس اللي معاي كنا فيه. وبعدين الباب انفتح وخرج بابا نايم ع التروللي بتاع العمليات. وعيونه الاتنين متغطين. وادخلوه غرفه عاديه واناموه ع سرير بالغرفه.وانا اول ما شوفته خارج من العمليات جريت عليه ودخلت وراه الاوضه وكنت مفزوعه عشانه.

انا قلقانه عليه وبالذات انه بقاله فتره يبق نايم وتلاقيه يصرخ وهو نايم..ولما سالته قال بيشوف يا اما ناس او حيوانات مفترسه بتجري وراه وعايزة تاذيه..دايما الاحلام دي اللي بتتكرر وياه.

ةلسلام عليكم حلمت اني واقفة قدام مركز البريد و كان مغلق و كان واقف وراءي رجل اعرفه و على يميني امراة اعرفها اسمها يمينة هي في الاصل عجوزة بس في الحلم شفتها اصغر بكثير وحلوة لابسة خمار اببض و حجاب رمادي كلنا كنا بنستنى المركز يفتح علشان ناخد الراتب و كان قدامي كمان بنت صغيرة عمرها حوالي ست شهور بتلعب . انسة . استخارة زواج من الشخص الي واقف وراءي

١٠
حلمت خير الله ما اجعله خير ان جوزى جايب غساله اطباق وانا فرحت بيها اوى وقلتله الله منين جبتها قالى انا واخدها من واحد صحبى و يجب بها قلتله الله دى جميله اوى شايفه واحدة عدد اطباق اد ايه وفضلت احطت فيها المواعين وبعد كده حطيت علب لبن ابنى وعلب مليانه لبن بودرة وبفضيها وبقول بص اللبن علشان الولا محسود وبعد كده شغلتها وقلتله عايزين زيها قالى ب٧الاف جنيه قلتله خلاص نشارك بعض انا ٣وانت اتنين ونجبها و وافق ةفرحت على كده وخلص الحلم 
ابنى كان بيعانى من دور تعب جامد وخف الحمد الله 
بعانى انا جوزى من سكن ضيق وجيران وحشه ونفسنا ننقل مكان تانى

الحلم 12
جلمت اني عند ماما وشفت 3 بقرات متوسطين في الحجم وبسال ماما اية دول قالت لي باباكي جايبهم من وهما صغيرين وبيربيهم عشان يدبحهم في العيد وهايطلعهم فوق  علي السطح لغاية العيد فرحت وقلت لها جميل انا عايزة الكرشة والممبار والكبدة واخويا الله يرحمة كان قاعد وبيضحك وجوزى طلب حتة لحمة مخصوص من البقرة  


وخلمت اني دخلت مطبخي لقيت حماتي باعتة لي حلتين كبار كشري اصفر وطبق كمان وحلة فيها باذنجان محمر وانا استغربت وبسال جوزى هي بعتة كل دة لية

حلمت اني اكل حبه تمر طعمها كان حلو بعدها شفت كرتون مليان بالتمور انتهى مطلقه ليس لدي ابناء