تفسير احلام يوم السبت الموافق 4\18 ان شاء الله

الحلم رقم1
انا حلمت ان كنت واقفة ف مطبخنا وكنت بروقة عشان ماما كامت نازلة لدكتور فقالتلى ادخلى كملى ترويق المطبخ فانا واقفة ف المطبخ وكان قدامى غسالة بس كانت غسالة عادية بتاعة زمان وكنت بغسل فيها غسيل وخلصت غسيل ونشفتة من المية وطلعتة والغسالة كان فيها زى خرطوم الخرطوم دة بيطلع المية من الغسالة وعن طريق الخرطوم دة فضيت الغسالة من المية على ارضية المطبخ وقولت مية الغسالة دى هتساعد على تنضيف ارضية المطبخ جدا فبابا كان جاى من الشغل وشوية لافيت ابن عمتى جة عندنا وبيقولى ان مامتة اللى هى عمتى هتحصلة وهتيجى عندنا وشوية قولتلة مجتش لية مامتك قالى جتثة بس بتوصل اختها وانا كنت مستغربة ان هو عندنا ومامتة جاية عشان ف خلافات المهم وانا ف المطبخ بابا وماما كانوا معايا ف المطبخ فمرة واحدة لاقيت رجلى الشمال من نحية القدم مولعة نار وانا شايفة النار ف رجلى بس مش حاسة بوجعها فاستغربت وبابا وماما استغربوا وبابا قالى حطيها ف مية بسرعة وفعلا حطتها والنار راحت وشوية لاقيت رجلى بتولع تانى فبابا قال رجلك فيها نار تانى وكان مستغرب قالى حطيها ف المية حطتها وراحت وف الاخر النار راحت من رجلى خالص ومرجعنش تانى

مع العلم ان تحنا ف خلافات مع عماتى كلهم

الحلم رقم 2

انا حلمت ان ميرات اخويا جبتلى فستان فى شنطة احضر بيه فرحها على اخويا وانا مكنتش شوفت شكله اخدته منها وقولتلها شكرا وبعدين جيت البسه لاقيته شكله حلو كان لونة بمبة فى موف بس كبير عليا واتضايقت اوى علشان كان اكس لارج وانا مقاسى صغير قولت هى مش عارفة مقاسى دخلت اقولها لاقيت اخواتها البنتين لابسين فساتين حلوة ولونها ابيض قالتلى خلاص روحى غيريه وهاتى مقاسك وده كله كان قبل الفرح بساعات قولتلها خلاص هاخد اختك اميرة معايا وفعلا اميرة جت معايا ..

انا انسة مش مرتبطة ولا مخطوبة عندى 28 سنة .ملتزمة الحمدلله بالصلاة فى اوقاتها والسنن . اخويا متجوز من شهر 11 وكانت مراته حامل بس محصلش نصيب .. اختها الى جت معايا لسة ف اولى كليه وهى خريجة ازهر

انا انسةمتوسة التدين
حلمت ان بقى عندي خاتم و غويشتين  ذهب و كنت فرحانة بيهم اوي و عملة البسهم و اقلعهم و احطهم في العلبة بتاعتهم الجديدة  و كان الخاتم فرحاة بيه اوي و فيه فصوص الوان و الغوايش شبه بتاعت ماما بس فيها اختلاف في حتة فيها ماكنش عاجبني الاختلاف ده بس قلت اهي حلوة مش وحشة و كنت خايفة ان مرات اخويا تحسدهم رغم انها ماكنتش موجودة  بس كانت جاية في السكة المهم قلت اشيلهم في الدولاب لاقيت ماما حاطة علبة دهبها  و علبة دهبي في حرف الدولاب علبة ماما كانت  مفتوحة و مكشوفة و مقطوعة حبة من ورا بس قلت يا ماما انتي ازاي حاطها الدهب كده افرضي مرات اخويا دي جت و سرقتهم المهم قلت احط دهبي على دهب ماما في العلبة الجديدة بس مانفعش عشان علبتي صغيرة المهم حطيت كل واحد في علبته  و خبيتهم

6
ماما حلمت ان خطيبي هيسبني وانا عمالة اعيط وفضلت تقولي انا قولتلك اتجوزي حد من العيلة متخديش غريب
وخلص الحلم علي كدة مع العلم اني مخطوبة من شهر وعندنا مشكلة في الشقة 
وانا كمان حلمت ان خطيبي كان عندنا وكان عايز يمشي وانا فضلت اعيط وكان من غير الذقن في الحلم مع العلم ان هو عنده ذقن 
وخلص الحلم علي كدة

7
حلمت اني خلفت بنوتة وكنت فرحانة بيها اووي وبعد كام يوم لقيتها بتتكلم وبقي شكلها زي اللي عندهم شهور وكنت كمان عايزة امشيها وماما كانت بتشربها لبن 
وخلص الحلم علي كدة مع العلم اني مخطوبة
ومعلش يا ماما حلمت بخطيبي حلم غريب شوية
حلمت اني ماسكة اللاب بتاعه فلقيته جه مرة واحدة وراح ماسح كل حاجة فعرفت انه كان لسة حاطط صوره هو وخطيبته علي اللاب فضلت اقوله انت لسة ممسحتهاش انت عارف ده معناه ايه فلقيته مسح كل حاجة 
وخلص الحلم علي كدة خطيبي كان خاطب واحدة قبلي بس الموضوع مش في دماغ اصلا