تفسير احلام يوم السبت الموافق 1\7 ان شاء الله

1
احلم ان يخرج من طفلي شعر من مكان الاخراج وانا مستغربة ثم انا ايضا يخرج مني وانا مستغربه ايضا من اين جاء هذا الشعر وانا كنت اخرجها مني واحده تلو الاخرى

حلم 2 

انا حلمت اني كنت ف مكان غريب معرفوش بس كان مفتوح شويه مش سجن يعني كأنه حاره او حاجه زي كدا وكان معايا واحده ف الحلم صحبتي بس انا ف الحقيقه معرفهاش وكان في راجل كبير ماشي ورانا وعايز يخطفنا او حاجه زي كدا ف احنا كنا بنجري منه وانا كنت عماله اشد ف ايدها واجري وهيا مش بتجري وفضلت احاول اخليها تجري كتير جدا وهيا مبتجريش ف الاخر سبتها وجريت ولقيت مكان كدا واسع وضلمه شويه وعالي اوي السقف بتاعه واخره في شباك وكان في علي حيطه المكان دا سلم عالي اوي غونه احمر هادي تقريبا او حاجه كدا ف انا طلعت علي السلم دا لاخره مع انه كان طويل جدا كأنه كذا دور عماره ووصلت للشباك وكان عليه كذا حاجه حديد ف انا شلت الحديد دا وفضلت احاول اخرج وخرجت منه فعلا وكان تحت في شارع علي مسافه عاليه اوي ف نطيت علي شباك تاني كان جمب الشباك اللي خرجت منه كان بتاع بيت صديق ليا ف الحلم بس ف الحقيقه هو ممثل اسمه محمد عبد المُغني تقريباً وانا عارفه ان المشاهير ف الحلم بتتاخد علي اساميهم بس مش عارفه ايه علاقه دا بالحلم

حلمت انى فى الشارع وكان فيه رجل عجوز كفيف بيبيع زيت زيتون وروحت اشترى منه قالى انه خلص وكان معاه زجاجة خضراء فيها زيت بس دى بتاعته ، وقالى اصبري انا هعطيكى كمية كبيرة 
وكنا منتظرين شخص بيشترى اكواب عشان العجوز يضع فيها الزيت 
واعطانى كوب زيت وقالى ثمنه ٣٦ ج. وانا لقيته غالى وكنت خايفة يكون مش خام
وشوفت معلمتى اللى بتعلمنى قرآن كانت فى نفس المكان وسألتها عن جودة الزيت
قالتلى ده كوبس جداااا ، وانا فاصلت مع العجوز فى السعر ومكنش راضي لحد ما خدته ب ٣٠ ج 
وفتحت محفظتى كان فيها فلوس كتير
امبارح قبل ما انام كنت بقرأ قصة سيدنا يعقوب فممكن عشان كده حلمت بالكفيف
حلم آخر 
حلمت انى سافرت محافظتى وكانت كلها زرع وخضرة وجميلة جدااا وكنت واقفة على كوبرى واسفل الكوبرى كان فيه ماء
والمنظر كان جميل جدااااا ، وطلبت من رجل غريب فى المنام يكون دليلى عشان يوصلنى المكان اللى عايزة اروحه وكان بيساعدنى ومعايا 
انتهى
انسه جامعية وكنت قولت لحضرتك من فترة على الشخص اللى عايز يخطبنى بس فيه مشكلة بسبب اختلاف المحافظات
هو رجع من السفر وخطب بنت تانية 
وانا كنت بعيدة عن ربنا الفترة اللى فاتت ، واليومين دول الحمدلله علاقتى مع ربنا كويسة جدا
بس شوية حزينة بسبب الشخص ده بعد ما خطب

رقم 4 ...حلمت انى واقفة فى النادى نادى سموحة و الأرض مزروعة نجيل و لقيت زى بقرتين او جاموستين ووراهم ولادهم بس شكلهم كلهم كان مختلف يعنى مش شبه البقر العادى كده و كمان طولهم كان زيادة ... بعدين زى حد قال أن الخيول فى النادى هايجين و لقيت حصان بيجرى جامد و كنت سامعة صوت جرى الحصان و بصيت ناحية البقرتين لقيت زى حصان كمان بيجرى و انا خفت جدا و. قلت أمشي من النادى و قلت أروح نادى الجياد اللى جنبنا و اه دى منه و أطلع على الشارع ،،و مشيت شوية جوة النادى و المفروض انى دخلت نادى الجياد و شفت ناس لابسين بدل تايكوندو و مكتوب عليهم كلمة تايكوندو و شفت راجل راكب فوق حصان ..و كلمت ابنى على الموبايل و قلت له يمشي من النادى علشان انا خايفة و قال لى خدى العربية بتاعتى و ارجعى البيت قلتله انا معرفش اسوق عربيتك ولا عربية اختك ..و لقيت ابنى جه و مشينا مع بعض و قال لى عايز يروح الحمام و رحت معاه و هو فتح باب الحمام و بصينا لقينا حصانين و حمار واقفين جنب بعض و ابنى دخل ...انا فى الحلم قلت ان دى حمارة( يعنى أنثى مش ذكر حمار ) و بعد شوية قلت لشوف ابنى طلع ولا لا و فتحت الباب لقيت ابنى قاعد على الارض و المفروض انه قدامه بقرة ولدت عجل بس شكلهم كان غريب و لونهم فيه بقع زرقاء او سوداء ..ابنى كان ماسك العجل الصغير و بيحسس عليه و بيقول لى ده مولود برجلين قلتله طب ماهو عادى ،،،شكرا

رقم 5 ...حلمت انى دخلت العمارة بتاعتى بس شكلها كان مختلف مش زى الحقيقة و لقيت بنت خالتى حورية واقفة و سلمت عليها و قالتلى ايه اللى جابك عندنا يعنى زى ما تكون هى ساكنة فى العمارة دى و انا جيت سكنت معاها فى نفس العمارة ،،،،،طبعا الكلام ده مش حقيقي ،،و قالت لى فيه شقق معروضة للبيع ب 50 و ب 100 جنيه،،، و لقيت جوزها قاعد و لقيت بنتها اسمها منى و سلمت عليها بس لقيتها طويلة أطول منى انا ...هى اصلا طويلة فعلا بس فى الحلم كانت أطول من الحقيقة ..و قلتلهم ابقو تعالو زوروني ...و طلعت شقتى لقيتها متكركبة و قلت أحاول اوضب شوية علشان لما حورية و منى ييجوا. يلاقوالدنيا نظيفة ...و بعدين لقيت حورية راكبة عربية بيضاء صغيرة و ابنها محمد هو اللى سائق و انا واقفة فى الشارع و مشيوا و سابونى و بقول لنفسي لو محمد كان عايز يتجوزنى ما كانش مشي كده و بعدين قلت ده محمد اصغر منى ...و بعدين زى ما تكون حورية بتقول لى انه محمد أكبر منى بسنة و انا سألتها عن تاريخ ميلاده و فعلا قالت رقم قبل تاريخ ميلادى بسنة ... منى متجوزة و عندها أطفال محمد مش متجوز و عنده حوالى 30 سنة .....زوج حورية مريض ...شكرا

الحلم رقم ٧
السلام عليكم .يا ماما ده حلم اختي .. هي حلمت خير اللهم اجعله خير ان هي طلعت من ودانها مشمشاية وزي ما يكون ارتاحت ازي وهي بتطلعها..
انتهى الحلم هي متزوجة وحالتها الدينية متوسطة الحمدلله