تفسير احلام الاربعاء 14\5\2014 باذن الله

[/center]

2

حلمت خير اللهم اجعله انى زى ما يكون مسافرة امريكا وقاعدة بجهز فى اوراقى وواز سفرى بس زى ما يكون كنت ملخبطة واوراقى ملخبطة ومش عارفة اظبط اوراق لجواز سفرى فقولت كده مش هينفع اسافر وامورى ملخبطة فلقيت بابا جاى يقوللى انا ظبطتلك ورقك متقلقيش يلا بينا بقا فانا فرحت وروحت اتوضيت وضوء كامل وروحت غاسلة اسنانى كويس وروحت بقا عشان البس فبفتح الدولاب لقيت بلوزة كده برتقالى او بلوفر يشبه بلوفر عند اخويا فروحت لابساه بقا وخرجت مع بابا (انا كتيير بحلم انى بلبس لبس باللون البرتقالى ده معناه ايه ) ونزلت معاه بقا وركبنا عشان نروح المطار بقا بس كده 


ومعلش منام كمان كنت شفته ونسيت اقوله 


خير يارب انى خرجت وزى ما يكون كنت بدور على ايشارب ابيض كنت قلعته وعايزة البسه تانى فروحت ادور عليه فى كذا مكان ملقيتوش فقلت طب احاول اجيب واحد جديد بقا وفعلا روحت اتفرج فى المحلات فمكانش معايا فلوس ووانا ماشية كان الكوتشى اللى فى رجلى رباطه سايب شوية فوقفت وربطته كويس على رجلى لحد ما ظبط عليها وونا خارجة من منطقة المحلات لقيت امى جاية تقوللى خدى الايشارب بتاعك اهو انا لقيته فقولتها كويس ده انا بدور عليه والله وخدته منها وفرحت انى اخيرا لقيته وبعدها دخلت انا وماما محل حلويات وكنا عايزين نشترى حلويات وبنختار بس كده 

6
السلام عليكم يا ماما نجيه..
امبارح بعد المغرب نمت وحلمت حلم لما قمت مكنتش فاكره اي حاجه منه غير ان كان في وحده ست في الحلم (مش قادره احدد هي مين ) المهم كانت معاها ثمرتين حمر. انا كنت فاكراهم تفاح. وراحت مديانى واحده وخلت التانيه ليها. لما اخذتها وباتفرج عليها لقيتها رمانه مش تفاحه.



من كام يوم شفت جراب موبايل لونه على دهبي مطرز بالتطريز بتاع سينا او فلسطين . يعنى الحاجات المشغوله الحلوة دي. وبرده حد بيدهولي بس مش فاكرة مين. ياتري ده ايه؟؟

انا انسه غير مرتبطه وباشتغل وباعمل دراسات . وكان معروف عنى انى مجتهدة قوي و بحب شغلى ودراستى بس بقالي فتره وانا عندي حالة خمول و زهق  مش عايزة اعمل اي حاجه و فقدت الحماس اللي عندي.

كمان النهارده لقيت حاجه غريبه . كنت سيبه المطبخ زي الفل . رجعت لقيت على الدولاب و الحيطه وولرا الصوانى كمية نمل غريبه معرفش جت منين. والدولاب لا كان عليه اكل و لا حاجه. ايه الموضوع ؟

حلم رقم 7

حلمت يا ماما نجية كاني فى مكان وهنالك واحد بيمثل انه انور السادات والتاني بيمثل جمال عبدالناصر ومعلش ايه معنى اني الاقي كابوريا فى الحوض وجواز سفر فى الثلاجة بتاع حد اسمه خالد

حلم رقم 8
انا حلمت ان روحت زي مكان مهجور وقديم كده وانا كنت مبسوطة بالمكان ده وكان معايا بنت عمتي الكبيرة وعمالة اهبد علي الارض بايدي وبقول الارض دي مفيهاش حاجة تأذيني فوجئت بذئب لونه رصاصي  ادامي انا وبنت عمتي واتهجم علينا ومحسناش الا لما لقينا نفسنا عند ست كبيرة في بيتها وانا نايمة علي سرير وبنت عمتي نايمة علي سرير والست دي نقذتنا يعني وجابتلي ازازة مية وبنت عمتي ازازة مية وبيت الست دي كان حواليه ذئاب والبيت كان في المكان المهجور اللي كنت فيه في الاول فببص من بلكونة بيت الست دي لقيت الذئب اللي اتهجم علينا واقف وبيبصلي بس مش قادر يقرب من البيت المهم دخلت وفتحت باب الشقة لقيت ذئب تاني لونه ابيض داخل وداخل يزق فيا وانا خايفة منه احسن يتهجم عليا زي التاني بس الست قالتلي متخفيش ده مش مؤذي وفي الحلم الست دي كان عندها كلاب موقفاهم عند البلكونة وقالتلي متخفيش طول ما الكلاب دي موجودة برة الذئب مش هيقدر يقربلنا تاني
مع العلم ان انا وبنت عمتي دي مبنكلمش بعض وعلاقتنا ببعض مقطوعة

9
السلام عليكم ورحمه الله

انا حلمت امبارح انو كان معايا عربيتين تسوق بتوع المولات الكبيره وواحده فيهم حد حاطط حاجته معايا مش فاكره المهم ومستنيه القطر يجي المهم انا حاولت اطلع على رصيف القطر قبل ما يجي معرفتش وجه بعدها بسرعه تمام وانا بطلع العربيتين لقيت اللي قبلي كانت انجي وطابور وانا بعدها وهي كانت بتطلع في عربياتها للقطر وكان فيه حجات تانيه بس مش فاكره خالص

انجي دي زميلتي وانا في الجامعه .. واتخطبت من 4 شهور وكتبت كتابها من اسبوعين
انا امبارح صليت صلاه الحاجه واترجيت ربنا ان يبعتلي اشاره دعائي استجاب

سؤال ... هو ايه الاخبار عن طلب بتاعي ...

حلم رقم 10
حلمت خير الله ما اجعله خير ان انا فى مسجد وبصلى ومفروض فى واحده بتقرا قران وانا بقرا وراها مهم زعقتلى وقالتلى بتلغبطينى وبتغلوشى رحت انا زعلت وقلتلها فى ايه بصلح نطق عندى ونحيه تانية فى رجاله بيصلوا ومعاهم واحد اسمه حسن رحت قلتله ولا ايه يا شيخ فيها ايه لما اقرا معاها واصلح نطق ورحت زعلت وكنت هامشى راح حسن ده جرى ورايا وقالى ماتزعلش ورجعنى تانى مهم بقى لقيت نفسى كده فى مكان انا واخنى واحنا كنا قاعدين نتصور بالموبيلات وفرحانين وبت خالتى قاعده وزعلانه كده رحت قلتلها ماتزعليش واللى جاى جميل ان شاء الله وخلص حلم
اختى فى ثانوى عام وهى انسه
وانا مطلقه وبشتغل
وبت خالتى مهندسه وانسه

وانا حاله دينيه كويسه بصلى وبصوم ايام دى
وجزاكى الله خير ماما نجيه