تفسير احلام يوم الخميس الموافق 9\3 اسن شاء الله

حلم رقم 1
حلمت خير اللهم اجعله خير اني في شقتي اللي اتجوزت فيها وطليقي وبنتي معايا بس كأني هاخد حاجه وهمشي وفي تغير في الشقه البلكونه كبيره والشقه وسعه اخد البنت وبينادي عليا عايز يوريني حاجه فى البلكونه لاقيته عامل عش زي بتاع الحمام بس مربي فيه كتاكيت و رشها متنتف وفي بطرمان جنبه بيقول تعالى خدي ده انا كنت بحسبه دودة لاقيته ثعبان ابيض صغير وفيه خط أزرق وطلعه ومسكه انا خفت وعيطت وسبته وقمت على كده

الحلم رقم ٢
انا حلمت خير اللهم اجعله خير ان بنت خالتي كان معاها شنطة فيها ملابس واحذية زيادة عن حاجتها هتخرجها لله فانا كنت واقفة كنب الشنطة دي ولفت نظري فيها بلوزة وجزمة والجزمة كانت لونها ابيض وجديدةةمش مستخدمة والبلوزة كان لونها موف وشكلها جميل وشيك .. وهي رفضت تتديهمولي غير لما اجيبلها قصادهم قطعتين ملابس وجبتلها بلوزتين قصادهم واخدتهم ... انتهى الحلم

انا متزوجة من ٣ شهور ونصف وحالتي الدينية متوسطة وبنت خالتي متزوجة ولديها طفل وحالتها الدينية متوسطة

لسلام عليكم ورحمة الله وبركاته

ارجو انك تفسريلي حلمي
هو في الاول اللي خلاني افسره او احس انه حلم مش هلوسه ان كان فيه ساعة شروق و كمان كانت بليل
المهم هو في الاول حلمت اني رايحة قلعة قايتباي بتاعت اسكندرية انا واهلي كلهم وكان فيه ناس قدام القلعة فارشين حاجات فا انا روحت عند حد ولقيت فيه بلورة كدا متغطية بحاجة ستالس و الحاجة الاستالس دي فيها فتحة صغيرة عشان تشوف الحاجات اللي جوا فا سألت اللي بيبيع دي بتعمل اية قالي ان اي حاجة انتي بتتمنيها بتحصل.. فا انا كنت مسكاها وركزت اوي في كلامه كدا بس متمنتش حاجة وبعدها دخلت جوا عشان اتمشى فا لقيت رسالة عندي من واحد كنت بحبه وبقالنا سنة ونص منفصلين ولقيته بيكلمني عادي فا انا استغربت و عايزة اشوف الاسم و الايميل قعدت ادور كتير جدا ملقتش حاجة وبعدين افتكرت البلورة فا قعدت اقولهم يلا نطلع برا قبل ما الدنيا تليل عشان اشوف البلورة و كنت بتكلم ومفيش حد مهتم بس هما سامعنني وعمالين يهزو راسهم بس.. فا فضلنا قاعدين ومطلعناش لحد ما الليل ليل قولتلهم احنا مش هنمشي لحد ما الصبح يطلع واشوف البلورة.. وقعدت طول الليل ادور على رقم او ايميل او اي حاجة ملقتش لحد ما طلع الصبح فا جريت على الراجل قولتلو فين البلورة ومسكتها وبلفها كدا من جوا لقيت كواكب كتير و مكتوب عليها نصاً كدا " الاحلام لا تتحقق بالتمني "

ياريت تفسريهولي وشكراً مقدماً

ماما انا حلمت بواحده قريبتي
مامتها جت وقعدت مع حماتي بس كانت قاعده علئ كرسي غريب خشب 
وبنتها كانت قاعده بره في مدخل الباب علئ كنبه خشب وكانت لابسه اسود بنتها وكانت بتعيط بس بسكوت ووشها احمر ومناخيرها اوي
وانا كنت مستغربه انها مش قاعده مع والدتها 
ووالدتها لما نزلت من شقتي وشوفتها قولتلهم سلام عليكم وسلمتوعليها بالايد بس هيا كانت مش طايقاني خالص وحماتي كان وشها في الارض انها مكسوفه مني 
طلعت لقريبتي بره علئ الكنبه الخشب وقعدت في الطرف لاقيتها بتقولي انها هتتطلق

الحلم 5

الحلم دا بخصوص جوزي
حلم انة فتح مخبز كبير وكان هو واقف في الصالة بتاعتة بيبيع كتيروعندة زباين كتير وكأنة صنع صنف جديد شبة الفطيرة كدة وعجب الناس جدا وخلص من كتر ماباع منة فدخل لوالدتة في مكان الخبز وقال لها الصنف دة يااما نوقف خبزة او نعمل منة كمية تكفي الناس الكتير اللي طلباة قالت لة ماتقلقش هاعمل لك كل الكمية ربع ساعة واخلص

ربنا يكرمك ياماما نجية ويجعل تعبك معانا ف ميزان حسناتك

رقم 7..حلمت ان انا و جوزى ماشيين فى مكان مفتوح و كنت ماسكة فى دراعه و لقيت المكان فيه حصنة كتير بس اللى فاكراهم كوبس حصانين ..واحد منهم كان صاحبه زى بيرفعه بايديه لفوق و ينزله ...و حصان تانى السايس بتاعه بيحاول يشده و يمشيه فى اتجاه تانى و الحصان كان باصص ناحيتنا و عايز يمشى ف اتجاه عكس السايس