تفسير احلام الاثنين 28/7/2014 باذن الله

الحلم رقم (1)
حلمت انى بقول لواحده صاحبتى اسمها هبه أنا عايزه صنادل بنتك قالتلى ليه قولتلها ملكيش دعوه .. وفعلا ادتهملى كلهم وكانوا لونهم أبيض وكلهم جداد بس موديلاتهم غير الحقيقي

الحلم رقم2
 ازيك يا ماما نجيه وعيد سعيد عليكى يا رب انا حلمت انى داخله اشترى خاتم عاجبنى وجوزى معايا فى محل دهب بس الراجل قالى ده مش دهب وجرامه ب16 جنيه وكنت بقيس عشان بيجبلى واحد مقاسى مسكت واحد لبسته طلع صغير بس جابلى مقاسى ولبسته ولاقيت بنتى الصغيره بتصحينى ومشعارفه ازاى محل دهب بيبيع اكسسوار انا متدينه ومعايا بنتين وفى انتظار حمل ادعيلى لانى كنت كتبتلك حلم وبشرتينى انى حامل وجاتلى الدوره ومطلعش حامل يلا الحمدلله

3
ازيك يا ماما نجية عاملة ايه وعيد سعيد عليكي يارب 
حلمت ان موبايلي رن وماما هي اللي ردت والشخص اللي بيتصل  هوه عمل نفسه اتصل غلط وبعدين نزلت انا واختي الشارع وشفت الشخص اللي اتصل  وفجأة المطرة مطرت وانا فرحت جدااا ومصدقتش لان في الحلم كنا في العيد برضه وفي الحلم كنت بتمني من قبل العيد ان المطرة تمطر في العيد  وبقيت مبسوطة جدااا 
وخلص الحلم علي كدة مع العلم ان الشخص اللي اتصل في الحلم ده بيحاول يتقدملي زي ماحكيت لحضرتك قبل كدة كل اما ينوي يجي تحصل حاجة بس هو حدد ميعاد تاني في العيد وان شاء الله خير بشريني يا ماما نجية

حلم 4

والدي حلم ان هو كان في اوضتي انا واختي وستي كانت موجودة وبابا حاطط راسه علي رجليها وجدي كان في كنبة جوة نايم عليها ولابس فانلة نص كوم بيضة ففي حد من اخوات بابا او بنات عمه  مش فاكر بالضبط داس علي بابا وهو بيعدي بس الدوسة وجعت بابا راح بابا قرصها قرصة جامدة اعدت تعيط بصوت عالي وبعدين جدي قام من النوم وراح اتوضي

5
كل سنة وانتى بخير ياماما ويارب تكونى دايما بخير وسلامة 
امبار حلمت خير اللهم اجعله خير يارب انى واقفة فى مكان زى قصر كده ولقيت شعرى طويييل جداااااا واصل لبعد ظهرى ورجلى تحت وتقيل وكان شكله حلو وكان متعلق فيه توكه كده قلت هبقى اربطها كويس المهم لقيت ااناس اللى فى القصر ده بيحوشوا عنى بنت شابة عايزة تقص شعرى الطويل ده او تحرقه لان زى ما يكون كان نفس الشعر ده عندها وبقا على راسى حاليا وهى ع الرغم ان شعرها كان طويل برده بس كان شعرى اطول بكتير وكان اتقل 

ومعلش كنت شفت منام من يومين كنت شفت انى جبت مكيف ماركة غالية وحلوة وظبطته تظبيطة معينة فلقيت اختى الكبيرة المتزوجة عندها زى واخوه بالظبط ونفس الماركة وبتسالنى اظبطهولها زى بتاعى وفعلا اتظبط وكنا احنا الاتنين مكيفاتنا زى بعض بالظبط

الحلم رقم6
حلمت اللهم اجعله خير ان انا شايفه دود ابيض كتير او صراصير صغيره اوى اوى ولونه ابيض مش فاكره (انا اسفه على القرف) وبعدين لقيتهم نزلين على ايدى اوفى كوبايه وبعدين قلت لاختى لاء دول نزلين من السقف وكنت لسه هبص على السقف علشان اشوفهم اد ايه فروحت صحيت من النوم وخلص الحلم وانا فى الحلم اختى كنت بكلمها بس مشوفتهاش 
وفى حلم تانى معلش انا اسفه حلمت ان انا راكبه انا وخطيبى عربيه وانا اللى كنت بسوق وهو قاعد جمبى وبعدين انا مكنتش عارفه اسوق فقلت لخطيبى انا مش عارفه اسوق قولى ازاى اسوق اقصد يوصفلى ازاى اسوقوبعدين كان فى عربيه قدامى وبعدين زى ما يكون عملت كلاكس  وبعدين مش فاكراه هو قام وساق مكانى ولا ايه وخلص الحلم على كده 
انا مخطوبه وحالتى الدينيه متوسطه

الحلم رقم8
انا حلمت ان اتخطبت  لشخص اصغر منى واقصر منى   وف الحلم عدى فترة مكملتش اسبوع وكنت مضايقة من الخطوبة دى اوى عشان العريس اصغر واقصر منى   فكنت عاوزة اسيبة واقلع دبلتة فقولت لماما ماما قالتلى واية يعنى ادى لنفسك فترة فزعقت لوالدتى ف الحلم وقولتلها مش هصبر انا لازم افسخ فماما قالتلى استنى شوية حتى يعدى اسبوع ع الخطوبة دة انتى مكملتيش اسبوع خطوبة وانا ممكن اتعب لو فسختى الخطوبة  وعاوزة افرح بيكى  وف الحلم كنت لابسة دبلة فبقول لماما انا لازم افسخ واقلع دبلتة  وبابا كان قاعد معانا فبابا قال  لماما سيبيها براحتها ففى الحلم كنا رايحين مشوار فماما اتصلت بخطيبى اللى ف الحلم عشان ييجى معانا  وع اساسة نتكلم انا وهو ونحاول نقرب من بعض   عشان مش افسخ الخطوبة فانا اضايقت اوى من ماما وعتبتها انها كلمتة ييجى معانا
انا انسة