رقم 1
ازيك يا ماما نجية يارب تكوني بخير حلمت اللهم اجعله خير اني في سوق روحت اشتريت اربع ارغفة بلدي وحاجة ساقعة بعدها لقيت نفسي في بيت جدتي القديم والصرف بايظ وفي راجل دخل يصلح الصرف وانا ووالدتي واقفين ع جنب وبعدها ست معرفهاش واقفة بتديتي نصايح ازاي اخلي الهدوم نضيفة ومزهزه زي هدومها وبعدها لقيت نفسي في مركب كبيرة في نهر المركب عليها حفلة كبيرة ولقيت شعري عمال يتساقط في ايدي روحت عملاه الحبة اللي وقعو من شعري قرص دايرة ورمياه في النهر عشان يجري معاه وينمو ويطول تاني ولقيت الست اللي بتديني نصايح بتقولي خدي عناكب حتطيها في شعرك يرجع تاني دي سعرها غالي بنفس سعر الدهب والست دي عندها عناكب كتير بس انا مرضتش قولت حعالجة بالادوية احسن بعدها لقيت نفسي انا وجوزي بنبص لبعض من مرايات وبنبتسم لبعض بس انا شيفاه من مراية وهو شايفني من مراية وشوشنا مش في وشوش بعض هو في اوضة وانا في اوضه جنبه وكل واحد عنده في اوضته شباك في مراية باصص منها ع التاني فشفنا بعض وابتسمنا وامه كانت لابسة بدلة رجالي قديمة ومعندهاش غير حبة شعر ابيض صغيرين كانها قرعة ووشها مكرمش اوي وشكلها عجوز اوي اوي
