تفسير احلام يوم السبت الموافق 3\7 ان شاء الله

حلمت انى ارتدى فى يدى توينز صغير ومتزين بزينه سوداء اللون انسه 

sasoloveyou كتب:

حلم رقم 1

انا حلمت انى كنت راكبه طياره كبيره اوى انا واتنين من صحابى وكانت من جوا عامله زى بيت فخم وانا كنت شايفه السما حواليا صافيه وزرقا كدا وكنت شيفاها من برا الطياره مش من جوا اكنى كنت طايره فيها والحلم دا كان بعد الفجر وعلى وضوء

شيكولاه كتب:

الحلم 2
ماما حلمت انها بتصحيني وبتقولي يالا عشان هنروح نصلي الجمعة وبسسس
الحمد لله احنا ملتزمين ف الصلاة بس في الييت ومبنزلش نصلي الجمعة ابدا ف الحقيقة

س للحياة كتب:

الحلم رقم 3
السلام عليكم
صاحبتي حلمت انها قاعدة في بيت باباها على الارض وجمبها اخو جوزها و بنتها ف الوسط وعلى الارض طبق فاكهة وهي كانت بتاكل فراولة وبعدين نزلت تحت وقابلت حماتها تحت ونادت عليها لكن صاحبتي سابتها وطلعت ومردتش عليها

صاحبتي متجوزة ورافعة قضية طلاق من جوزها وقاعدة عند باباها حاليا وكانت كلمت اخوه عشان يخليه يطلق

نودى2 كتب:

حلم رقم 4
ماما نجيه حلمت انى فى بيت وجه فى بالى ان فى كنز جدى كان مخبيه فى
مكان فى الحيطه ولقيتنى شلنا طوبه من الحيطه وان كان ورا الطوبه فتحه
على غرفه كبيره مليانه فلوس فضيه دهب كتير اوى وان زيزى وهيام واحلام
دخلو جو الغرفه وانا فضلت اخد الفلوس دى واطلعها واحطها فى العلبه
واحلام اختى لقيتها ماسكه زى علبه فيها من الفلوس دى وبتسال راجل
الفلوس دى تجيب كام دلوقتى

 زيزى واحلام وهيام متجوزين
انا ملتزمه فى الاستغفار والصلاه 

toto كتب:

الحلم رقم (5)

حلمت ان انا واخواتى البنات كنا قاعدين على السطوح ولقينا نسر بيطير فى السماء كنا فاكرين انه صقر لانه كان بعيد ومش شايفينه كويس
وبعدين قعد يقرب وكان حجمه كبير وانا واخواتى كنا فرحانين لاننا اول مرة نشوف نسر وبعدين لقيناه بيقرب من بيتنا اكتر وفى الاخر نزل عندنا على السطح
ومسك فى ايدى بمنقاره كإنه هيأكلنى وانا كنت فاكراه بيعمل كده عادى بس بعدين قعد يضغط على ايدى جوه منقاره لغاية ما انا حسيت بوجع فى ايدى فخفت يأكلنى بدأت اسحب ايدى من منقاره
وهو ماسك فى ايدى جامد وعيون النسر كانت زرقاء كلها يعنى مفيش جزء ابيض كلها لونها ازرق وانا كنت معجبة بعيونه ومكنتش مصدقة ان ممكن يأكلنى او يئذينى بس لما ضغط على ايدى جامد قلقت منه وفضلت اسحب ايدى علشان يسيبها وكان فى حاجة زى العفريت لونها احمر لما شوفتها خوفت اكتر وحسيت ان النسر هيئذينى واخواتى البنات خافوا عليا
وراحوا ينادوا على والدتى علشان تيجى تلحقنى بس لما والدتى جات كان خلاص النسر ساب ايدى وفجأة لقيت نسور تانية جات عندنا كان عددهم اربعة وكانوا بيتخانقوا مع بعض فأنا قلت اذا كان هما بيتخانقوا مع بعض انا هعمل ايه معاهم

انا آنسة وحالتى الدينية متوسطة

واخواتى آنسات

بوسى 123 كتب:

رقم 6 ،،حلمت انى باصلى فى وسط ستات واحده يمينى وواحدة شمالى  وواقفين صف وكنا اول صف لان كان قدامى حيطة و الست اللى على شمالى كانت لابسة ابيض و زى فيه امام للصلاة بس مش شايفاه و بعدين سجدنا و بعدين انا سجدت سجدة تانية والاتنين الستات ماسجدوش وانا استغربت قلت ازاى يسجدو مرة واحده وانا سجدت تانى مرة دى بسرعه لما لقيتهم ماسجدوش و بعدين رفعت من السجود وقلت ادعى دلوقتى ده وقت كويس للدعاء

مسك كتب:

السلام عليكم

حلمت اني لابسه شرشف الصلاة واصلي وامامي نافذه الجيران وكانوا اناس اثرياء وكان واقفين على النافذه ومعهم نمور جميله ومعهم موبايل يصورون وانااصلي وكنت اغطي وجهي خفت يصوروني واسمع امرأه منهم تقول امسحوا الصور وارتحت انهم بيمسحونها.                      
مطلقه وعندي تعب روحي وغير موظفه.

نهر الحياه كتب:

حلمت انى ارتدى فى يدى توينز صغير ومتزين بزينه سوداء اللون انسه