تفسير احلام يوم ااخميس الموافق 4\2 ان شاء الله

رقم 2...الشقتين اللى عملت عليهم استخارة موضوعهم وقف فعﻻ ..استخرت على شقة تالته ..حلمت انى شايلة بنت بيبي و رايحة بيهاالكوافير االمفروض انها بنتى ودخلت مكان و بابص ع البنت على ايدى و باقول اسمها امل و فيه واحدة هى اللى خلتنى اسميها كده ...بعدين حلمت كمان ان انا وجوزى واقفين مع صاحب الشقة راجل كبير شوبة انا ماشفتوش ف الحقيقة و جوزى بيقول له انه الراجل ياخد تمن الشقة و يرجع الباقى جوزى قال رقم 80 ف الحلم ..و الراجل قال ان ابنه قال له لما ياخد فلوس الشقة ﻻزم يشترى بيها شقة تانية فى اسكندرية انا قلتله ممكن تاخد ف المعمورة او ممكن ميامى و اﻻبراهيمية و اماكن كده فى اسكندرية ...الراجل قال حاجة زى بيستشهد بحديث شريف على كﻻم ابنه بس مش فاكرة قال ايه وقال اﻻية القرانية احسن من الحديث ..بس فيه حاجات مش فاكراها ..شكرا

3..حلم لامى
حلمت ان عمها جاء زياره لنا هو وزوجته صباح ومعه تفاح وبرتقال وقالها تعالى عرفينى فين بيت والد الشاب لانى هروحله .ماما. قالتله هو لايحب الزيارات الا بسابق موعد فقال لها انه على اتصال به من زمان واتفق معه على كل شئ يخص خطبتى من ابنه..ماما راحت معاه عشن توريه الييت قابلت زوجته على الباب ماما اعتذرت منها على الزياره دون موعد وانس ابنها الكبير كان فوق بالبلكونه وهى استقبلت ماما وعمهت ودخلتهم البيت لكن من باب غير المعتاد..مكنش زوجها موجود ولكن كان فى شخص لابس جلابيه بيضه جالس على حصيره فى وسط الخضره عم امى جلس معه..اما والده الشاب كانت لعا جنينه زارعه فيها ذره وكان اخضر وطويل وجميل وكانت مشغله موتور بيسقى الارض وماما واقفه معها وامى اعطتها هديه كرنب ولبن ..وبعدين انا جيت كنت عامله ضفيرتين وماما تقولى اى جابك وقعدو يكملو حديث وماما تعتذر منها ان عمها عرف انهم خطبونى وانها مكنش قصدها حد يعرف وطنط تطننها وتقولها مفيش مشكله وبعدين والده الشاب اتصلت بزوجها قالتله ان ماما وعمها بالبيت واحضرو هديه وعوزين يقابلوه فقالها انا جاى..وصحيت على كده
بصى والده الشاب جت خطبتنى من اهلى من فتره دون زوجها لكن بمعرفته وهى خطوبه اسريه ومش معرفين حد ولكن صحيت لقيت ناس عرفت بالخطوبه
حاله ماما قبل النوم كانت بتدعى ان والد الشاب ييجى ويعلن الخطوبه والناس تعرف

الحلم رقم4

اختى حلمت ان هى وانا واختى التالتة  كنا ف مكان مليان مطاعم وناس كتير واختى وانا قعدنا  بعيد عن الدوشة واختنا التالتة  قعدة ف وشنا بس بعيد عننا  عشان هى كانت عاوزة تقعد بعيد عننا فاختى بتبص لاقيت الشخص اللى بتحبة  وكان معاة ناس واطفال بنات وولاد صغيرين فاختى قالت اكيد دوا اولاد اخوة  وكان ف المكان دة ف اوضة  فاختى مكنتش مصدقة انها شايفة الشخص دة قدامها  وكانت فرحانة اوى  واختى قالتلنا   واحنا كنا متفاجئين   انة قدامنا  بعدى كدة الشخص دة قام سلم على ناس غريبة هو ميعرفهاش  وبعد كدة سلم على اختى وعليا وعلى اختى التالتة  واختى كانت فرحانة انة سلم عليها وهو بيسلم عليها شافت لابس دبلة ف ايدة  الشمال  فاختى قالت اية دة هو اتجوز وزعلت وبعد كدة الشخص دة مشى وسابنل مع العلم ان اختى كانت نايمة ف الفجر وكانت بتدعى لشخص  دة وشوية والفجر اذن مع العلم ان اختى بتحب الشخص دة بس هو ميعرفش وواصلا ف الواقع هما بعيد عن بعض واختى بتدعى ربنا انة يكون من نصيبها