تفسير احلام يوم الاربعاء الموافق 9\15 ان شاء الله

الحلم الاول

صاحبتي حلمت حلم بتقول

حلمت ان جوز بنت خالى بيقولى انا بحبك اوى ومش قادر استغنى عنك وعايز يمسك ايدى وبنت خالى دى انا بحبها اووووى  كل ما اروح مكان يجى ورايا وكان عايز يمسك ايدى وبيقولى انا بحبك

صاحبتي انسة

رقم 2 ..حلمت ان بنتى الكبيرة نايمة فى سرير تقريبا ف مستشفى و المفروض انها ولدت و انا شفت صدرها انه كبير و باقول انه علشان تبدا الرضاعة و جت ممرصة بتبص علي صدر بنتى بس انا غطيته و قلتلها هى هترضع من بدرى علشان اللبن ينزل ..وكان فيه ناس معانا ف اﻻوضة فيه ست كانت جنبنا .

الحلم رقم (٥)
الحلم ده لواحدة صاحبتى 
حلمت ان قابلت واحدة صاحبتي اسمها بسمه هي لسه مش متجوزه شوفتها رايحه الكوافير تتزوق عشان بتقولي فرحي انهارده فعزمتني قولتلها طيب هروح البيت البس والبس العيال واجي وقعدت اقولها اعملي كذا وكذا وهي كانت متزوقه حلو فروحت البيت البس لاقيت البيت كله تراااب ووساخه فقعدت اكنس في البيت وألم في كياس التراب وانضف فيه بس لاقيت الساعه ٩ يعني اتاخرت علي الفرح فقولت معلش هلحق جيت اطلع الطرحه فلقيتها متوسخه فقولت خلاص هغسلها هي والطقم قبل ماروح المهم كنت بتصرف يعني في اللبس ... بس كده 
 انا متزوجة ومعايا ولد وبنت

الحلم رقم (٦)
الحلم ده لواحدة صاحبتى ياماما

جوزي في قضيه اتعملتله ظلم ولسه مخدتش حكم .... 
فحلمت ان في ناس كتير جايين البيت عندنا عشان يتكلموا في المشكله دي وبيقولوا ان السبب في المشكله دي دكتور زميل جوزي كان ماشي قبله بالعربيه يوم مااتمسك وهو الي بلغ عنه ولفقله القضيه فالدكتور ده جه عندنا البيت وغير كلامه يعني قال انا مبلغتش عنه ده انا قولت كلام في صالحه ... فانا قولت ادخل اجيبلهم حاجه يشربوها فقولت انا حطيتلهم قهوه  قبل كده المرادي هدخل اشوف اي حاجه تانيه احطهالهم فلقيت ازازه حاجه ساقعه ففرحت ان في حاجه كده بس كانت سخنه فقولت احطها في التلاجه تسقع فبفتح الفريزر فلاقيت واحده تانيه جوه ساقعه واكبر من التانيه قولت احطها وفرحت خالص كده عندي نوعين وكان في كمان نص واحده مفتوحه بس سخنه بس لاقيت امي جت تبع الناس دي وبابا باين فقولت ادخل اعملها اكل فحطيت سمكتين  اشويهم علي النار عشان ماما تاكلهم وقفلت باب المطبخ عشان الدخان بس باين واحده منهم باظت وهي بتتشوي بطنها انفتح بس وانا بشيلهم اتلمت تاني بس كان واحده زي ملسوعه كده المهم روحت اجيب صواني عشان اقدم الحاجه الساقعه فروحت النيش بفتح النيش لاقيت صواني كتييير انا عندي طقم واحد استلس قطعتين لاقيتهم قطع كتيبير كذا صينيه بكذا حجم ونوع تاني برضه استلس برضه شكلهم حلو واحجام مختلفه فانبسطت قولت هقدملهم كذا واجب وقعدت اشوف الصينيه المناسبه وقولت عندي بلح جايبينه امبارح هحطلهم وانا بجيب الصواني دي فقابلت الدكتور الي مفروض هو الي مبلغ عن جوزي فبقوله انت دفعت كام قالي انتي كام قولتله 2012 قالي انا بقي دفعتي ارخم دفعه في صيدله انا 2003فقولتله بس شكلك صغير خالص ومش فاكره حاجه تاني

الحلم رقم (٧)
حلمت خير اللهم اجعله خير ان احمد اخويا الله يرحمه رجع وقاعدين كلنا فى الاوضة بتاعته فى بيت بابا زى زمان ... فبقول لاحمد تفتكر لو اصحابك عرفوا انك رجعت من الموت حيعملوا ايه قالى اكيد حينبسطو ... فسالنى شيرين مين اكتر واحد من صحابي زعل عليا لما موت ... قولتله
( احمد حسام ) صاحبك مات من بعدك وكمان واحد اسمه شبل ... دول اكتر اتنين زعلوا عليك اوى

معلش يا ماما سفة على احلامى انهارده 
الحلم رقم (٨) 
حلمت خير اللهم اجعله خير انى عرفت ان فيه واحد من صحاب احمد اخويا الله يرحمه بس هو كان اكتر من صاحب بالنسباله اسمه ( احمد ) ... عرفت انه حيتجوز فروحت احضر فرحه ودخلت القاعه لقيت احمد ده قاعد على كوشة هو وعروسته والكوشة كانت على خشبه عاليه فلما لقيته عريس كده عيطت وافتكرت احمد اخويا ... ببص لقيت صحاب اخويا التانيين اللى هما المعازيم قاعدين بياكلو على ترابيزات فعيطت لانهم فى الحلم نسيوا احمد اخويا ...دخلت كده زى مكان لقيت والد احمد العريس ووالدته قاعدين فى مكان مخصوص ليهم عشان هما اهل العريس والده كان جميل انما والدته كانت خاسه اوى ومعجزة وشكلها متغير خالص .. ودخلت اسلم على اخواته لقيت واحده فيهم زى القمر  والتانيه لقيتها طويييلة عكس الحقيقة وشايلة بنت على ايديها وهى فى الحقيقة مخطوبة بس فبقولها مين البنت دى قالتلى دى بنتى ... المهم طلعت عالقاعه لقيت العريس لابس بدلة خضرة وقميص اصفر ولابس كوتشي وواقف ماسك سيجار فى ايده بيشربه ... هو فى الحلم ان رينا وسعها عليه ورزقه بمال كتير بس للاسف هو بعد عن ربنا وعن طاعته .. فانا لما شفته كده عيطت على حاله اللى فى الدنيا وحال اخويا اللى وراه الثري ... اسفه عالاطاله

رقم 9..حلمت انى رحت مكان انا و بنتى الكبيرة و بعدين لقيتنى بالعب مع بنتى الصغيرة و لقيت بنتى الكبيرة ماشية لوحدها و بصيت لقيت جمل جاى يجرى من بعيد و لسه انا باقول عايزة اجيب الموبايل من الشنطة بتاعتى علشان جوزى هيكلمنى ...لقيت الجمل جه و واقف جنب ترابيزة سفرة و بيحط راسه فى شنطة او بيمسكها ..و لقى طبقين صينى يشبهو اطباق عندى فى الحقيقة و بيمسك الطبق ببقه و بعدين يرميه او يوقعه ..انا خفت اروح ادور على شنطتى و فى الحلم انا المفروض فيه شنطتين بتوعنا شنطة ايدى و شنطة فيهاحاجاتنا ...لقيت شنطة على السفرة و بصيت و قلت ﻻ مش دى بتاعتنا ..و لقيت ناس ققاعدين بياكلو على ترابيزة تانية و لقيت ست زى مشرفة عليهم و قلتلها عايزة شنطتى بس الجمل موجود الست ماردتش عليا ....دخلت جوة اشوف بنتى لقيتها فى اوضة دخلت وقفلت الترباس علشان الجمل مايجيش و لقيت سريرين واحد عليه حد نايم متغطى انا حطيت ايدى وعرفت ان حد نايم ..السرير التانى راقدة بنتى الكبيرة عليه و كان شعرها باين شوية و قلتلها ده فيه حد متغطى هنا قالتلى انا عارفة ..شكرا