تفسير احلام يوم الجمعة الموافق 1\29 ان شاء الله

حلم رقم ٦ 

انا حلمت ان في واحده قريبه ماما منا بنزورها و كان ليها ابن شاب وواقف في محل بيبيع بقوله انت في كليه ايه قالي طب قولتله طيب سايب كليتك ليه قالي عشان امشي شغل والدي قولتله لا كمل دراستك و شغل التجاره حد تاني يمسكه و الشاب ده كان طويل ووسيم و عرفت انه كبير في السن بس متعطل بسبب الشغل وبعدين ركبت عربيه مع والدتي و قريبتهادي  هي كانت راكبه قدام جمبها و كان معانا ولد كمان عنده ١٤ سنه تقريبا و بقولها يا طنط احنا رايحين فين قالتلي مسجد التنعيم و كانت هي لابسه جيبه حمرا كانت عاجباني اوي فلقيتها قلعتها و ادتهالي و نزلت هي وماما راحو المسجد و انا لبست الجيبه مسجد التنعيم ده مسجد في مكه الي بنروح نصلي فيه قبل العمره 

حلمت حلم طويل بس جزء منه انى بستحم استحمام بصابونه ولقطه ثانيه انى واقفه مع والدتى بتقبض المعاش وانا واقفة لاحظت انى

 بدون حجاب فكان حول رقبتى ايشارب ساده بندانه لبستها على شعرى انسه

sweetheart كتب:

حضرتك ما فستريش الحلم دا فى الموضوع اللى فات  الحلم رقم 6 انا حلمت حلمين يا ماما فى يومين ورا بعض اول حلم حلمت ان فى بنتين جيرانا هم مش متجوزين فى الحقيقه انما هم مخطوبين حلمت ان النهارده فرحهم وكانوا لابسين عرايس هم الاتنين وطالعين من بيتهم بس فى يوم فرحهم مامتهم ماتت وكنت عماله اقول ياترى هتصرفوا ازاى وتقريبا باباهم بيقول انه هيخليهم يروحوا على بيتهم على طول بدون فرح عشان وفاة مامتهم بس تقريبا كنت سامعة صوت زعاريد برضه  الحلم التانى بقى  حلمت ان انا لابسه فستان فرح بس لا شفت فرح ولا عريس وحتى موسيقى كنت لابسه فستان فرح وكنت لابسه طرحه بس كنت بشعرى وكان طويل واسود بس كان شكلى متغير كنت خاسه وانا اصلا مليانه وشكلى كله كان متغير كانى ببص على واحده تانى بس كنت انا  انا انسه وعمرى 33 سنه ومش متجوزه ولا مخطوبه ومش فارق معايا موضوع الجواز دا اوى قد ما فارق معايا انا هتجوز مين وعلى فكره انا كنت مخطوبه قبل كدا وفسختها وكان وحش جدااااا وربنا نجانى الحمد لله

رودي طه كتب:

حلم 2
حلمت خير اللهم اجعله خير ان  انا جبت النتيجة ع ما اعتقد بتاعة الجامعة وجبت تقدير جيد وكنت مبسوطة جدا جدا جدا جدابالتقدير ده وماما كانت موجودة وكان في راجل كبير شوية بيقولي ان كان في مادة هاسقط فيها بس عديت الحند لله وقالي في مادة كنت هاجيب فيها درجة احسن من كده بس لو كنت حفظت سور الدين
وفنفس الحلم رايت مبخرتين وجواهم فلوس فضة بس بتاعة زمان وبطلعهم من ضلفتي اللي في المدرسة فعرفت ان ماما عملاهم لي حجاب ليا
انسه اعمل معلمة

لجين كتب:

حلم رقم3

حلمت اني واقفة قدام المراية وبحط كريم اساس صار وجهي ابيض يلمع حلو كتير وحطيت مكياج بتجهز للذهاب لعرس ماااعرف لمين اجت اختي الكبيرة ماكانت رايحة معي قلتلها شوفي الفوندتان اللي انا عملاه زي اللي عملاه الفنانة اصالة نصري فعجبها قالتلي بروح معاكي هي كانت واقفة تجهز نفسها وانا قلتلها هو فين اللبس اللي انا رايحة بيه للعرس مافي لبس وماكنت عارفة اصلا شو راح البس وشوية هيك لقينا نفسنا بالعرس سلمنا على مرات خالي نعيمة انا ماشفت عرس ولاشيء بس حاسة بالحلم ان هاد البيت فيه العرس
عازبااااات.

Aya Ahmed كتب:

الحلم رقم ٤ 
انا حلمت ان في عندنا حمامه زي الحمام بتاع الحرم في دولاب المطبخ و بعدين دخلت نفسها في تلبيسه بيضا فرو ،، ماما قالتلي دي كده مش هتعرف تطير قولتلها أحسن بردو عشان متطيرش مني و أخدتها و شيلتها

[ltr]

انا انسه[/ltr]

cappuccino كتب:

حلم ٥ ماما انتى مفرتيش الحلم ده من موضوع امبارح ياريت لو شر متفسريهوش ياماما ازيك ياماما نجية يارب تكونى بخير عاملة ايه فى الجو ده ياحبببتي حلمت خير يارب ياماما ان فى حد اسمة عمرو ومامته جايين لينا البيت وانا مش عايزاهم يشوفوني والباب بيخبط فنزلت افتح لهم وقولتلهم هفتح بس متدخلوش على طول قام بابا جه كمان وسلمت عليه وقالى هاتيلي اللوحة عشان يلعبوا شطرنج يعني قولتله انت فتحت وشافوني وسالته اللوحة فين قالى على الترابيزة ورا الباب ب ملقتش غير فاتورة مكتوب فيها حاجة واحدة بس بس مش اخدت بالى من اللى فيها لانى مستعجلة وعايزة اطلع بسرعة قبل ما طنط تدخل وادتهاله ولقيت مرات بابا دخلت وبتسلم عليه وباسته وهو رافع راسه عنها ومش عايز يسلم عليها وهى شكلها زعلان وشافتنى وانا طلعت جرى قبل ما طنط مامة عمرو تشوفني بس لمحتها داخله وزي ماتكون شبه واحدة صاحبة ماما الله يرحمها لما طلعت فوق لقيت البلكونات مفتوحة والشقة منورة اوي وشوفت الفازة فيها الورد البمبي ولقيت عمرو ده فى اوضتي وكان شايل كيسين كبار حاطهم فى الصالة وواقف قدام سريرى وبيتفرج على الاوضة وبصيت فى الكيسين لقيتهم كلهم رفايع مطبخ والزينة اللى بتتحط على التلاجة وشكلهم حلو اوى وكنت فرحانة  مرات بابا فى مشاكل وبابا مش مرتاح ومش عايزها وهى سابت البيت من نفسها عمرو ومامته انا معرفهمش بس فى حياتى انا بحس انهم ناس موجودين يعني فى خيالى كده لكن ملهمش واقع فى الحقيقة معرفش بقى ده جنان منى ولا ايه ههههه يارب يكون خير ياماما

Aya Ahmed كتب:

حلم رقم ٦ 

انا حلمت ان في واحده قريبه ماما منا بنزورها و كان ليها ابن شاب وواقف في محل بيبيع بقوله انت في كليه ايه قالي طب قولتله طيب سايب كليتك ليه قالي عشان امشي شغل والدي قولتله لا كمل دراستك و شغل التجاره حد تاني يمسكه و الشاب ده كان طويل ووسيم و عرفت انه كبير في السن بس متعطل بسبب الشغل وبعدين ركبت عربيه مع والدتي و قريبتهادي  هي كانت راكبه قدام جمبها و كان معانا ولد كمان عنده ١٤ سنه تقريبا و بقولها يا طنط احنا رايحين فين قالتلي مسجد التنعيم و كانت هي لابسه جيبه حمرا كانت عاجباني اوي فلقيتها قلعتها و ادتهالي و نزلت هي وماما راحو المسجد و انا لبست الجيبه مسجد التنعيم ده مسجد في مكه الي بنروح نصلي فيه قبل العمره 

انا انسه شكرًا جزيلا 

راجية عفو الرحمن كتب:

حلم رقم 7

ماما انا حلمت كانى كنت فى امتحان جبر وبعدين المفروض انى خلصت بس كان لسه فى وقت فى الامتحان وطلعت من اللجنة رحت لعند ابن خالتى على اساس انى حقعد شوية وارجع قبل الامتحان مايخلص وكان معايا واحدة كمان مش فاكرة مين فكانت مراته بتاخد دش وقعد عمال يشكلنا انه عنده مشاكل فى شغله وفى حياته فقالى انه عايز يخرج فقولتله ماشى وبعدين رحت اللجنة لقيت الوقت خلص ولم الورق وقعدت ادور على مكانى مش لاقياه ومش لاقيه الورقة بتاعتى وفضلت اعيط وقعدت اقول طب الراجل خدها ولا لا واساله قالى معرفش وبعدين لقيت فى سؤالين كمان مكنتش حلاهم ومخدتش بالى منهم ولقيت واحدة معيدة وقولتلها مش عارفة اخد ورقتى ولا لا قالتلى هو لم كل الورق بس مش حنعرف غير بعد النتيجة

انا انسه 29 سنة ابن خالتى متزوج فعلا وفى مشاكل فى شغله ومع مراته وساعات بيحكيلنا

toto كتب:

الحلم رقم 8

حلمت ان اختى طبخت مكرونة اسباجتى بالصلصة وبعد ما خلصت راحت حطت الحلة بتاعت المكرونة بالصلصة تحت الحوض اللى فى المطبخ وبعدين والدتى دخلت المطبخ وقالت مين اللى عمل مكرونة بالصلصة وحطها تحت الحوض  فأنا قلت لها اختى ركنتها تحت الحوض علشان لو حد عاوز يأكل منها يأكل

فوالدتى قالت دى علامة معناها ان فى حد هيساعدنا فى حل مشكلة وخلص الحلم احنا فعلا فى مشكلة مش عارفين حلها

معلش فى حلم تانى بقالى يومين بحلم بشخصيات اعرفهم اسمهم هيثم اول مرة حلمت مدرس اسمه هيثم وكان بيتكلم فى موضوع جواز بنته وتانى مرة حلمت بواحد جارنا اسمه هيثم وانا واخويا كنا رايحين عنده علشان كنا هنتجوز انا وهيثم  وخلص الحلم على كده 

فى الحقيقة المدرس هيثم متزوج وعنده بنت لسه صغيرة وجارنا هيثم متزوج 

انا آنسة وحالتى الدينية متوسطة

sasoloveyou كتب:

حلم رقم 9

انا حلمت اني كنت راكبه اتوبيس انا واخويا وكنا خارجين والمفروض ان جدتي وماما ومرات خالي خارجين معانا وانا واخويا ركبنا قبلهم وكل م يجو يركبو هما السواق يمشي وهما يفضلو يجرو ورانا عشان يلحقونا ومش بيوصلو وحتا لما الدنيا تقف اتحايل علي السواق انا واخويا وهما يفضلو يجرو وميلحقوناش

ميمى كتب:

حلم 10

حلمت انى كنت على السطوح انا وامى وبعدين نزل علينا بغبغاء ابيض او شبه وبعدين اتحول لجدي ابيض وكبير

السن 27 انسه

الحاله الدينيه متوسطه

نهر الحياه كتب:

حلمت حلم طويل بس جزء منه انى بستحم استحمام بصابونه ولقطه ثانيه انى واقفه مع والدتى بتقبض المعاش وانا واقفة لاحظت انى

 بدون حجاب فكان حول رقبتى ايشارب ساده بندانه لبستها على شعرى انسه

ام حسام كتب:

[ندعوك للتسجيل في المنتدى أو التعريف بنفسك لمعاينة هذا الرابط]

الحلم رقم ( ٢) الحلم ده جوزى حلم بيه حلم انه قاعد في بيتنا بس مش اللي قاعدين فيه دلوقتي قاعد في اوضه واسعه ..هو ع كنبة و معاه واحد بس مش فاكر مين و الكنبة اللي هو قاعد عليها مش ساندة ع الحيطة ف في عيال قاعدين يلفوا حواليه اربع عيال بنتين و ولدين ... الولدين دول هو مسك واحد منهم كان اصغر واحد فيهم و بيقول للي قاعد معاه اهو الواد دا اوسخ واحد عندي .... يقصد انه شقي بزيادة و كان في زي شاشه كدا بص عليها شاف زي جدول فيه اسامى العيال و تواريخ ميلادهم و مكان ميلادهم بس هو مكنش شايف غير مكان ميلادهم بيقول اول اتنين في مصر و تاني اتنين برا مصر بس مش فاكر اسم البلد انا متزوجة ومعايا بنت

ام حسام كتب:

لحلم رقم ( ٣ ) الحلم ده اختى اللى حلمته ...حكتبه زى ماهى بعتته حلمت خير اللهم اجعله خير انى لبست النقاب وخرجت بيه واللى ادتنى النقاب مرات خالى اسمها ( وفاء ) ... وخرجت بالنقاب مع واحدة صاحبتى اسمها ( إجلال ) .  انا الحمد لله الحمد لله ملتزمة دينيا ولبسي فضفاض واسع بس مش منتقبة ... متزوجة و معايا ٣ بنات

بوسى 123 كتب:

رقم 10 حلمت انى فى العربية مع جوزى و معانا ست اسمها فاطمة كنت اعرفها من زمان و بعدين جوزى وقف العربية و نزلنا و جوزى و فاطمة كان معاهم اكياس بتاعت كارفور كانهم اشترو حاجات منه و مشيت انا مع فاطمة و كانها ساكنة قريب مننا و بعدين هى شاورت لى على محل و كان فيه زى اوضة سفرة و هى قالتلى لو عايزة حاجة من المحل ده قلتلها لا مش عايزة حاجة من عنده فقالتلى هو ده اللى يجيب لطك شقة او عروسة او عريس لبنتك و مشينا و دخلنا محل تانى و لقيت ست بتتفرج على فستان بمبى سواريه زى بتاع خطوبة مثلا و بعدين مشيت و مااخدتهوش و كان فيه ست تانية زى بتشتغل فى المحل و بتقول ان الست دى كل شوية تشوف فستان و ماتاخدهوش و انها شافت 3 فساتين و سابتهم و انها هتفصل زيهم و بعدين لقيت بنت شابة و شعرها طويل و حلو و لابسة فستان قصير و ماسكة فستان سواريه وحاطاه عليها كانها بتشوفه على جسمها و بعدين لقيت فاطمة ماسكة زى لحاف فيه ورد ملون و هتشتريه و قلت لها ده انا عندى زيه بالضبط

حبيبه قلب احمد كتب:

حلم رقم 4 
ماما انا حلمت اني بنت عمتي عزلت لمكان جديد وهي في الحقيقه فعلا كده بس اللي حلمت بيه مكان مختلف كانه شاليه علئ البحر علئ طول المهم روحت عندها ولاقيت بنلتها الاتنين موجودين وبعدين اختفو ولاقيت نفسي لوحدي انا وابني وكنا في اوضه كبيره وواسعه وليها شبابيك بتطل علئ البحر والاوضه زي البلكونه علئ البحر وداخله جواه المهم لبحر هاج مره واحده ولاقيت الموج عالي جدااااا وشوفته وبقئ يضرب علئ الشبابيك جامد اخدت ابني في حضني وخوفت الاوضه تنزل في البحر ودورت حواليا مالقتش حد خالص وكنت لوحدي وكنت خايفه اوي علئ ابني وعليا بصيت من الشباك في اوضه تانيه بعيده عن البحر لاقيت الناس بتجري وبتستخبئ وان العساكر من الجيش منتشرين وجت طياره هليكوبتر وكنت عايزه اروحلها عشان تنقذني وفضلت اقول الحمد لله ان ابني بخير احمدك يارب وكل خوفي اموت وماحدش ينقذ ابني ولا فيه حد اعرفه وصحيت وانا بحمد ربنا وكنت هاموت من الخوف من شكل البحر والموج