تفسير احلام يوم السبت الموافق 11\11 ان شاء الله

حلم رقم 1
انا حلمت اني ساكنه ف قصر كبير اوي وعالي كدا وكنت انا واهلي فيه وكنت عماله بقول ف نفسي ازاي القصر دا بقا بتاعنا كدا وازاي انا عايشه ف البيت الحلو دا وكان واسع اوي وكبير والاثاث فيه بيلمع وحتا الارضيه وليه جنينه كبيره وعواميد لونها ابيض

2

اخت جوزي يا ماماما بتاعه مصلحتها وحماتي متوفية حلمت أن جوزي بيقولي أن اخته كلمته وبتشتكي الفقر و أن حماتي قاعده عنها وبتشتكي منها ومن أفعالها وجوزي بيقولي هو عارف ان مامته فعلا فيها عادات وحشة بس هو بيقول انه عايز يجيبها عندنا البيت وقعد وانا قولتله تنور بيت ابنها و صحيت ونمت لقيتني بقول لجوزي انت متاكد أن مامتك اتوفت قالي اه قولتله طيب شفتها لما ماتت قالي اه انا دخلت عليها قبل ما يغسلوها

السلام عليكم ورحمه الله وبركاته
ازيك يا ماما عامله ايه
ماما ان حلمت خير انى كنت حامل ونيمه وصحيت من النوم حسّيت انى ولدت وحسيت الطفل خرج من بين رجلى بسهوله جدا ومن غير ما حد يولدنى وانى ولدت بنت جميله جدا وولدتها طبيعى وانا داخله الاوضه اجيب حاجه من الدولاب اختى صحيت وبتبص على بطنى قلتلها اسكتى مش انا ولدت وولدت طبيعى فلقيت اختى دى عندها بنت حلوه شبه بنتى بالظبط بس انا بنتى كانت احلى فبيقول لبنت اختى انا جبت نونو حلوه زيك فقلت لاختى هاتيلى غيار من عندك علشان البسه لبنتى لانى ولدت فجاه وقلت فى نفسى انا هغيظهم وأقولهم انى ولدت طبيعى مش قيصرى وفضلت طول الحلم ماسكه بنتى دى بس هيه كانت كبيره شويه يتمشى زى طفل فى الحقيقه عمره سنتين وشفت بنت كانت صحبتى من زمان كنت عايزه اورلها بنتى واقولها انى انا كمان اتجوزت وخلقت وبنتى دى يا ماما كانت حلوه جدا وعنيها ملونه وكان غالبا عنيها زرقا

مع العلم انى انسه ومش مخطوبه واختى اللى فى الحلم متزوجة وعندها بنت وولدين بس بنتها اللى فى الحلم غير اللى فى الحلم اللى فى الحلم
كانت اصغر واحلى .....ماما بالله عليكى كنت عايزه اعرف عينها الزرقا دى ليها تفسير معين

رقم 4 ..انا كنت عملت استخارة علشان زوجى عايز يعطى فلوس ل شخص يعرفه علشان يعمل مشروع صغير معاه مش عارفة الحلم ده يخص الاستخارة ولا ايه. بس فى الحلم انا ما شفتش الشخص ده لكن شفت واحد قريبي و معانا فى الميراث انا و اخواتى و فيه مشكلة على أرض مشتركة بيننا فى الورث و المستأجرين اللى فيها عملوا مشكلة معانا .. .حلمت انى واقفة مع قريبي ده فى مكان مفتوح يعنى ارض فاضية او حديقة و انا رايحة اتكلم معاه فى مشكلة تخصه هو و قلت له انا مش عايزة اتدخل فى اللى ماليش فيه ..و فجاءت لقيت قطة و حسيت انها جعانة و قلت لقريبي حط لها اكل و لقيت صينية كبيرة شوية و عليها زى ديك رومى بس تقريبا مش كامل ..و بعدين تقريبا شفت القط بياكل..و فجاءة لقيت قطط كتير جايين علينا ناحية الاكل و سمعت صوت القطط ..و خفت و قلت لقريبي حط لهم اكل و هو كان فى ايده زى ورك ديك رومى ...و لقيته مسك الصينية كلها و رماها للقطط ..انا قلت له حرام عليك ده فيها اكل كتير ....و بعدين لقيت نفسي مع قريبى و ولادى معايا و احنا فى شقة امى القديمة ..و لقيت قريبى بيقول لى انه الشقة دى كبيرة و ممكن نقسمها انا و اخواتى ... شكرا

رقم 6 ...عملت استخارة تانى على نفس الموضوع ان زوجى يدخل مشروع مع واحد .....حلمت انى راكبة عربية بس من جوة شكلها شبه اتوبيس و كان واحد قريبى اسمه محمد هو إللى سايق العربية ..و كنت مبسوطة زى ما اكون رايحة رحلة ..و زى ما تكون ماشيين على البحر و فيه واحدة راكبة معايا اسمها دعاء كنت اعرفها من فترة ..و كنت مبسوطة جدا من سواقة محمد و لقيت ان فيه عربية وقفت قدامنا و محمد حسيت انه ما استعملش فرامل ولا حاجة و مع ذلك ما حصل حادثة ولا حاجة و وقفنا ورا العربية و بعدين كمل الطريق عادى وانا منبهرة بطريقة السواقة بتاعته ..و اعتقد فى الاخر وصلت عند كوافير و بقول لهم عايزة اضبط أطراف شعرى و لقيت واحدة صديقة بنتى الكبيرة سلمت عليا و بتقول لى انه صعب المواظبة على طول ..زى تقصد انه صعب انى اواظب على الذهاب إلى الكوافير كل اسبوع ...و بعدين مش عارفة ده باقى الحلم ولا ايه ..لقيت نفسي طالعة سلم المفروض انى طالعة شقتى و اكتشفت انه فيه ضيف عندنا و بصيت على ملابسي و كنت لابسة جاكيت أزرق عندى زيه فى الحقيقة و قلت كويس انى لابسة حلو ..و دخلت البيت و الضيف كان واقف عند الباب و لقيت البيت مترتب ماعدا حاجة واحدة واقعة على الأرض كانت زى بطانية او كوفرتة و قلت لاولادى ليه ما حدش شال الحاجة دى و شلتها انا ..الضيف ده كان شاب اسمه راجى و كان بيشتغل فى نفس الشغل القديم بتاع زوجى و كان راجى زى ما يكون بيصلح حاجة فى البيت عندنا او بيركب حاجة ...شكرا

رقم 6 ..حلمت انى فى الشارع و فيه ست و ابنها قابلونى و زى ده عريس ل بنتى و بيسالنى هو امتى هشوف العروسة ..و انا كنت محرجة جدا لان زى ما نكون احنا اتأخرنا عليه فى الرد و زى ما تكون بنتى اصلا مش مقتنعة بالموضوع و انا محرجة اقول لهم كده و بحاول الاقى اعذار و مكسوفة جدا ..شكرا

السلام عليكم 
انا رأيت خير اللهم اجعله خير انى في شقة في مكأن غريب انا وأولادى وفي قبيلة عايزين زوجى فلما ملقهوش قالوا لي حناخد ابنك الصغير أو ناخدك انتى وانا قولتلهم انتظروا يومين يمكن زوجى يجي وجوزى جيه واخدوه وقالوا له انت لو معدتش الألعاب التنافسية دى حنقتلك وخدوه وكانت الألعاب قدام البيت وفتحت الشباك علشان اشوفه لقيته ماسك سهم وقوس ومتوتر ومش عارف يصوب فناديت عليه وقولتله أننا معاه و عدى كل الألعاب والقبيلة كافاته أنها خليته يشتل في مركز مرموق بمرتب كبير حوالي 44 الف ونمت في نفس الحلم ورأيت حواليا خيالات بيضاء علي هيئه بشر بتلف حواليا وانا خفت اوى وحسيت بتعب ومقدرتش اقوم وسمعت صوت أمى وهى بتقولي رقمك 6 وبصيت كانى فيه ولد صغير بس شكله غريب وعرفت أقوم لقيت كتاب مش متأكده من عنوأنه اسمه أيتها النفس المطمئنة وقولت لجوزى انا حاسه ان الكتاب دا هو السبب في الأحلام دى