تفسير احلام الاربعاء 6\8\2014 باذن لله

الحلم رقم 1

ازيك يا ماما يارب تكونى بخير

انا حلمت ان انا رايحة لبيت جدتى ام ماما وهى متوفية بقالها 6 سنين وهى شاورتلى من البلكونة انى اطلعلها و طلعتلها هو مكنش بيتها بس هو بيت هى قاعدة فيه وكانت حاطة المخدات فى البلكونة بتهويها وبتروق الشقة ولما طلعت لاقيت عندها قطط فى الشقة تيتا ادتنى ازازه سفن اب فاضية وقالتلى اروح أجيب واحدة بدالها نشربها من واحد على الناصية اسمه هانى ونزلت جبتهالها و طلعلها تانى لاقيت القطة الصفرا خرجت وفضل قطة رمادى غامق وانا ماخوفتش ودخلت قعدت مع تيتا ونفضت معاها الشقة وانا بنفض لاقيت صراصير على الحيطة موتها و وقولت لما اروح هبقى اقول لماما تبقى تيجى تنضف لتيتا علشان حرام نسيبها لوحدها

انا انسة 27سنة مش مرتبطة ولا مخطوبة و مش بشتغل و قبل ما انام كنت بدعى ربنا انه يتوافنى وهو راضى عنى وان يومى يكون قبل ابويا وامى و صليت الفجر و قريت جزء من سورة هود و سورة تبارك كلها ونمت بعدها وانا الحمدلله ملتزمة فى الصلاة

الحلم رقم (4)
حلمت ان انا فى تالته ثانوى ونجحت فى تانيه ثانوى بمجموع كبير بس جيت لقيت نفسى فى تالته مخدتش دروس طول السنه لحد شهر المراجعه أقعد ادور على مدرسيين عشان الحق اراجع معاهم ودايما بيكون عربى وانجليزى المادتين دول وبروح لاستاذ اسمه ثروت الشبراوى عشان الحق اتفق معاه والحق المراجعه اخر مره قالى انتى مخدتيش من اول السنه دروس قولت لا انا السنه الى فاتت خدت درس وجبت درجه حلوه انما السنادى مخدتس وخايفه مجموعى يقل قالى متخافيش ممكن نلحق وورانى المزكرات قولتله بس هلحق احفظ قال انا مبعتمدش على الحفظ هنراجع كله بس بفضل اقول فى الحلم انا دخلت صيدله طب لو مجبتش مجموع فى تالته هل هفضل فى صيدله وﻻ مش هكمل فيها يعنى ببقى عارفه انى دخلت صيدله فعلاااا زى الحقيقه بس خايفه لو مجبتس مجموع فى تالته مكملش فيها او اطلع منها

5
السلام عليكم .. حلمى ملخبط وﻻ اعلم ان كان يحمل معنى ام تراكمات ضغوط الحياه..حلمت انى ماشيه فى شارع وكان قى محل عارض قطه ابيض ف برتقالى وكانت بتتمطع وبعدين لقيت محل قطط اخر وكان ملك لعمتى فاتن قططها صغيرة عجبتنى قطه ودخلت لعبت معها وكانت صغيرة ولذيذة ﻻ تخربش وﻻ اى شئ...جزء تانى رأيتنى فى ملجأ اطفال وواقفه مع طفل اعتقد مكنش محبوب بس حسيته مقهور او مظلوم كنت بسمعله وقلت له انى هاجى ازورة وهجبله موبيل عشان ابقى اطمن عليه وتركته وكنت واقفه على ارض خضراء عشبيه جنينه الملجأ وفجأة الدتيا مطرت مطر حلو اوى وكان به قطع تلج صغيرة ولم يكن للجو بارد وانما كان حلو اوى وانا كنت بطير وانط فى الهوا وارمى نفسى على اﻻرض من حلاوة المطر وبعدها كنت عوزة اصلى العصر كنت متوضيه قبل ما اروح الملجا بس بعدين خفت انى اكون لعبى مع الطفل نقض وضوئى وبعدين كأن حمادة هلال دة مغنى كان واقع على اﻻرض وانا بسأله هو الطفل كدة نقض وضوئى ..فاستخف بسؤالى ﻻنه واقع على اﻻرض وانا غير متأثرة ولكنى اقكر بالصﻻة..فقلت فى نفسى هصلى اما اروح...بس عمتى متزوجة وعندها اوﻻد .ﻻ ارتاح للتعامل معها .تعاملى معها سطحى .الطفل ﻻ اعرفه .انسه ملتزمة..عندى مشاكل اسريه ودائما عقلى منشغل بالماضى ومشاكل الحاضر

عندى سؤال وليس حلم
بقالى فترة كل اما انام احلم بمشاكل فى بيتى مع اهلى وضرب وبكاء وزعل وهكذا ..انا عندى فعﻻ مشاكل لكن ليس بشدة ما اراة فى منامى ..هل هذا اضغاث ؟؟ام قد يكون لمنامى معنى .هذة اﻻحﻻم تسيطر على بشدة حتى انى ارغب ان استخير الله فى امر وﻻ اعرف ﻻنى برضة احلم بهذة المشاكل..ماذا افعل حتى يهدأ عقلى واصير طبيعيه مع العلم اقرا اﻻذكار وقران قبل النوم

الحلم رقم6

والدتى حلمت ان  واحد جارنا ايام بيتنا القديم هو ومراتة عندنا  واحنا كنا خارجين انا وماما وبابا  واخواتى  وجارنا ومراتة فماما بتلبس هدومنا وبتثبت الطرحة ع دماغها الطرحة مش عاوزة تظبط ابدا  فاامى عمالة تعجيبها شمال ويمين مش مظبوطة ابدا  ومرات جارنا عمالة تفتح دولاب ماما وتحط ف هدوم وتطلع هدوم  فماما مستغربة ان ازاى مرات جارنا تفتح الدولاب وتشيل وتحط هدوم يعنى  مستغربة من جرئتها فماما اضيقت وعمالة تعدل ف طرحتها عشان تخرج فمش عرفة تظبطها فماما عملت الطرحة بطريقة وحشة وباباقال لماما ان الطرحة حلوة مش وحشة راحت ماما قالت لبابا جارنا ومراتة وانزل انت وابعتلى  اختى الوسطية  عى اللى هتظبطلى الطرحة وانتهى

الحلم رقم 7

اختى حلمت ان ف اسد بيجرى وراها  ف شقتنا وهى بتجرى شافت ماما واخويا الكبير  قعدين وبيتكلموا عادى  واختى دخلت الحمام تستخبى  من الاسد وبتقول لماما   واخويا الحقونى وقفلت باب الحمام عليها راح الاسد كسر  الباب  عليها  وبصتة كانت وحشة وضرب اختى ف وشها ووقعت ومام اواخويا مش عرفوة يعملولها حاجة



اختى دى عندها 16 سنة