تفسير احلام يوم الخميس الموافق 9\17 ان شاء الله

الحلم رقم ١


السلام عليكم ورحمه الله وبركاته

ازيك يا ماما نجيه كل سنه وحضرتك بألف خير وسعاده ياااااااااارب

خالتى حلمت ان اختها بتتجوز ولابسه فستان فرح وجنبها العريس لابس بدله سوده
وخالتى دى بتقولهم ماما فين قالولها ماما تعبت شويه وماتت وقعدت تعيط هى وخالتى العروسه وخالتى التالته كانت معاهم برده


خالتى اللى كانت عروسه فى الحلم كبية ومتجوزة وجوزها عايش

الحلم رقم 2
السلام عليكم ورحمه الله وبركاته
ازيك يا ماما عامله ايه
اختى حلمت خير انها كانت بتلم بيض ولقت بيضه صغيره قالت دى بيضه حمامه وتقريبا كانت بتلم البيض لماما ولمت 3 بيضات وواحده صغيره بس مكنش فى فراخ ولا حاجه فى المكان هيه بس شافت نفسها بتلم بيض
مع العلم ان اختى دى متجوره وعندها ولد وبنت

الحلم رقم ح
السلام عليكم ورحمة الله وبركاتة
انا حلمت حلم اللهم اجعلو خير كان فية احداث كتيييرة فى الاول بس انا مش فكرها دلوقت بس اللى فاكرة منها انى كنت انا ووحد من قريبى مشين وفية ثلاثة كلاب بيجرو ورانا  هى كانت خايفة جداااااوانا قولتلها لا متخفيش دول بس بيجرو كدة ورانا لكن مش هيعضونا قلتلى لا بيقربو منى جامد قولتلها لا متخفيش وبتدو يقربو اكتر منى وفوجت انهم بيهجمو علينا او بمعنى اصح علية انا وكان فيهم كلب صغير عضنى فى رجلى وعلشان انا مكنتش متوقع انهم ممكن يهجمو علينا مخدتش حظرى لكن فوجأت بى الكلب الصغير بيحاول يعضنى تانى وماسك فى رجلى ابتديت احاول اتخلص منو وهو حاطت رجلى فى فمة وبقيت الف وادور بسرعةداااا وانا واقف على رجل وحدة علشان اخلية يقع من رجلى المتشبس بيها فى فمو ومش فاكرة الحلم انتهى على اية بس انا كنت مخضوضة جدااا وصحيت مدايقة جدااااا ومخنوقة 
انا متزوجة وعندى ولدين وبنت

الحلم 4

حلمت باني قاعدة انا وجوزي في شقتنا بس كانت واسعة وكبيرة ولقيت حماتي داخلة عليا وشايلة عيل صغير ومعاها اتنين بنت اخوها وشايلة عيل وواحدة غريبة ومعاها عيل برضة وبنت صغيرة في ايديهم وكأن الغريبة دي زعلانة من حاجة وجاية تشتكي وتتصالح عندي سبتهم ودخلت المطبخ اجيب لهم عصير لقيت سمانة نية قلت اخلي لحمها واعملة شيش طاووق وكان فيها ناحية واحدة من الصدر وجوزي نزل وسابهم وجاي يغير هدومة ف الصالة قلت لة عيب في ناس غريبة وبعدين دخلت اوضة نومي لقيت ماما قاعدة قعدنا ناكل وببص من شباك كأن بيت امي قدامي وهي اصلا بيتها بعيد ولقيت ابراص كتير داخلة بيتهم اتنين قدام شقتها واتنين قدام شقة اختي ولونهم اسود وكبار وببص علي السطح لقيت فية برص حوالي متر واسود قلت لماما انا اتقرفت مش هاكل قالت دا السطح مليان وكل مابوكي يقفل عليهم يطلعو والفراخ اللي مربيهم بياكلوة ويطبخ وانا بتقرف اكل منها قمت بقي امسح التراب وانضف وقالت اسكتي مش الشيخ عبد الحكيم هايروح فرح واختك ممكن تروح ابقي روحي قلت لها لا ...الشيخ دا ميت من زمان قوي. ...انا متزوجة وعندي ولدين

ماما انا حلمت كان اخويا عنده قفص والقفص ده كان كبير زي اوضه وليه باب حديد المهم جواه كان فيه كلاب متوحشه وكنت خايفه علئ اخويا منهم المهم طلع كلبين من القفص وانا لاقيت زي سيخ حديد عامل زي السيف وجم يهجمو عليا فموتهم بالسيف وفجاه لاقيت تمساح كبير اوي وطويل وقولت استحاله اخويا يكون جايبه وكنت خايفه اوي فهجم عليا وغرزت السيخ فيه جامد بكل قوتي فمات واترمئ علئ جنب بس كنت تعبت من الضرب وخايفه ومرعوبه فجاه لاقيت باب القفص اتقفل ولاقيت اخويا جه جوه القفص ومعاه كلب لونه زي رمادي في ازرق وكان كبير كان بيعض في ايد اخويا كانه بيلعب بس انا كنت خايفه علئ اخويا فقالي ماتخافيش ده بيلعب والكلب بيعمل صوت غريب ومخيف 
بس مش بيعض اخويا وانا كنت خايفه عليه اوي ونفسي يمشيه
اخويا لسه مش متجوز هو خاطب 
متدين 
الحمد لله
بيعمل 
بيحضر للجواز

الحلم 8
حلم لواحدة قريبتى
حلمت انها ماشية فى طريق جميل فيه اقمشة حلوة اوى كلها ورد وبعدين فجأة دخلت فى طريق موحش ومهجور ولقت باب زجاج في ناس كتير واقفة جواه
قعدت تخبط عليهم لحد مافتحولها ولقت واحدة قاعدة بتتكلم عن حد قريبها فقالتهم اهو انتو تعرفو قريبي امال مكنتوش راضيين تفتحولى ليه
وبعدين قالت لواحد على طريق هى كانت عايزة تروحه فقالها تخرج من الباب ووصفلها الطريق
خرجت لقيت نفسها تايهة وفى طريق وحش ومش هو ده الطريق اللى رايحاه
وبعدين لقت واحدة ست ومعهاها ولد صغير فحكتلها اللى حصل فالست بصتلها كده وقالتلها هو الراجل اللى جوا الباب الزجاج اللى وصفلك الطريق وقالتها بنبره صوت كده زى ماتكون عارفاه وعارفة انه هيوصفلها طريق غلط
المهم الست قالتلها ترجع تانى للباب الزجاج فرجعت وطلعت منه للطريق الموحش المهجور اللى كانت فيه

صاحبة الحلم عندها 63 سنة زوجها متوفى

الحلم رقم 9

انا حلمت بان محمد جه يخطبني وجه البيت ومعاه تورتة ومعاه صاج زي صاج الكحك بس مكنش كامل ...راح عشان يرجعه ويجيب غيره وبعدين جه ومعاه شنطة فيها مصحفين .. انا اديت لماما المصحف الكبير واخدت انا المصحف الصغير واسلام اخويا كان موجود فلقيته بيطلعلي لسانه وبيقولي انه معاه مصحف احلى وفعلا كان مصحف فيه دهبي كدة وانا انبهرت بيه بعدين مفروض جطينا الاكل عشان ناكل ...وكنت انا بشعري ومحمد كان عمال يبصلي اوي وبعدين دخلت المطبخ عشان اغسل المواعين راح محمد دخل وحضني اوي فانا قعدت ازق فيه وقلتله انت بتعمل ايه ماما واقفة ....بس الحلم خلص

انا محمد ده جه فعلا في الحقيقة واتقرت فاتحتنا وهنلبس الدبل في العيد ان شاء الله