تفسير احلام يوم السبت الموافق 7\2 ان شاء الله

تفسير احلام يوم السبت الموافق 7\2   ان شاء الله

حلم ١
رأيت في منامي انني اتقلب بجسدي على مروج خضراء شاااااسعه ومرتفعة وانتقل من تل اخضر لآخر وانا كذلك سمعت صوت أمي تقول لي كلاما معناه استمتعي ياابنتي بهذه المروج واتركي كل مايحزنك ثم رأيت زوجي يجهز حقائب سفر ويريد السفر لباريس فرنسا فتشاجرت معه لأَنِّي ارفض سفره ثم لاحظت سلسله ذهبية قصيرة في رقبته بها تعليقه ذهب فقلت له وتلبس ذهبا ايضا. مستنكرة ذلك منه

حلم 3 رايت خيرا باذن الله ان اخويا ساكن في فيلا بس شكلها زي بتاعة زمان وفي مكان هادئ وانا رايحة علشان اصحيه علشان يصلي الفجر وفعلا في الحلم كان بدا النهار يطلع ضوء الفجر و وانا رايحة ع الفسلا لقيت جدتي الله يرحمها قاعدة قدام الفيلا بس بمسافة كبيرة شوية وعديت من قدامها وبعد كده لقيت كلبين بتهوهو بتنبح عليا علشان هما اللي حارسين المكان بس واحد فيهم كان اعمي فانا خفت لقيت جدتي قالت لي لا متخافيش متخافيش عدي ومش هيعملوا لك حاجة زي هي كده فهمت الكلاب اني مش شر ليه  فجيت ارجع لقيت زميلتي مي موجودة ومسكت بايدي 
في الحلم اللي فهمته ان جدتي والكلاب كانوا موجودين علشان يحرسوا اخويا 
انا انسة واعمل 
اخويا اعزب وعايشين مع بعض في شقة واحدة عادي 
وجدتي متوفية الله يرحمها
ومي زميلتي في العمل ومتزوجة

الحلم 5

السلام عليكم 
لمت بأني ماشية،مع صديقة اسمها ايمان ودخلنا كافتيريا ناكل او نشرب ولقيت ترابيزة عليها 3 بنات قعدنا معاهم واتكلمنا وفجأة بنت منهم مشت وراحت قعدت مع ولد علي ترابيزة جنبنا فقلت للبنات هي دي اسمها ميادة قالولي اة قلت دي اخت صاحبتي وببص للولد لقيتة كان زميلي ف الجامعة واسمة احمد زكي استغربت جدا ازاي دا الاتنين متجوزين ومخلفين وبيحبو اجوازهم فجأة قمت وزعقت ياحمد يازكي انت عارف واحدة علي مراتك وعندك ولد اسمة اسر وهو كان مخبي علي ميادة وقمت وسبت المكان وقابلت زميلة اسمها شيماء شريف وحكيت لها اللي حصل وبعدها ندمت اني قلت لها عشان ماتقولش لحد غريب والبنت تتفضح 
 

حضرتك سالتني عن حالتهم كل اللي فيالحلم متجوزيين متوسطي التدين


حلمت برضة مرتين في يومين مختلفين انة اخويا المتوفي فرحان وبيقول كتب كتابي يوم6سبتمبر وهو متوفي اعزب غير خاطب ولا متزوج

الحلم رقم 6
السلام عليكم ورحمة الله وبركاتة
انا حلمت انى مع اخت مرات اخوى وكانت بتعزمنى مش فاكرة على فرحها ولا فرح حد تعرفة وفية كلام ومواقف مش فكرها وبعدين الحلم اتغير وبقيت نايمة على السرير انا وجوزى ودنيا ليل وبنحكى مع بعض وبقول لة ازى هنروح الفرح اللى معزومين فية وبكرة اول يوم فى المدارس وهروح اوصل ابنى قالى عادى نروح قلتلو ماشى خلاص هروح اوصلة المدرسة وبعدين ارجع اجهز نفسنا ولما يرجع من المدرسة نلبس ونمشى قالى ماشى وبعدين الصبح رايح اوصل ابنى المدرسة فى اول يوم للدراسة وكان لابس مريلة زى بتاعت زمان ولقيت زحمة كتييير ستات على باب المدرسة ودخلتو جرى ليكون اتاخر والستات وقفين كتييير وكلهم مسحيات وعوجيز كبار فى السن وانا بقول لى نفسى اكيد دول اولادهم كلهم اخر طفل عندهم لانهم شكلهم كبييير ومشيت وهم كمان كانو ابتدو يتحركو وبيمشو 
اخت مرات اخوية متزوجة

استازنك حلم كمان
حلمت بى حلم فية احداث كتييير بس هقولك اللى فكرة على ما افتكر ان كان اخوية بيجهز جهازو للجواز وبعدين دخل فى الشقة بتاعت بابا ومعاة واحد زميلة وبيفرجو على كسوة الكنب بتاع بيت بابا علشان زميلو عايز يشترى وشاور لى علشان ادخل جوة وزميلو ميشوفنيش ودخلت الاوضة بس كنت سمعهم وبيسالو لونة اية الفرش دة وهو رد علية بس مقالش نفس  اللون ف انا رديت علية من جوة وقلتلو دة بطيخى فاتح وبعدين اخوية قالى تعالى روحى معاية اتفرج على فرش للتنجيد قلتلو ماشى هروح زى مانا كدة مش لازم اغير احنا مش هندخل محلات وهنتفرج من برة وانا راكبة معاك العجلاة او متوسكل وكنت لابسة بجامة نوم واكتر من نص دراعى مكشوف وبعد ما ركبت معاة وبدا يتحرك فى الشارع بتاعنا كان تقريبا وخدنى قدمة زى ما يكون ركبين عجلة و حسيت انى مكسوفة وازى انا اطلع كدة حتى لو مش هندخل محالات فى حد يطلع بى لبس البيت كدة فى الشارع حتى لو محدش هيشوفونى ومكنش فية حد فى الشارع حتى البس عبايتى الخروج اى حاجة وخلاص ورجعت لبست عبايتى السودة وطلعت معاة
انا متزوجة واخوية كمان متزوج

حلم رقم 7

انا حلمت اني اشتريت عربيه لونها احمر وكنت ركباها وبسوقها كويس جدا

حلم 8
رايت خيرا ان انا ماشية ومعايا خالتى اسمها لطيفة وخالى اسمه عيد وابن خالتى اسمه محمد وكان الجو ليل وماشيين وبعدين كان فى ع ايدى اليمين ارض بس محفورة زي حفر علشان يبنوا وكان فى الحفرة الكبيرة دى واحد اسمه سعد ووانا ماشية كان فى ايدى حاجة على شكل رقم 2 وقعت مني فانا عايزاها وسعد مش هيعرف يدهانى علشان الحفر غويط راح محمد رجع وبيساعدنى انى احبها رحت اديت محمد زى حديدة طويلة علشان يشد بها الرقم 2 وسعد كان بيساعده هو كان فى باقى للحلم بس انا مش فاكراه
سعد ده كان جارنا زمان  بس احنا عزلنا وهو لسه موجود وكبير وعنده احفاد ومحمد ابن خالتى علاقتى به سطحية جدا
انسة اعمل

الحلم10


حلمت بان اختي الكبيرة اشترت بيت جديد في اسكندرية وكلنا روحنا نشوفة وانا كنت لابسة لبس خفيف والباب رن وقلت دا اكيد باابا وقلت لبنت اختي تشوف لي عباية البسها وفضلت قاعدة مكاني عشان بابا مايشوفش لبسي واخويا المتوفي دخل وانا فرحت بس كلنا كنا مستغربين وبنبص لبعض انة ازاى رجع وكان عندة شنب كبير ويلف وفجاة جالي وقالي انا هاخدك وانا ماشي وعينة كان شكلها مرعب وانا اعيط واقول لا ماتاخدنيش واستخبي منة ولقيت صاحبتي اسمها ايمان خرجت من اوضة وانا استغربت ازاى من ساعتها قاعدة جوة واحنا مش شايفنها وطلعنا علي السطح ولقينا ورا البيت جناين واراضي شكلها جميل جدا وشجر موز وقرود صغيرة فوقة مخلصين علي الموز اللي فيها وبنحط ايدنا علي الجدران لقيتها متاكلة قلت لصاحبتي شفتي البحر والمية المالحة بتعمل اية وبنبص في المسقط لقيت اختي الكبيرة بتخبز لجوزها ودخل عندها ابن عمتي اسمة رزق يسالها علي حاجة ونزلنا وادتني رغيف من اللي خبزتة ومشيت انا وصاحبتي ومعانا حماتي وابنها
 
ايمان واختي وانا متجوزين


ونمت تاني وحلمت  اني في بيت بابا وابن خالتي جمال بيزورنا واخويا المتوفي قاعد معاة هو وماما وبرضة بص لي وقالي هاخدك قلت لة انا راحة لغادة واية قالي ناخدهم كمان ودخلت المطبخ لماما خايفة وبعيط ومش عايزاة ياخدني برضة