تفسير احلام يوم الاثنين الموافق 2\2 ا ن شاء الله

اختى متزوجه فى الحقيقه هى فارشه سجاده صلاه فى مكان دايم ودائما تتركها مفروشه 

هى حلمت ان زوجها ترك لها سجاده الصلاه وفرش بجانبها سجاده اخرى يصلى عليها بيصلى

 على سجاده بجوارها 

الحلم رقم ٣ 
انا حلمت اني مع ماما و اخويا في شقه كبيره اوي و غرسها جميل جداً و كان سبب شراء الشقه دي خالي عشان ماما كانت حالتها النفسيه وحشه جداً في الحلم و بعدين ماما كانت عايزه تدخل الحمام فأنا وديتها الأوضه بتاعتي و كان فيها حمام منفصل 
ماما فعلا حالتها النفسيه وحشه جداً و في مشاكل مع خالي الي انا حلمت بيه 
و انا انسه 
شكرًا 

حلمت انى متواجده فى غرفه مع اخى و حماه اختى زى ما نكون فى السعوديه وحصل حوار بينى وبين اخى لا اتذكره و بعدها قولت انى هستعد هتنظر صلاه الفجر وهصليها فى الحرم انسه

وفى نفسى الليله حلمت انى بشترى بنجر كان ثمنه 12 جنيه ولكن لانى نقيته من القفص ف صاحبه البنجر دفعتنى 17 جنيه 

bent misr كتب:

انا انسة محجبة و بصلي الحمد لله
الاشخاص المرتبطة بالحلم: عمتي و ديه كانت عايزاني لأبنها بس هما ناس مش كويسة و هو اقل مني في التعليم بس هو خطب و قرب يتجوز و هي من النوع اللي بيضايقني بالكلام عشان لسة النصيب و هي كانت جايبالي عريس قبل كده بس مش مناسب
الاماكن المرتبطة بالحلم : احنا عندنا ارض في اسكندرية في منطقة اسمها الكنج نبيع شقتنا و نبني فيها او نبيعها لسة محتارين

الحلم: حلمت ان احنا عزلنا في بيت جديد اوسع و اكبر من بيتنا و معمول سراميك و عفش فخم و كان دور ارضي في الناحية الخلفية من البيت في بركة زي ما تكون على منور نازلة لتحت  مليانة زبالة و تحس ان المكان مهجور و الناحية الامامية من البيت شارع مزدحم جدا   و كان بيت من غير اسوار تحمينا من اي حاجة بس في الحلم اول مرة اشوف في حياتي البيت ده بس في الحلم قال يعني البيت ده بابا شاريه من زمان  و كان مخبيه عننا لوقت عوزة المهم انا قلت المكان ممل اوي بس مش مهم المهم عزلنا من شقتنا ديه و كنت قاعدة على كنبة الانتريه و ممدة رجلي و شكلي كان حلو اوي بس خدودي عالية لدرجة انها مضيقة عيني بس شكلي كان لزيز و بشرتي كانت ناعمة و صافية و بيضا و كنت لابسة طرحة مشجرة   و كان قاعد تحت رجلي ابن عمتي ده شكلة وحش و قاعد موطي ظهرة و مستكين و بياض بتاع عينه فيه حتة بني كده و عمال يقنعني اني اتجوزه و انا عمالة اتنك عليه و هو يستكين اكتر و بما ان البيت من غير سور و احنا قاعدين كلاب لونها ابيض في اسود داخلة طالعة كانو ثلاث كلاب  قمت طالعة لبابا كان في الشارع الزحمة ده قلتله بقولك ايه الكلاب دي خطر علينا مشينا من البيت ده قالي اعمل ايه طيب قلتله بيع البيت ده و بثمنه نبيني في ارضنا في الكنج البيت هناك امان و في سور يحمينا المهم اقتنع بفكرتي و دخلنا جوه لاقيت اسرة عمتي كلها موجودة بيقنعوني و بابا رفضه على امل اننا لما ننتقل هناك هيجيي فرصة احسن بس مع العلم كل اسرتها كان شكلهم ضعيف و مشوه
و انا في الحلم جه في بتلي حاجة قالت لي لازم ماما نجيه تفسرهولك

نهر الحياه كتب:

اختى متزوجه فى الحقيقه هى فارشه سجاده صلاه فى مكان دايم ودائما تتركها مفروشه 

هى حلمت ان زوجها ترك لها سجاده الصلاه وفرش بجانبها سجاده اخرى يصلى عليها بيصلى

 على سجاده بجوارها 

toto كتب:

الحلم رقم 3

حلمت ان كان عندنا ولدين صغيرين مسيحيين وهما فى الحقيقة اولاد الجيران واحد منهم عنده مشكلة فى النطق مش بيعرف ينطق الكلام  وهو كان كده كمان فى الحلم وانا ووالدتى كنا قاعدين معاهم فوالدتى كانت بتجيبلهم ساندوتشات محشية شيكولاتة وهما اكلوا منها وكانوا مبسوطين اوى والولد اللى مبيعرفش ينطق عمل اشارة بإيده معناها انه بيشكرنا على الاكل 

معلش فى حلم تانى حلمت ان اخويا قالى تعالى معايا وكان ماسك فى ايده شاكوش وانا رحت معاه ودخلنا الاوضة واخويا ضرب البلاط بالشاكوش علشان كان عايز يشوف ايه اللى تحت البلاط فلما بص شاف بلاط تحت البلاط فأنا قلت له ده اكيد البلاط القديم 

انا آنسة وحالتى الدينية متوسطة

اخويا عازب

Aya Ahmed كتب:

الحلم رقم ٣ 
انا حلمت اني مع ماما و اخويا في شقه كبيره اوي و غرسها جميل جداً و كان سبب شراء الشقه دي خالي عشان ماما كانت حالتها النفسيه وحشه جداً في الحلم و بعدين ماما كانت عايزه تدخل الحمام فأنا وديتها الأوضه بتاعتي و كان فيها حمام منفصل 
ماما فعلا حالتها النفسيه وحشه جداً و في مشاكل مع خالي الي انا حلمت بيه 
و انا انسه 
شكرًا 

سوسي موون كتب:

الحلم رقم ٤
السلام عليكم يا ماما انا حلمت خير اللهم اجعله خير يارب اني كنت ماشية ف الشارع ولاقيت دبلة دهب تشبه دبلتي بالظبط بس مقاسها كبير اوي يعني مقاس رجالي اخدتها ومسكتها حاولت اقرا المكتوب عليها اي اسم او حاجة ماعرفتيش لبستها فىايدي الشمال ورغم انها كانت كبيرة جت ع مقاسي ودبلتي الحقيقة بتاعت جوازي كانت ف اليمين وانا فرحانة اوي بالدبل
انتهى الحلم
انا متزوجة من ١٠ شهور وحالتنا الدينية متوسطة انا وزوجي ولسه ربنا مش بشرنا بالحمل

sa_ra كتب:

الحلم رقم 6

ماما انا حلمت ان اخويا جايب كيسين كبار فيهم سوداني متغطي بالشكولاته اخدت واحد فيهم اكل منه كان حلو جدا و كان جايب كيس ورق جواه قطع تورته بس كبيره و متغطيه مكعبات شكولاته .. بقوله ايه يابني كل ده قالي ده من صحابي اللي في السجن .. بس

انا متوسطه التدين متجوزه عندي ولد
اخويا عنده 23 سنه اعزب اشتغل من شهر كده

ميمى كتب:

حلم 7

اختى حلمت ان اسنانها الامامية السفلى كان فيها بقايا اكل

اختى انسة

أثق بالله كتب:

الحلم رقم 8
السلام عليكم ورحمة الله وبركاتة 
امى حلمت انى بتجوز وانى فرحانة جداااااا اوووووى ولبسة فستان الفرح وحولية لمة وهيصة وناس وبتجوز واحد بحبة وهو بيحبنى وعايزنى وهو كان هيتجوز وحدة تانى بس مقدرش يتجوز حد غيرى وسابها ورجعلى وهو عايزنى انا بس مش ظاهر الشخص دة مين 
انا متجوزة ومعاية ولدين وبنت

♥براءة عشق♥ كتب:

حلم9
السلام عليكم ورحمة الله وبركاته 
فى حلم يتكرر معايا على فترات وبحلم بالسلالم وفى كل مرا بيختلف يعنى مرات سلالم مدرسه ومرات تكون مبنى كبير زي شركه ومرا يكون سلم عماره وبتختلف حالته كل مرا يعنى مرات تكون حالته جيده جدا ونضيف وبيلمع وفخم ومرات يكون عادي ومرات يكون ضيق يعنى يطلع عليه شخص واحد مش اتنين او تلاته جنب بعض واحيانا يكون متكسر واوقات يكون كويس واخر حلم حلمته كان سلالم عماره لناس معرفهمش فالبنت قالتلي تعالي اتفضلي عندنا ولما طلعت معاها كانت السلالم عادي لكن كل ما اطلع دور الاقي السلالم بتتهز انا قلقت قولتلها هى هتقع قالتلي لا هى كدا وفضلت طالعه لحد ما السلالم بدات تتمط زي الاستك استغربت جدااااا ومكنتش عرفه اكمل طلوع وقلقانه ان يقع او يتقطع لانه عامل زي الملاهى بينزل بيا كل ما احط رجلي وكان فاضل كم سلمه وادخل باب الشقه والبنت كانت مستنيانى وباب الشقه كان مفتوح وكان عندهم ضيوف قولتلها وانا هدخل ازاى فالزحمه دي وهتقوليلهم مين عليا انا 
انا انسه 22سنه
حالتى الدينيه متوسطه
شكرا جزيلا وبارك الله فيكي غاليتى

toto كتب:

الحلم رقم 10

حلمت ان اختى قالتلى ان الست اللى هتساعدنا فى حل المشكلة هتعمل عملية الاول وبعد كده هتحل المشكلة بتاعتنا قولتلها هى هتعمل عملية ايه قالتلى معرفش فأنا استغربت لان الست كانت كويسة ومش بتعانى من حاجة وفجأة تقول انها هتعمل عملية ومضطرة تأجل مساعدتنا وتخليها بعد العملية بس قالت انها مش هتاخد وقت هما كام يوم وهتخرج من المستشفى فأنا قلت طالما كام يوم يبقى عملية بسيطة بس كنت قلقانة يحصلها حاجة بعد العملية ومتقدرش تساعدنا  فى الحقيقة احنا فعلا فى ست المفروض انها هتساعدنا فى حل مشكلة 

انا انسة وحالتى الدينية متوسطة

sweetheart كتب:

الحلم رقم 12 
السلام عليكم يا ماما انا فى الحقيقه عارضه عربيتى للبيع وهجيب عربيه غيرها وكمان فى الحقيقه عربيتى ليها مفتاحين يعنى عامله لها مفاتيح استبن غير مفاتحيها الاصليه 
حلمت بان فى حد سرق مفاتيح عربيتى ما سرقهاش هى نفسها وبعدين كان فى حاجه مميزه فى العربيه مش فاكره ايه هى اختراع مثلا او حاجه بس محدش يعرفها غيرى وكنت محتاره جدا وهموت واعرف مين اللى سرق مفاتيحى العربيه لانه بكدا ممكن يسرق عربيتى بكل سهوله فاللى حصل بقى انى رحت مؤتمر وكان فى واحد تقريبا شيف من اللى بيطبخوا فى المطبخ كان هو اللى بيخطب فى الناس وواقف على منصه عاليه وهو كان بيتكلم عن الحاجه المميزه اللى كانت فى عربيتى فعرفت ان هو اللى سرق مفاتيحى لان مستحيل حد يعرف الحاجات دى من غير ما يكون دخل العربيه وقلت هو دا اللى سرق مفاتيحى وخلص الحلم على كدا 




تانى رؤيا بقى انا ليا زميله ليا فى المدرسه اسمها فيفيان اتجوزت ولسه مخلفه جديد ولد وحاليا فى ايطاليا فيفيان فى الحقيقيه اشترت قميص نوم ابيض طويل عشان ليلة دخلتها انا ما شفتوش فى الحقيقه بس حلمت بيها بتقولى انها خلاص مش هتلبسه تانى وكانت عاوزه تديهولى وكنت شايفاه فى الحلم قميص نوم ابيض طويل  ومش فاكره انا اخده ولا لاء ,,,يبقى تقريبا يا ماما معناه انى هتجوز واحد كان متجوز قبل كدا صح ؟
على فكره الرؤيتين كانوا فى نفس الحلم 

انا انسه عمرى 32 سنه والرؤيا قبل الفجر وانا مش مرتبطه ولا مخطوبه ومش فارق اوى موضوع الجواز دا  

نهر الحياه كتب:

حلمت انى متواجده فى غرفه مع اخى و حماه اختى زى ما نكون فى السعوديه وحصل حوار بينى وبين اخى لا اتذكره و بعدها قولت انى هستعد هتنظر صلاه الفجر وهصليها فى الحرم انسه

وفى نفسى الليله حلمت انى بشترى بنجر كان ثمنه 12 جنيه ولكن لانى نقيته من القفص ف صاحبه البنجر دفعتنى 17 جنيه 

kokoadam كتب:

الحلم 13

حلمت اني عند ماما وبتفتح اوضة اخويا الله يرحمة لقيتة قاعد علي السرير واتلبخ اول مافتحت قالت لة هاوارب الباب واتعدل وببص لقيتة فرحت قعدت اعملة باي واضحكلة وهو يضحك لي وفجأة لقيتة صغر حوالي في الثانوي ووشة اسمر قعدت اعيط واستخبيت في اوضة بابا وقلت لماما هو وشة اغمق لية انا خايفة علية لا يكون فية حاجة ماما قالت لي لا هو كويس وخفت قوي وجيت انزل جري من الشقة ماما شدتني من الاسدال زعقت لها قام طالع من الشباك وزعق لي جامد جدا ويقولي ماحدش يزعل ماما ويحدفني بحاجات بس لما توصلني الاقيها مناديل ونزلت تحت في شقة اختي وبرضة بيحدفني ودخلت عند اختي لقيت جوزها رجع من السفر سلمت علية

مع العلم ان عمري مازعلت ماما ولا اخويا الله يرحمة بس زعلانة مع اخويا الكبير ومابكلموش

بسنت محمد عبد المنعم كتب:

الحلم 14

صاحبتى حلمت ان كانت رايحة فرح وبتجهز للفرح ولبست جيبه بيضا وشال ابيض وبلوزة ابيض فيها ورد بمبى وطرحة بيضا وهى مش من عادتها اللبس دا وكانت جميلة اوى وجت عندى تلبس وتورينى اللبس وحطت ميكب خفيف وكانت حلوة اوى وبعدين صحيت على وقت الشروق

  السن 21

انسة

رودي طه كتب:

حلم 15
رايت خير اللهم اجعله خير ان ماما واقفة في مكان بيبع هدوم وهي اللي بتبيع بس مش محل مكان زي في معرض والهدوم متعلقة ومكويةوانا كان عاجبني جيبة جينس مكوية ومتعلقة وانا كنت عايزاها راحت ماما ادتني جيبة سمني مش عجباني اوي بس قلت مش مهم اقيسها ولو معجبتنيش اخد الجينز هي موجودة
وكان يوم جمعة ووقت الصلاة ده في الحلم رحت اقيس انا واتنين صحابي واحدة اسمها اماني والتانية احلام ودخلت كشك بيبع عيش علشان اقيس فيه ودخلت علشان اقيس وهما واقفين برة لما لبست نصها اليمين ولسه الشمال لقتهم فتحوا باب الكشك عليا بس محدش شافني الا واحد شاب اصغر مني بس مشفش اوي وقلت لهم اقفلوا الباب
انسة
اعمل معلمة