تفسير احلام الاثنين 14\4\2014 باذن الله

الحلم رقم3

انا حلمت ان احنا عزلنا من الدور التاني للدور ال 13 وانا كنت زعلانة وبقول احنا اتنقلنا الدور التاني كان احلي واختي قالتلي ليه ده كده حلو هتشوفي السما في وشك والطيارات ماشية ادامك وبعدين الحلم اتحول ان انا كنت في بيت جدتي والدة بابا وكان في ميتم واللي ماتت كانت بنت عمتي فانا استغربت قولت ايه ده دي ماتت ازاي دي بقالها 6 شهور مخطوبة ومكتوب كتابها دي ملحقتش تفرح وانتهي الحلم
انا انسة وبنت عمى مكتوب كتابها

حلم  رقم 5                     حلمت ان زوج اختي وليد بعث لي هديه عباره عن عبايه خروج جميله وثلاثه فساتين اطفال بناتي  وفتحت الباب واخذتهم  (متزوجه وعندي بنت)                              

حلم رقم 8

ازيك يا احلى ماما نجية حلمت خير اني كاني راكبة قطار ماشي بسرعة وكان في هناك حمارين ماشين مع القطار وكان بيجروا عربية فيها شنط لحد ما واحد من الحمارين وقع وخبط نفسه جامد وقعد يصرخ وانا زعلت عليه مع اني الحمدالله متدينة وانسة

حلم رقم 9 
السلام عليكم ماما نجيه عندي حلم لسلفتى وياريت منك تفسيروه جزاكي الله كل خير
هي الان حامل في شهر الثاني  اسمها نبيله
حلمت بطقمين صلاة واحد ازرق وتانى ابيض منقط باسود فسلفتى اسمها غدير طلبت منى طقم بس مااعطيتها
سلفتى غدير ليست حامل وعندها اربع بنات

tamatem 89 كتب:

10


السلام عليكم ورحمه الله ..



انا حلمت النهارده حلم فيه حاجات كتيير

اولا حلمت ان الاء اتصلت بي وقالتلي على فكره عليناامتحان بعد بكره يوم الاربعاء ماده احياء لاني كنت يومها غايبه وبعدها لقيتني مع اسماء بنت عمي في عربيتها وماشيه وانها لسه راجعه من الشغل كمدرسه وبتحكيلي انها قدمت على تحويل لدمياط عشان تكون قريبه من بيتها وعيالها مع انها لسه عقد مؤقت .. المهم الطريق بقى قلب شط النيل وشكله رااائع لونه ابيض والناس بتتصور على الشط ولما دخلنا المحافظه كان النيل مستخبي ورا مبنى كبيييييير اووي شاهق المهم والدنيا ليلت وانا كنت واقفه في الشارع وشويه عيال بيلعبو كوره وشويه الدنيا اتملت بوليس ورجال بوليس وانا قلت اروح شويه شويه لقيت واحد بيمشي ورايا من البوليس وطلعت وجريت لقيته طلع ورايا لحد الشقه وانا بقفل الباب بالمفتاح لقيته بيحاول يفتحه من بره وفجاه لقيت واحده في البيت بتقول علي كلام وحش وبتشكك في شرفي وقامت جابت حديد البوتوجاز ورميته في الشارع عشان الناس تتلم وتسمعها وشويه لقيتني في شارع بهرب من الناس وشفت الاستاذ يسري فوده بردو بيهرب ولبس جاكت عشان محدش يعرفه ورحت استخبيت في حمام عمومي وكان نظيف لقيت اتنين ستات جم ورايا واحده بتقول انا معايا فلوس والتانيه معاهاطفل وهقول للناس انك بتبيعي الاطفال يعني تهمه ملفقه قمت سبيتهم وهربت ولقيت عربيه فخمه جداااااااا وشنطه العربيه اتفتحت عشان استاذ يسري فوده يستخبلى فيها هو دخل وانا نطيت واستخبيت جنبه والناس بيقفولو الشنطه مكنتش عايزه تتقفل اتزنقنا واتقفلت الشنطه وسالني انتي بتهربي من ايه وبنتكلم كاننا عارفين بعض.. وبعدها لقيتني مع بابا في مستشفى كده عشان رجليه وجعاه المهم شفت دكتور احمد محروس وكان قصير وشعره ابيض شويه وسلمت عليه وبابا كانه مش طايقه وبعدها لقيتني في بيت على انه بيتنا وجايلنا ضيوف كتير ماشاء الله خالاتي وبناتهم واختي كانت بتذاكر في الاوضه ومش عايزه من بنات خالتي يشوفوها ولقيت لاعبين كره القدم جايين البيت وواحد منهم بيغمزني بعنيه وانا طنشته شويه اخوي وكل الاعبين والرجاله نزلو يصلو المغرب وبنت خالتي دخلت على اختي فجاه واختي عملت عبيطه وقلتلها ابقي ارقي نفسك بعدين

وشويه لقيتني في بيت تاني اللي كنت ساكنه فيه في القاهره والست صاحبه البيت طالعه ومعاها ستاير لونها دهبي فاتح ولسه مغسوله وقلتلها ابقى اعلقهم بعدين تقولي خليني وو قلتلها بعدين
 وبعدها شويه لقيتني اني هفتح محل طرح صغير اووووووي لدرجه انه عباره عن حيطه بتاع متر في مول فخم وبس كده


انا الايام دي تعبانه جدااااا نفسيا .. وبصلي في اليوم حوالي اربع او تلات مرات صلاه الحاجه .. ويارب يقرب البعيد

امي الايام هي اللي تعبانه وبابا بيشتكي من رجليه
انا امتحاني معرفش امتى .. بس انا معنديش قوه اني اذاكر لاني نفسيتي تحت الصفر بكتيييييير

اسماءبنت عمي معندهاش عربيه اه هي خريجه تربيه بس مش بتشتغل

بنات خالتي حسودين اوووي على الكل في العيله

دكتور احمد كان دكتور بشتغل معاه في الرعايه .طويل مهوش قصير . بس بقاله سنه محجوز في السجن بسبب تهمه ملفقه من واحده بنت

الاء دي كانت زميلتي في الثانويه ومحناش تخصص واحد
انا شفت لاعبين كوره القدم مره واحده كنت معاهم على طياره واحده 
الست صاحبه البيت دي تحب تحط دمافها في كل حاجه لحد ما حطينا حدود للتعاملوياها لكن عامه هي ست مش كويسه من ناحيه التعامل والامانه

الاايام دي انا قربت من ربنااكتر
ولا بيت من البيوت اللي شفتها يشبه الواقع
المذيع يسري فوده من الاشخاص اللي بتابعهم وبحترمه جداا وطبعا ولا شفته ولا يعرفني
انا بدعي ربنا يقرب سيد ويخطبني يارب

الحلم رقم 12
اختى حلمت خير ان شاء الله انها فى امتحان وانها بتغش وان رئيس اللجان هو السيسى ودخل اللجنه اللى هيه فيها ووقف جمبها وادلها خوخ و فى مشهد تانى فى الحلم شافت ان هيه خرجت واتنين من اصحابها اللى معاها فى الشغل اخدو من الخوخ ده فهيه خدته منهم وزعقتلهم انهم خدو منو فلقت ان اتفضل من الخوخ ده 3 خوخات فاخدتهم فراحت واحده من اصحابها دول راحت اشتكت لصاحب الشغل وكبرت المواضيع فصاحب الشغل قال لختى انتى مش هتبطلى قله ادب فزعلت وعيطت وقالتله حسبى الله ونعم الوكيل وسبتله الشغل فكان عايز يرجعها الشغل بس عند ومرديش يتصل بيها وهيه كانت عارفه انه عايز يرجعها لكن هيه كمان عندت ومردتش ترجعله تانى اختى انسه ومع العلم هيه فى الحقيقه فى مشكله هيه والبنت اللى معاها فى الحلم 
واختى تانيه هى متزوجه حلمت اللهم اجعله خير ان هى عندنا فى البيت وماما وبابا الله يرحمه قاعدين وقدمهم اكل فبعدين بابا كان معاه فلوس بيعدها ومكنش رادى يبص لاختى زى ميكون زعلان منها وبعدين ماما قلتلها ان هعطيكى فلوس علشان تشترى طقم جديد علشان عندنا فرح راحت هى قالت لماما لاء انا معايه فلوس وبابااقعد يعد فى الفلوس زى ما يكون بيغظها بالفلوس وانتهى الحلم 
وانا برده فى نفس اليوم حلمت ان احنا معنديناش اكل وبابا جيه عندنا وبرده مجبش اكل بس كان معاه فلوس فقلت مش مشكله انوا يجيب اكل معاه المهم ان فيه فلوس نجيب اكل احنا وخلص الحلم  بابا متوفى وانا انسه واختى متزوجه

13

حلمت خير اللهم اجعله خير انى واقفة مع واحدة شابة حامل من راجل وراحت ربنا يعافينا مموته ابنها منه فلقيته زعل اوووى على انها مبقتش حامل منه فقلتله بس هى صحيح موتته بس انا حامل منك حاليا فلقيته بيقوللى لازم اتاكد اذا ده فعلا منى ولا لا فاتأكد فعلا انى حامل منه هو فلقيته فرح بيا اووووى وقال انه اتعوض عن ابنه اللى البنت اللى قبلى موتته ونزلت حملها فيه وانا كنت فرحانة بالراجل ده اوى انه اقتنع ان انا اللى شايله ابنه 

وكنت شفت منام قبل كده انى دخلت قصر فخم اوووى ولقيت فيه راجل كبير جايبلى امبولين دواء لونه احمر والمفروض هيديهوملى علاج فى الوريد وزى ما يكون انا كنت تعبانة وبدور ع العلاج ده فعلا وبقوله ادهولى لقيته بدل الامبول جايبلى اتنين وكنت مبسوطة انى هاخد علاجى وهرتاح بقا

14
السلام عليكم انا انسه غير مرتبطه . حلمت من كام يوم ان ماما الله يرحمها او خالتي الكبيره ربنا يديها الصحه واحده فيهم يعنى بس مش فاكره مين كانت ماده ايدها و ببتدينى كيس بلاستيك فيه عنب صغير لونه بنفسجي.


الحلم ده لاختى هي متجوزة و عندها ولدان . حلمت انه احنا في فرح اختنا التالته (اتجوزت فعلا من 3 شهور) وانها هتلبس طقم جيبة مشجره و بلوزه مشجره بس ده شكل  و دس شكل تانى و لما وقفت قدام المرايه لقيتهم مش لاقين على بعض و الجاكت واسع جدا عليها وماما جت بصت عليها لقيت الترزي مش مسرفله و الجاكت مبهدل و كانت زعلانه عشان احنا بعتنا قماش كتير و في الاخر بوظ الهدوم. واخدته تضيقه لاختى بس طلع ضيق عليها قوي و مش بيقفل من الصدر. و بعدين اختى دخلت عندي الاوضه بتاعت اللبس بتسالنى على ايشارب ساده تلبسه. لقينا اختنا التالته اللي المفروض انها ده فرحها بتقو لنا الحقونى الحقونى . كانت القصافه او السكينة المبططه اللي في القصافه داخله بين الابهام و السبابه. اختى التانيه قامت شداها و مطلعاه و كانت العروسه مبسوطه و بتضحك ان السكينه مش سابت جرح مكانها.

اختى العروسه دي متجوزة من كام شهر بس و هي حامل دلوقتى بس عندها شويه قلق في حملها