تفسير احلام الاربعاء 4\6\2014 باذن الله

4
 اسلام عليكم ورحمه الله

انا حلمت اني كنت في صيدليه وجت زميلتي الصيدلانيه .. وكانت مبسوطه اني بقيت صيدلانيه وكده وكانت بتشتغل معايا وبعدها لقيت امل داخله الصيدليه سلمت عليها لاني من زمان مشفتهاش وشاورتلي على دواء حساسيه قالتلي انها عايزه من 3 شركات محتلفين واخدت العلبه الكبيره وكان فيه اسم شركه مش فاكره اسمها كويس وزميلتي قالتلي اسمها بالزبط .. وفي حاجه تانيه شفت سيد معاه علبه فيها 6 او 8 ازايز صغيره حليب للاطفال او سيرلاك ومش فاكره انا قلتله ايه


انا انسه
امل اللي شفتها دي كانت زميلتي ومعرفش عنها حاجه من اكتر من سنه
سيد ده الشخص اللي بتمناه وبصلي ليل نهار عشان ربنا يقربهولي
امبارح مصليه صلاه الحاجه .. وفيام
زميلتي الصيدلانيه .. اخدت اجازه عشانهي حامل ومش هترجع الا بعد ما تولد وده بعد سنه على حسب ما عرفت

الحلم رقم ( 6 )
الحلم ده لاخويا ( شريف ) ياطنط الى كان عمل عمليه في رجله في السعوديه .. انا حكتب لحضرتك الحلم زى ماهو بعتهولى حكتبه لحضرتك ع لسانه ..
حلمت خير اللهم اجعله خير ان انا زى ما يكون في بلد غريبة ولقيت كل الى حواليا حيوانات كبييييرة أوى هايجه في كل المكان وكل الناس عماله تجرى ولو حيوان من الحيوانات دى جه على انسان حيفرمه .. فضلت ادور على مراتى مش لاقيها لقيت زى ناس كده بس هما مش بشر هما ناس على هيئة غريبة لابسين أخضر فضلت أقولهم ساعدوني أوصل لمراتى فلقيت راجل منهم ساعدنى أوصل لمراتى فلما وصلتلها لقيتها قاعده بين ( 2 رفوف ) كده اخدتها وطلعنا من البيت الى كانت قاعده فيه ... لقينا كل الفنادق بتتهدد من حوالينا والجبال بتتحرك اهوال يوم القيام فأختى ( شذا ) قالتلى خلاص ياشريف أزفت الآزفة والقيامه خلاص والى عمل في دنيته خير حيتجازى خير والى عمل شر حيتجازى على عمله ... بس

رقم ٧
  رايت انني بين اناس اعرفهم ثم ذهبت الى اصنصير اي مصعد وعندما اغلق الباب كنت اريد الطابق الاول فصعد بسرعة رهيبة ثم نزل بي بقوة للاسفل فلم اجد من ينجدني فناديت ياالله ثم توقف بي ووجدت المصعد تحول الى صندوق خشبي مغلق كانه لحد ناديت الناس في الخارج فلم يسمعوني ثم قررت كسر الخشب بيدي فكسرته حتى خرجت .
 متزوجة ومتعبة نفسيا في الفترة الاخيرة

حلم رقم 8
والدتي حلمت ان هي وانا روحنا لبيت عمتي في شقتها القديمة فاحنا دخلنا واعدنا في اوضة علي سرير جمب السرير ده حنفية مية فعمتي قدمت لماما طبق مكسرات ماما اكلت المكسرات وقامت غسلت ايديها من الحنفية اللي كانت جمب السرير وماما كانت خايفة احسن الاوضة تغرق مية من الحنفية وعمتي كانت مبسوطة وبتضحك وطلعت برة علي السلم واعدت تنادي وتقول انتوا يا جماعة ياللي بتعملوا فلفل وبتنجان ابعتولي فلفل وبتنجان ومحدش عطاها ولا عبرها فراحت دخلت الشقة بتاعتها تاني
عمتي احنا في مشاكل معاها ومفيش علاقة بينا وبينها دالوقتي خالص

9

حلمت خير اللهم اجعله خير يارب انى واقفة فى الشارع عادى وفجأة لقيت سحابة دخان اسود جاية فوقى وكنت خايفة لا تنزل بدخانها عليا وتؤذينى فطلعت اجرى لدرجى انى من كتر الجرى طرت وبقيت بطير لفوق لحد ما طرت فوقها وبعيد عنها كمان وبعدين نزلت فى مبنى كده لقيت فيه شاب اسمه يعقوب وشكله يشبه ممثل مشهور فقولتله ممكن تشيلنى فوق ظهرك وتطير بيا بعيد عن السحابة والقلق ده فالاول كان مش بعد عنى وحسيته رافض بعدها وافق وراح شايلنى على ضهره وقاللى انا معايا زجاجاة خمرة كبيرة شيليها معايا وامسكى فيا كويس وفعلا حملنى على ظهره وطار بيا فى الاول نزلنا فى بيت مش ارتحنا فيه وبعدين نزلت فى بيت خشبى كده بسيط واهل البيت ده رحبوا بينا فيه بس مش عارفة زجاجاة الخمر اختفت راحت فين وببص بره البيت البيت لقيت مجموعة ذئاب وناس جايين يضربونا وملمومين حوالين البيت اللى استقرينا فيه بس انا والشخص اللى اسمه يعقوب ده كنا بنحاول نتخلص منهم وغلبناهم واصبح الجو حوالين البيت هادى ومفيهوش خطر ... بس كده 


ومنام كمان قصير خير 
انى لقيت شاب قاعد يبص ويتفرج على شعر كذا بنت فانا كنت بشوفه بيعمل كده فكنت عايزة لامواخذة احلق شعر راسى واشيله تماما فلقيته بيقوللى استنى سيبى شعرك انا هاجى وعايز اشوفه فقلت فى بالى يعنى هو شاف قبلى شعر بنات كتير ولسه عايز يشوف شعرى !! بس كده