الحلم رقم (4)
حلمت ان انا خرجت من البيت ومشيت مش عارفة كنت رايحة فين وصلت لعربية مواصلات
ركبت فيها وكان كلها رجال وشباب انا قعدت جنب الباب وكنت قاعدة عكس الناس يعنى كان وجهى
على الناس اللى قاعدين وراء لكن بعد ما عدد الركاب اكتمل غيرت اتجاهى وقعدت طبيعى
زى باقى الناس وبعدين العربية طلعت بينا وكانت سريعة وانا اتبهدلت لانى كنت جنب الباب
ولقيت نفسى طايرة برة الباب وماسكة فى العربية علشان ممكن اقع على الارض بس كنت مبسوطة مكنتش خايفة
وبعدين العربية وقفت فى الطريق وانا نزلت ونزل معايا شابين اعمارهم حوالى 18 سنة
قعدنا نتمشى فى الطريق ولقينا زرع كان فيه ورد احمر وورد بمبى
فيه شاب قعد يقطف ورد احمر وانا رحت اقطف وردة حمراء لكن الشاب اللى كان بيقطف
ورد لقيته قطف الورد الاحمر كله
لقيت الورد اللى باقى الورد البمبى قطفت واحدة
وبعد كده لقيت الشاب بيحاول يقرب منى وبعد كده من غير ما اخد بالى الشاب قرصنى فى منتصف ضهرى
انا خوفت منه رحت اتحاميت فى الشاب التانى لانه كان مهذب مشيت معاه قعدنا نتمشى فى الطريق
كانت طريق زراعية والزرع مسقى بالمياه وكان شكله جميل جدا
وبعد كده الشاب سألنى قال لى ايه اللى حصل من الشاب التانى علشان تخافى منه قلت له
عاكسنى فقال لى ده خاطب انا اتفاجئت وبعد كده كملنا الطريق وقعدنا نتمشى وعدينا على مخاطر كان فى كهربا وشوية مخاطر تانية مش فاكراها لكن
عدينا منها بسلام
انا آنسة وحالتى الدينية متوسطة
[ltr]والشابين معرفهمش[/ltr]
3
