تفسير احلام الاربعاء 25\6\2014 باذن الله

حلم رقم 1 

الحلم دا لصحبتى  هى حلمت انها وقفه مع بابا عند تاتا فى الشارع وفى واحد عند تاتا ساكن فقيهم بس فى مبينه ومبين تاتا مشاكل والرجل ده جايب عربيه بس لونها نبيتى زى بتعتنا وبعدين جت واحده اموره اوى وركبه خيل وهى اول ما شفت الست خافت واستخبت فى الحوش وبعدين الست راحت شيله الخيل على رقبتها راح صغر وهى اول ما شفته راحت جاريه على فوق بس الست كانت قموره ولبسه حلو اوى

حلم رقم 2
سلام عليكم انا اتقدملي حد وصليت فيه استخارة بس حلمت اني كنت مع اصحابي في حفلة والمسرح وقع باللي عليه والارض كانت مليانة خشب متكسر وكانت الارض طينية وكان في دهب كتير في الارض وانا اخدت منهم خاتم واسورة ولبستهم ده اول حلم بس مش حصل نصيب وبابا رفض الموضوع وانا لحد دلوقتى علي صلة بالشخص ده وحلمت ان انا واهلي سافرنا في مكان غريب وقابلنا ناس في مدخل بيت مش كنت اعرف حد منهم اللي عرفتها وكلمتنى كانت اخت اللي كان متقدملي واخدتنى انا وماما واختى من المدخل وطلعنا سلالام ونزلنا لقينا نفسنا في المسجد النبوي ولقيت رجالة قاعدين في المسجد وانا مش كنت اعرف انه مسجد ولقيت نفسب بقولهم ليه مش قولتوا اننا في مسجد خلتونى دخلت بالجزمة وخرجنا من المسجد روحنا بيتهم وانا وماما كنا في اوضة لوحدنا لينا بس كنت بحس ان في حد بيراقبنى من ورا الباب والاوضة اللي كنت فيها كان فيها اكتر من باب وكل باب وراه باب تانى وحسيت انه اللي بيراقبنى ده ابن عمه وحلمت حلم تانى عن استخارة انه بيسرح ليا شعري بالمشط الخشب بتاعى انا انسة مسلمة وملتزمة الحمد لله ولا اعمل والشخص اللي كان اتقدملي بيشتغل بس في السعودية انا في بلد وهو في بلد تانى خالص

3

السلام عليكم ورحمه الله 

انا حلكت اول امبارح ان واحده بتسالني هو باباكي ومامتك مش هيبقى عندهم حفيد ..فرديت بكل ثقه عمياء رهييييبه .... لا متخافيش السنه الجايه زي الشهر دخ هبقى في اول شهر حمل .....
مش عارفه الست دي تبقى مين ...

4

انا حلمت خير يارب انى بجرى من ست مسيحية بتجرى ورايا خايفة تعمل فيا حاجة وحشة وكانت عايزة تاخد فستانى ووانا بجرى فجأة طلع قدامى حرامى كان شاب يشبه الممثل احمد مكى تقريبا ولقيته خطفنى وجرى بيا ولقيته راح مدخلنى قصر كبير وقعدنى فيه وكنت كل ما احاول اخرج يمنعنى وفى نفس الوقت يحمينى من اى حد بيجرى ورايا ويضرب اى حد يحاول يهجم ع القصر اللى حطنى فيه ويدافع عنى وبعدين بقول يعنى يوم يوم ما اقعد عند واحد ويبقى شاب شكله كويس يطلع حرامى !! وخاطفنى بس كنت فى نفس الوقت عاجبنى ومرتحاله بس قاعدة بقول انا يوم ما ارتاح لحد يطلع حرامى وشكله رئيس عصابة كمان وعنده قصر كبير ومليان سلاح بتاعه !! وبعدين لقيته خدنى وراح معايا بيتنا وقاعد معانا وانا وقتها جيت افتح الراديو لقيت الفجر بيأذن فقولت كويس اهو نبقى نصليه بالمرة طالما صاحيين وكنت بروق البيت حواليا وكان نضيف ... بس كده 

الحلم 07
السلام عليكم قبل ما انام دعيت ربنا كثير جدا ان يرزقني شخص معين زوجا صالحا و بعدها نمت شفت اللهم صل على سيدنا محمد اني في الحرم المكي و كان يوم 9 ذي الحجة يعني يوم عرفة و كان الحرم مليان ناس فقلت في نفسي لما كنت اشوف الحرم في اليوم ده في التلفزيون بيكون فاضي و كانت الناس كلها قاعدة وةمفيش حد بيطوف فسمعت الامن بتاع الحرم بينادوا على الناس علشان تطوف فرحت انا و طفت بالكعبة الشريفة و قبلت الحجر الاسود بكل سهولة زي ما اكون اطوف بالكعبة لوحدي و مش فاكرة قبلت الحجر مرة و لا مرتان المهم اني قبلته . ربنا يرزقنا زيلرتها و تقبيل الحجر الاسود و ما يحرمنا من زيارتها ابدا ما حيينا . انسة- اقرا سورة البقرة و اقيم الليل بها . بارك الله فيكم و جزاكم الله خيرا

الحلم رقم 8      

حلمت اني جالسه مع بنت عمي عزه في مكان واتت امي المتوفيه وهي تضحك وقالت لكل الجالسين اني ولدت الحمدالله ولد وانا لم اكن في المنام حامل فقلت لها يا امي انا مش حامل ومش ولدت فانتي بتقولي كده ليه فابتسمت  معلشي ياماما نجيه حلم تاني وحلمت برضه قبلها بيوم ان في واحد بيوزع شهادات تقدير وحصلت علي المركز الثالث                           انا متزوجه وعندي بنوته