تفسير احلام يوم ااخميس الموافق 1\8 ان شاء الله

6

حلمت خير اللهم اجعله خير يارب حلم غريب اوى 
حلمت خير يارب انى دخلت بيت فلقيت فيه الفنانة صباح الله يرحمها ولقيت معاها بنت بتساعدها كده فلقيت البنت مساعدتها دى جايبالى فستان بمبى ببنطلون بمبى تحته شبه الكولون كده من بتوع صباح وعايزانى البسه فانا قعدت اقولها ازاى البسه وهو بتاعها فلقيت صباح نفسها بتقوللى البسيه ومصرة البسه ففعلا لبسته بالبنطلون بتاعه وكنت مستغربة اوووووى انى البس فستان من بتوع صباح وغالبا كنت عارفة فى المنام انها المفروض متوفية !! وبعدين قلت امشى بقا عشان اروح بيتنا ولما جيت البس الجزمة بتاعتى لقيت ع السلم بتاعهم 20 جنيه فروحت واخداهم وحطاهم فى شنطتى وقلت اكيد دى وقعت من شنطتى وانا جاية هنا وكان الفستان واسع عليا شوية لدرجة انه كان بيتزحلق من فوق صدرى لا مؤاخذة بس كنت برفعه وكانت البنت اللى مع صباح بتقوللى مش مشكلة الوسع مش جامد اوى وابقى ارفعيه كل شوية لكن هو حلو عليكى وسبتهم بقا ومشيت على بيتنا وانا لابساه 


وفيه منام امبارح خير اللهم اجعله خير يارب انى بلبس جزمة بيضاء بكعب عالى ورفيع فببص جواها لقيت زلط ابيض صغير كده كده فقولت ده انا لو حطيت رجلى جواها الزلط ده هيوجع رجلى وبعدين بجرب احط رجلى فلقيت زى ما يكون بين رجلى وبين الزلط حاجز والزلط متحوش فى الجزمة من تحت بس رجلى لما بتدخل جواها بيبقى النعل اللى شايلها املس وشفاف والزلط باين من تحته بس من غير ما يؤذى رجلى ومحجز بين قدمى والزلط ولبستها فعلا وكانت مريحة عكس ما توقعت 

اختي حلمت ان هي كانت في امتحان ومكانتش عارفة تحل والوقت راح عليها ومحلتش حاجة وهي كانت متوترة واضايقت جدا ان هي محلتش حاجة وكانت مخنوقة
مع العلم انها في ثانوية عامة وامتحاناتها كمان يومين

شكرا ماما نجيه على تفسير الحلم ربنا يباركلك فرحتينى بتفسيره وربنا يارب يحققه ويغير لنا حياتنا ويفرحنا جميعا