تفسير احلام الاثنين 18\6\2014 باذن الله

3
حلمت ان باب الشقة خبط وفتحت لقيت 3 ستات ماعرفهمش بس عرفت من كلامهم انهم جايين يتقدمولي فدخلتهم وعرفت كمان مين العريس
وخلص الحلم علي كدة مع العلم اني انسة وفيه شخص المفروض هيتقدملي اليومين دول وفي الحلم عرفت انهم تبعه هو 
ومعلش يا ماما حلمت كمان ان بتفرج علي شقة العريس ده وان الشقة حلوة بس مكانها مش عجبني وقلت لماما كدة في الحلم 
وخلص علي كدة

4
الحلم ده لماما 
حلمت اني باصة من الشباك ونصي كله برا وشبه نايمة علي الحبال انه قربت اقع يعني راحت ماما شداني ومدخلاني جوا وانا فضلت اعيط وماما فضلت تقول سبحان الله واستغفر الله ولا اله الا الله بس كانت بتقولهم بغنة زي الشيوخ 
وخلص الحلم علي كدة

الحلم ٥
حلمت اننا سافرنا لدولة اوربية مع عائلة ودخلنا فندق وكانه يرتفع لفوق للغرف
ووجدت انه غرفتي مشتركة مع اهل وقلت لوالدي اريد غرفة لي فقط ثم قال
حسنا بعد قليل ساغير ثم وجدت انه غرفتي الاخرى مع ناس ايضا ثم
قلت هيا ننزل ونستكشف البلد ورايت امراة اوربية في الفندق.

6

حلمت خير اللهم اجعله خير يارب انى رايحة مع امى عند دكتور كبير وكنا مستنيين الدكتور ييجى عشان ناخد دور وندخله كمان وبعدين فضلنا نستناه كتير وكان فيه زحمة فى المكان فخرجنا نقف فى الشارع ع بال ما ييجى بس كانت حرارة الشمس شديدة جداااااااا لدرجة مش معقولة لدرجة انى حسيت انى جالى هبوط ودوخت جامد وبقيت مش قادرة اقف لا انا ولا امى فلقيت ماما جريت على مكان زى ترعة فيها مية عشان تتوضى من حر الشمس فقلتلها استنى انا معايا مياه نضيفة عن كده هصبلك منها وانتى تتوضى فجيت اصبلها منها كانت فى الاول المياة كويسة بس بدأت احس ان حتى المية اللى معايا مش نضيفة ومع ذلك كنت بصبلها عشان مفيش غيرها وكانت حرارة الشمس تعبانى اوى لحد ما خلاص بقيت مش قادرة ووقعت على الارض دايخة خالص فلقيت شاب لابس بالطو ابيض كان دكتور صغير وزى ما يكون ابن الدكتور الكبير اللى احنا رايحين ليه فلقيت والله جه شالنى من على الارض ولقيته راح مدخلنى العيادة ولقيته عمل حاجة غريبة اوى كان زى ما يكون معاه ثعبان حى لونه اسود فى ذهبى و بيؤمره والثعبان بيسمع كلامه !!! فلقيته بيؤمره انه يجر زى ما يكون تروللى انا عليه كده فكنت خايفة منه اوووى فالدكتور قاللى متخافيش منه ده معايا !! فلقيته فعلا بيتحكم فيه زى ما هو عايز فانا قلت للدكتور الله ده الثعبان ده اكل الفرو الاسود اللى كنت لابساه قاللى مفيش مشكلة اهم حاجة انا لما شيلتك جبتلك شنطتك وحاجتك والحمد لله مفيش حاجة ضايعة ولا واقعة منك وامك بخير برده ولقيته بيفتحلى حنفية مياه نضيفة اوى وغسلت وشى منها فبسأله بقوله انت مين بقا قاللى انا الشاب اللى انتى كنتى بتهاجميه فى الاول بس انا سبتك وقتها وكان وراا صلاة فقمت صليت وخلصتها ورجعلتك تانى فانا اتبسطت من كلامه وارتحت فيه اوى وكنت سعيدة انه خلصنى من الحر والتعب اللى كنت فيه ... بس كده 

حلم رقم 9
ماما نجية أنا صاحبة الحلم دا 
نا حامل في الشهر السادس و الدكتورة من زمان وهي قالت واحد مش هنكر ان كان نفسي في توأم بي الحاجة الغريبة اني 3 مرات حلمت بتوأم مرتين بيكونوا ولدين ومرة ولد وبنت مرة الولدين على ترابيزة المطبخ وكانوا عاريين مش لابسين يعني وكنت بكلم اخت زوجي وهي واقفة معايا في المطبخ والمرة دي بقالها كذا شهر والمرة التانية من اسبوع كده حلمت ان شفت بيبي ومفروض هو ابني فزعلت لان وجهه رفيع وشكله نحيف وبعدين بصيت لقيت بيبي تاني ما شاء الله أمور ووجهه مليان ومور وقلتله على حسب حلم جدتك(والدة زوجي)مفروض اسميك محمود لكن هسميك عمار لانها حلمت من اول حملي بطفل سشكله ما شاء الله جميل متقدم لها على شكل عريس واسمه محمود وباقي حلمي لما شفت البيبي وناديته عمار ان زوجي راح يجيب باقي فلوس الولادة للدكتورة بابا هو اللي قالي ورحت عند بيت جدتي وتقريبا اتعلمت ازاي البسه بامبرز وأول امبارح حلمت بولد وبنت مش عارفة بغسلهم مكان الحمام ولا ايه فأنا مش عارفة ليه دايما بحلم باتنين على فكرة الدكتورة اللي بتابع معاها كانت بتقول لخالتي واحد بس مع ان خالتي كانت كاشفة عند دكتور وقالها توأم وفعلا جابت توام بس خالتي فسرت ان الدكتورة دي قالتلها انها حامل في واحد لأنها كانت تعبانة في حملها فأنا مش عارفة تفسير الأحلام بتاع الطفلين دي ايه وأنا بقالي داخله على يومين اهو تعبانة جدًا مغص فظيع مش عارفة أنام أتمنى التفسير يا ماما نجيه والدكتورة قالتلي ان البيبي ولد
حبيبتى انا احساسى من داخلى بيقول ان البيبى واحد وهيسمى محمود باذن الله لان اسماء الرسول لما تاتى فى الرؤيا لازم تسمى ان شاء الله  عموما املى سونار عند طبيب اخر طالما انك شاكة  علاوة على ان حجم البطن فى التوام بتكون كبيرة جدا وبتكون مقسومة شوية يعنى كل طفل واخد جنب  واهم شئ ان ربنا يعطيك طفل سليم معافى صالح بار يشد به الحيل يارب امين وطمنينى عليك باذن الله
بصراحة حضرتك كده حيرتيني لأن ماما كمان حلمت إنه اسمه أحمد هحكي لحضرتك الحلمين بحيث تعرفيني التفسير بتاع أحلامي دي كلها وبصراحة انا نفسي اسمي عمار
بصي يا ماما نجية بعد ما اتجوزت كان نفسي ابقى حامل بس البيريود جت مرتين المهم حماتي بعد المرة التانية او قبلها قالتلي انت ربنا هيرزقك ببنت وقبل ما اعرف اني هبقى حامل قالتلي انا شفت وزوجي بيصحيها الفجر عشان يمشي على شغله شافت رؤية اني جاي لها عريس صغير حلو اوي قالت معرفش للناس ولا لمين بس انا كبيرة قالولها خديه هو اسمه محمود فقالتلي يبقى انت ربنا هيرزقك بمحمود ووالدتي بعدها حلمت انها داخلة بيت حمايا وانا شقتي فوقهم المهم في المدخل لقيت حماتي وحمايا تقريبا وناس من الشارع قاعين وفيه طفل بيلعب قالتلهم مين ده قالولها بن (ب)أنا يعني قالتلهم اسمه ايه قالولها سميه انت فنادت له ب(أحمد) فأنا كده معرفش بقى الأتنين أسماء رسل اسمي ابني بايه ولا يمكن اكون حامل في اتنين والدكتورة مش راضية تقولي هههههههه اصلها مكنتش راضية تقول لخالتي بس خالتي كانت كاشفة قبلها عند حد تاني وعارفة انه توأم بس هي خافت تقول لخالتي لانها كانت تعبانة وقتها فانا عايزة اسمع تفسيرك الله يكرمك اسمي ايه بقى