تفسير احلام يوم السبت الموافق 1\21 ان شاء الله

حلم 1 

انا حلمت اني سافرت لاخويا ومراته بره البلد هو فعلا عايش بره المهم اني فتحت البلكونه لقيت السما حلوه اوي وصافيه وكان قدامي جبل قريب من البلكونه وعليه طيور بيضه وحلوه كدا واقفه عليه كتير اوي وبترجع تطير ف السما وتقف عليه تاني والجبل نفسو كان لونو مش اصفر ورمل لا كان عليه زرع اخضر كدا كتير وانا كنت واقفه بصورو ومعجبه بشكلو اوي 
ومعلش يا ماما كمان حلمت ف نفس الليله اني جبت صبغه لونها بني  فاتح واخويا وماما قاعدين قدامي وكنت بسبغلهم شعرهم كله 
الحلمين كانو بعد الفجر

الحلم رقم 2
انا حلمت ان اختي معايا وكنت بشترى لبس ليا كان صيفي وكان الوان كدا وشكلهم حلو وفي بلوزه كانت قصيره ولما لبستهالقيتها مش قصيره زي ما كنت فاكره طلعت طويله شويه وبعدين كان فى طقم مربعات الوان كنت متردده اخده عشان قصرالبلوزه فقست طولها علي طول البلوزه اللي قبلها لقيتها اطول سنه فخدتها وكنت قلقانه الفلوس ما تكفيش عشان كنت لسه هجيب طرح ولما جينا نحاسب صاحب المحل لقيته قاعد قصاد شباك ازاز وفي موكب كدا عربيات كتير تقريبا تبع حد له منصب معدي تحت الشباك وطلع الشخص دا مخرج وكان بينظم الموكب دا وبسببه بقت المواكب دي بتعدي هنا وعرفت انهم وظيفتين مع بعض انه مخرج وصاحب محل ومشيت انا واختي وكنا لسه هنشترى طرح

اختي اللي كانت معايا متجوزه ومعاها طفلين ولدين وانا انسه وانا اكبر منها الرؤيا كانت قبل الفجر

السلام عليكم
اناعندي حلمين
الحلم الاول لابني عنده 8 سنين لقيه بيقولي انه حلم بشجرتين وهو قاعد في بيت كبير وكل ماياكل شجرة تطرح تاني وتكبر بسرعه
الحلم التاني لصاحبتي شافتني واقفه انا واختي وهي لقيت صندوق كان واحد بيبيعه شكله حلو فاخدته وحطته علي الترابيزة واحنا واقفين نبصله و هي بتقول في سرهاان الصندوق شكله حلو من بره بس هي عارفه ان فيه من حوه دود وحشرات بتطير مقرفه فبصتلي وقالتلي ايه ده انتي حامل وضحكت فضحكت وقلتلها اه حامل في بنت وهاسميها ريم علشان يبقي عندي اروي وريم وبصيت لاختي لقيتها عايزه تاخد الصندوق فقالتلها بلاش ياأسماء الصندوق ده وحش وفيه دوود وحشرات فاختي قالتلها مش مشكله هاخده برضه واناكمان بصيتلها علشان ماتاخدوش لكنها كانت مصممه تاخده وبتقول انه كان بتاعها زمان وهاتاخده تظبطه والحشرات بتطلع علي ايديها وبتحاول تهشها واخدته

رقم 4 ...حلمت انى فى الشارع و معايا واحدة ست تقريبا اختى و قلنا اننا هنروح المنشية يعنى مكان بعيد شوية ..الست دى حاولت توقف تاكسي بس مرتين تحاول و التاكسي يمشي و يتركها ..لسه كنت مسكت الموبايل و بقول لها انى ممكن اطلب تاكسي اوبر لقيتها هى ركبت تاكسي و مشيت و لقيت راجل بيقول لى حاسبى تدوسي على العيش .لقيت ورايا ارغفة عيش زى مايكونو على الرصيف .بعدين لقيت نفسي طالعة بيت والدار الله يرحمها و طلعت شفتها و لقيت والدار و كان معايا علبة و فتحتها كان فيها تورتة بس زى ما تكون مش كاملة فيه جزء متاكل و لقيت كمان التورتة زى الجزء إللى فوق إللى بيكون فيه الكريمة و الشوكولاتة و كده الجزء ده كان مفصول و مقلوب و انا اخدت الجزء ده و رجعته على وش التورتة و ووالدتى قالت لى انتى هتباتى معايا قلت لها مش عارفة اصل ابنى عنده امتحان......
حلمت انى قاعدة فى صالة تمرين تقريبا و لقيت واحدة وقفت جنبي و هى لابسة اسود و قلت يا ترى دى منى صاحببتى و قلت يا منى و لقيتها هى فعلا و كانت منقبة بس عينيها كمان متغطية ...منى فى الحقيقة منقبة ....و لقيت منى بتقول لى بصي رانيا عملت ايه ..لقيت رانيا قاعدة جنبي بس فيه ست بينى و بينها و رانيا كانت كاشفة وشها مع انها المفروض منقبة ...هى فعلا منقبة فى الحقيقة ...لقيت رانيا بتقول لى عليكى بالرمان ..قصدها اكل الرمان ..و قالت حاجة تانية عن نفسها بس مش فاكرة ..الست إللى كانت قاعدة بيننا كمان قالت حاجة و زى كانت مش عايزة اننا نتكلم علشان هى فى النص ..رانيا قريبتى متزوجة و عندها أولاد و بنات ..منى صديقتى كمان متزوجة و عندها أولاد و بنات ...شكرا

رقم 5 ..حلم غريب مش عارفة ده تخاريف ولا ايه ..حلمت ان واحدة قريبتى خطبتنى و انا بتفرج على شبكة الخطوبة فى محل و الراجل جاب لي ساعة لونها دهبي و عجبتنى جدا كانت صغيرة و رفيعة ..و جاب حاجة فيها فصوص زى الماظ و قريبتى دى كانت قاعدة بتفرج و بتبص عليا ..و بعدين فكرت و قلت ليه الاستعجال بلاش الشبكة دلوقت و لقيت ماما الله يرحمها و مشينا و بعدين فكرت و قلت ليه اتجوز واحدة ست انا عايزة أتجوز راجل و قلت انه يبقى زى رامز جلال الممثل ..و شفت شاب زى ما يكون هو ده خطيبي و قاعد جنبي و باس راسي و قلت مش عارفة اقول له انى كنت مخطوبة ولا بلاش و قلت خلاص بلاش .و هو قال لى اننا نتجوز بعد الامتحانات على طول ....قريبتى دى اسمها زى اسم بنتى الكبيرة و هى متزوجة و عندها بنت بتدرس وولد بيشتغل ..شكرا

حلم رقم 6
السلام عليكم و رحمة الله و بركاته
صديقة لى حلمت هذا الحلم بعد فجر اليوم

تقول انها حلمت انها وانا كنت معاها روحنا نشترك في كورس تعليم رسم ثم حصلها مصاب معين مفهمتش اوي في الحلم ايه هو لكن كانت مش عارفة تتنفس خالص و أهل زوجها المتوفى معاها بس محدش قادر يساعدها وبعد ما انتهي المصاب شافت ان انا و هيه راكبين قطار وشافت اختى المتزوجة كانت قاعده علي الصف الشمال و صاحبتى كانت عماله تتفرج من شباك القطر وفجاه افتكرت ان لما حصلها المشكلة أثناء كورس الرسم ده كان ميعاد خطوبتى فخافت أكون لغيت الحفله عشانها فجريت عليا تسألنى فأنا ورتها دبلة فى أيدى و قولتلها هو قالي البسيها من دلوقتي لو عايزه علي ما اجي كأن خطيبى المفروض في محافظة تانية او بلد تانيه و سألتنى هل روحت امتحانات الكليه النهارده قولتيلها اه وسالت في حد شافك قولتلها اه وقالولي مبروك وفرحوا ....و هى لما شافت الدبلة فى ايدى فرحت اوى و بتقول ان وشى كان صافي واموره و بعدين شافت نفسها فى بيتى و ستاير بيتنا كان شكلها حلو الشراشيب بتاعتها كان فيها كريستال ولولي كده و كنا زى ما نكون مشغولين و مزنوقين فى الاستعداد لحفل خطوبة او زواج فقالتلى مش لازم نزين البيت انتوا ستايركم لوحدها جميله وقولت لها انى سالت خطيبى وهو كمان قالى مش لازم اعلق حاجه انتوا الستاير بتاعتكم مش محتاجه

صديقتى زوجها متوفى منذ عام و لديها طفلين
و انا آنسة و بشتغل

السلام عليكم يا ماما
انا بشتغل مدرسه انجليزي ثانوي فى قريه
انا حلمت اني كنت فى القريه دي واصحابي وهم مسيحيين كانوا مروحين وبيقولوا لي تعالي معانا وانا قلت لهم لاء انا هقعد في الاستراحه في الحقيقه احنا اساسا مالناش استراحه بس كان فى حاجه غريبه اول ما ادخل الاوضه ببقي في شرم الشيخ واساسا الاوضه متواضعه جداااا يعني حمام محاره وحيطان الاوضه من الطوب اللبن وفيها حته سقف مفتوح علي السما انا بحب الاماكن المفتوحه علي السما وكنت حابه الاوضه جدااا وبعدين قفلت الباب ونسيت المفتاح فى الاوضه فروحت ادور علي حد يساعدني وبعدين لقيت اوضه هي اوضه الكنترول بتاع الجامعه في المنيا ومالقتش حد وبعدين لقيتني في مستشفي واتارى المستشفي في امريكا يعني كل مبني بدخله بلاقي نفسي في بلد في المستشفي دي ربنا خلي وجودي سبب ان انقذ وحده كانت هتقتل بالسم علي يد وحده تاني بالحقنه اخدتها منها وقلت لها هديها لها انا ورحت رميتها ومشيت وشفت خمس دكاتره رجال ونساء مسلمات كل لبسهم ابيض حتي الحجاب كانوا بيقولوا انهم من خمس ولايات مختلفه وبعدين لقيت نجار فقلت له ان بابي اتقفل واداني ماستر كي مفتاح يفتح كل الابواب وفعلا فتحت قفل اوضتي ودخلت وبابها كان حديد يعني عمدان حديد جمب بعض وبينهم مسافات 
[size=52]انا انسه ومش متزوجه ولا مخطوبه وبشتغل مدرسه وعمرى ما رحت امريكا والرؤيا قبل الفجر وعلي فكره مش حديث نفس او اضغاث حساها رساله مش فهماها بس عاوزه اعرف معني ان كل اوضه عباره عن بلد  [/size]