تفسير احلام الاثنين 21\4\2014 باذن الله

رجـــاي الإلتـــــــــــــــــــــزام بالترقـــــــــــــــيم














وحلم واحد لكل عضوة














وربنا يجعله في ميزان حسنات ماما نجية ان شاءالله [/center]

الحلم رقم 1
بابا حلم ان هو كان ف بيت جدتى ولاقى عمة جايب سمك وعطى السمك لجدتى وخالة بابا عشان ينضفوا ونضفوا وسابوا لبابا سمكة بلطى كبيرة اوى فبابا سال عمة وبيقولة السمكة دى بكام قالة ب7 جنية  لكن بابا قالة بس السمكة دى  تيجى سعرها من 17 الى 20 جنية  فبابا مسك السمكة وبيفتحها ملقاش فيها حاجة خالص غير اتنين بطروخ بس كدة
مع العلم ان عم بابا وام بابا واختها  متوفيين

الحلم رقم2
اخويا حلم ان البنت الي بحبها ورتيني خاتم كانت مامتهاا جيبهولها وشافته وعجبني اوي وكان عباره عن خاتم دهب وفيه فصوص الماظ فانا اخدته منها قولتلها خليه معايا وحجبهولك تاني وكان معايا 2000 جنيه وقولت انزل اجبلها بيهم خاتم تاني ونزلت فعلا اجبلها خاتم يبقا فيه شبه من الخاتم الي مامتهااا جيبهولها واخدت الخاتم بتاعها ونزلت اجبلها خاتم شبهه ونزلت عند بتاع دهب قولتله انا عاوز خاتم يكون فيه شبه من الخاتم الي معايا بتاعها الي كنت واخده منها فا الراجل طلعلي خواتم كتير فيهم شبه من بتاعها وانا قعدت اتفرج لدرجة اني بعد اما اتفرجت حسيت ان الخاتم بتاعها الي معايا اتلغبط ما بين الخواتم الي اتفرجت عليهم وحسيت ان الخاتم الي معايا مش بتاعها واتلخبط فقولت اتصل بيها اسالها علي شكله بس ومتصلتش وصحيت


الظروف ان هو بيحب البنت دى وكان نفسة يخطبها ولما راح يخطبها حصل مشاكل  بين ابوها وابوة  والموضوع اتقفل مش بيتفتح بس اخويا بيكلم البنت عادى

حلم ٤
حلمت اني اريد دخول غرفة رقمها 3344 ثم رايت مصعد واسمع صوت خادمة البيت تقول انه هالمصعد للطوارىء لاتدخليه ادخلي المصعد العادي ثم كاني امشي ببطء مع ابناء اقاربي واتبعهم بفندق ورايت كانهم بغرفة تحليل دم فلم اكن اريد ان احلل دمي.

الحلم رقم 7
حلمت اللهم اجعله خير ان انا كنت مع واحده صاحبيتى وان ااحنا لسه فى الدراسه وبعدين انا كنت بسائلها هى ذاكرت ولا لاء قالتلى لاء وبعدين احنا كنا فى بيت ولسه كنا هنخرج من الباب راحت هى قالتلى يلا نخرج من هنا رحنا طالعنا على سلم والسلم ده كان كله قطط بس القطط مش عملتلنا حاجه القطط كانوا بينزلوا من على السلم واحنا بنطلع على السلام وبعد لما طلعنا لقيت صرصار ماشى وراى وبعد كده لقيتوا لزق على جيبنى وبعدين راحت انا قتلته على جيبينى ونزل دم على منديل بس مش دم احمر كان لونه فوشيا كده وخلص الحلم 
انا انسه وصاحبيتى متزوجه واسمها شيماء وانا كمان اسمى شيماء واحنا الاتنين مخلصين دراسه من زمان

8

حلمت خير اللهم اجعله خير يارب انى ماشية فى محافظة القاهرة لوحدى كده وكنت زى ما يكون رايحة مكان معين بس وانا ماشية كان فى ايدى موزة فلما قشرتها لقيتها عبارة عن 3 موزات صغيرين لازقين فى بعض بس كأنهم فى موزة واحدة المهم قشرت ولقيت التلاتة لازقين فى بعض وبدأت اكل الاولى وبعدين التانية ثم التالتة بقا بس كده 


معلش منام كمان شفته امبارح 
اللهم اجعله خير حلمت انى عايزة اشترى مقبض لباب الشقة فروحت للبياع اللى بيبع الحاجات دى فقاللى عايزة مقبض بمفتاحه شكله عادى بتمن عادى ولا شكله مميز وهيكون اغلى شوية فقلتله مش عارفة اصل ممكن ميكونش معايا تمن الغالى خلينا فى المقبض العادى فلقيته بيقوللى طب شوفى الغالى بس واتفرجى واحكمى فشفته لقيته لونه برتقالى كده فلقيت اختى الكبيرة بتقوللى لا هتاخدى الغالى وفيه مفرش برتقالى جاى معاه اهو هتعلقيه على الباب ولقيتها طلعت مفرش زى ما يكون كان متخزن عندنا من زمان وبتنضفه من التراب وبتقوللى هاتخديه هو والمقبض الغالى البرتقالى وكان المقبض مكتوب عليه اسماء الله الحسنى كده فقعدت اقولها بس انا مش بحب الحاجات الغالية الاوفر وكنت هبقى مرضية بالمقبض العادىالبسيط  برده قاللتلى لا هتاخدى الغالى والمفرش بتاعه اهو فقلت خلاص بقا هاخدهم بس مكانوش يعنى فى نيتى من الاول بس كده ...

الحلم رقم 10
اختى حلمت  انها كانت هى وبابا وماما  ف شقتنا القديمة   وبابا قال لاختى  همشى ليكى ع العريس  صاحب اخوكى  فاختى زعقت جامد وقالت لا    وقالت انها محدش هيجوزها غصب عنها  وبعد كدة اختى قالت  تقوم تلبس  وتنزل عشان تشوف الامتحانات اية اخبارها عشان بقالها كتير مش نزلت  احسن الامتحان  يعدى عليها وفعلا لبست وجاية تدور ع جزمتها  عشان تلبسها وتنزل ملقتهاش بس لاقيت جزم  تانية وكل جزمة ليها فردة واحدة بس فبتبص النحية التانية لاقيت جزمة بالفردتين بتوعها  لونها بيج وشكلها حلو وجديد بس اختى قالت انها مقسها شكلة صغير بس قال تجرب تلبسها عشان هى لابسة شراب وممكن الشراب  يزحلق الجزمة وتدخل ف رجلها فجاية تجربها ففجاءة لاقيت جزمتها اللى هى كانت بتدور عليها من الاول والحلم انتهى
مع العلم اختى انسة ومخلصة دراسة وفعلا كان ف صاحب اخويا متقدملها بس رفضتة بشكل قاطع