رقم1،،،انا صليت استخارة على شقة تانية هى فى دور ارضى بس سعرها برضه غالى شوية و تشبه الشقة الاولى اللى كنت باستخير عليها ونفس السعر بس فيها حاجة احسن شوية ...حلمت انى ماشية جنب بيتى بس شكل المكان مختلف و لقيت محل فيه اوض سفرة وانا واقفة باتفرج من ورا الازاز بتاع المحل يعنى انا برة المحل و شفت واحده لقيت شكلها غريب و تقريبا واحده كمان ماعجبتنيش قوى و بعدين لقيت واحدة عجبتنى وقعدت اتفرج على الترابيزة و الكراسي و زى لقيت معاها كنبة عريضة و قلت دى كبيرة قوى و الاوضه دى لقيتها فى الدور اللى تحت و قلت باب المحل من فوق هنا لكن الاوضه فى الدور اللى تحت و قلت ادخل اسال على تمنها و بعدين قلت ممكن تكون غالية و قلت طب خلاص اروح الكوافير الاول و بعدين ابقى ارجع للمحل ده و مشيت ودخلت باب عمارة وفيه بنتين كانو داخلين برضه و طلعنا سلم و بعدين قلت دى مش هى العمارة بتاعت الكوافير و طلعت منها و لقيت ست كبيرة برضه بتدور ع الكوافير لقيت بنتى الكبيرة بتقوللى هى دى العمارة يا ماما و بصيت لقيت اليافطة بتاعت الكوافير لونها ابيض فى اخضر بس شكلها متغير و قلت لبنتى انا اتلخبطت لان اليافطة متغيرة ...فى الحقيقة فعلا ده اسم كوافير جنبنا و اليافطة برضه اخضر فى ابيض بس مختلفة عن اللى شفتها ،،،و بعدين لقيتنى قاعدة مع بنتى تقريبا على سرير و بتكلمنى عن صاحبتها و صاحبتها دى مخطوبة من سنتين و هتتجوز فى الصيف ان شاء الله ،،بنتى بقى بتقوللى ان حاجة بتاعت صاحبتها تقريبا كرسي صغير كانت شاياه وقت الخطوبة اتكسر او باظ بتقوللى ان صاحب المحل قال لها تغسله وفعلا هى غسلته وعلشان كده باظ و بتقوللى دى كانت شارياه بستين جنيه و بنتى فى الحلم مستكترة الستين جنيه دول ...اللهم اجعله خير ....الحلم حاسة انه بيحكى فعلا عن الشقق اللى شفتها و السعر و المساحة بس الجزء الاخير بتاع صاحبة بنتى دى قلقنى عليها
