تفسير احلام يوم ااخميس الموافق 2\ 12ن شاء الله

1
انا حلمت الحلم ده وحضرتك فسرتيهولي بس انا كنت نسيت فيه جزء وكتبته دلوقتي لحضرتك
انا خطوبتي ان شاء الله الشهر اللي جاي وحلمت بخطيبي الحلم ده مع العلم ان عندنا مشكلة بسبب الشقة وعرضينها للبيع حاليا بس بطلنا نتكلم في الموضوع ده دلوقتي بس الحلم ده قبل المشكلة ما تحصل
حلمت بخطيبي انه طول علي طوله وجسمه ملي شوية وبقي ابيض جدا وكان حالق دقنه وكان هو وشريكه نازلين يعوموا بس انا مشفتش المية وادوني هدومهم وقالولي اتبرعي بيها
وخلص الحلم علي كدة مع العلم انهم حاليا عاملين توسع في شغلهم بس لسة مفيش شغل كتير
حبيبتى خطيبك ربنا هيعلى قدره وهيوسع عليه بس عليه بصدقة وان شاء الله ربنا هيتم خطوبتكم على خير

ومعلش يا ماما نسيت حاجة في الحلم  ان خطيبي شالني وراح شريكه قاله نزلها عشان محدش ياخد باله فنزلني وشالني تاني وانا كنت مبسوطة اوي وبعدها حضني وقالي وحشتيني بس طولي كان قريب من طوله بالرغم من انه اطول مني في الحقيقة وهو اصلا طويل وطول شوية حتي شريكه كان معاه بس مطولش فضل زي ما هو  بس كدة ومع العلم اني بشتغل معاه ومش قايلين لحد في الشغل ع خطوبتتنا غير شريكه وواحدة صاحبتي بس بقيت الناس شاكين انه فيه حاجة

٢
استخارة ماما عملتها لابى عن ترقيه له فى العمل
شافت انهم رايحين زيارة لواحدة فى بيتها والواحدة دى بابا يعرفها وقدمت لهم غريبه وبوتيفور وبابا عجبه واكل منهم كتير اوووووى وماما كان نفسها تاخد بس ماخدتش غشن مكسوفه ..جزء اخر حلمت ان عنى ياسر عازمهم على لحم نعام ... وجزء اخر بابا معجب بامراه اخرى وبيقول لامى عوز يتجوزها قالتله طلقنى الاول ..وتزوج المراه الاخرى وكان له منها ولد وبنت ..هما شويه احلام منفصله ...خير بقى طمنينى

حلم رقم 5
نوتي دودي 
السلام عليكم ورحمة الله
ازيك يا ماما نجية ربنا يمتعك دايما بالصحة 
والعافية ويبارك في عمرك
انا مطلقة متوسطة الالتزام
حلمت انى اقف على شط بحر ورايت طليقي بيركب مركب 
وهيسافر ومعاه في المركب واحدة ست واطفال صغيرين 
وكان الست ده زوجته وهتسافر معاه ومعاهم ملوخية خضراءوكانها
واخدة الملوخية علشان هيعملوها لما يوصلوا
ومشيت المركب ووصلت على الشط التاني
خلص الحلم كدة
شكرا على مجهودك معانا

السلام عليكم ياماما


انا حلمت حلم مش فاكره غير جزئين انى بوزع شيكولاته على اهلى وفيه فستق فى الارض كبير عحبنى اوى ووطيت المه .

انا بصلى الحمد لله وعندى بنوته سنه و٤شهور وجوزى مسافر.

5
حلمت خير ان بابا كلمى وقالى تعالى قابلينى فى كنيسة وبعدين فعلا مشيت لحد ما وصلت لكنيسة كده ودخلتها وانا لابسة لبس واسع اسلامى ومحدش قاللى حاجة بس كانت فخمة جدااااااااا من جوه ولا القصور بس مشفتش فيها لا صلبان ولا رهبان حتى كانت من جوه عاملة زى الفنادق كده ولقيتنى لابسة جواها جيبة واسعة شيك وفوقيها بلوزة وكان اللبس فضفاض وشيك عليا اوى وبعدين روحت لقيت بابا مستنينى وقاعد قدام مكتب كده وبيقوللى اقعدى بقا الشاب اللى هييجى يشوفك ده هو كان هنا وراح يعمل حاجة وجاى تانى فقولتله مواصفاته ايه قاللى هو شاب سنه 18 سنة بس اقعدى بس هو جاى يشوفك اهو وفعلا قعدت بقا مع بابا لحد ما هو ييجى وخلص المنام على كده 
معناها ايه شاب عنده 18 سنة دى ؟؟ 

معلش منام كمان حلمتخير يارب انى لا مؤاخذة استحميت بعد ما كان عندى البريود ( مع العلم انها عندى فعلا الايام دى بس لسه يومين ولا حاجة لحد ما تخلص خالص ) ولقيتنى ما سكة فى ايدى سبحتى وبفتح دولابى وبجيب بلوزة عشان البسها واخرج فقولت مش هلبس بلوزنى العادية اللى كنت بلبسها وروحت طالعة فوق الدولاب لقيت بلوزة زيتى فى دهبى وزى ما يكون عندى من زمان ومشغولة كده ببعض تطريز وقلت معقولة كانت غايبة عنى فين دى لا خلاص دى اللى هلبسها وروحت بقا مجهزاها وحطاها والرف الاول من الدولاب عشن البسها لما اجى اخرج 

حلم رقم 6

حلمت يا ماما نجية كاني جايلنا كارتونة لابوي فيها اكواز ذرة كثيرة مسلوقة  وقعدنا ناكل فيها انا وامي واخواتي وبعدين كاني باجري ورحت استخبت فى بيت كبير على البحر